Zyeremii 9:5 - Cebaara Bible 2010

⁵ Mɔ tɛɛkòrogi i nyɛ námaraw nínge ni. Fáanagi báriga ni pe ga fɔ̀lɔ bi mii cán í,» Yawe wi jo nya.

Zyeremii 9:5 Iomraidhean Croise

Sélimɛ 19:11

Nǎnbèle bele si pe da pye kpaaweeli na lè, a be bele bee myɛ kàriga fúunbéle, n pìíbèle pínɛ wolɛɛbèle ni. Pe ga níì pye bi gbǎn kpaaweeli tɛ́ʔɛ cán í.

Zyɔbi 11:3

Mɔ joonɛʔɛgi í syɛ́ɛnbèle kaan lé be pyèri? Mɔ í ra miyɛɛ nyɛ́nɛ lé syɔɔn si a kɔ́ fɛ̀ɛrɛ wáa mɔ na í?

Zyɔbi 15:5

Níì cán mɔ kolomi pi mɔ nyɔ́ɔgi kàragí, námarafɔbèle jooganma mɔ nyɛ́nɛ n wòlo.

Ŋúnuyi 140:3

Poro bele be tímana kapeeyi kpéʔelele na be fúnyi ni lè, ní i kapɛɛngèle yìrigí canʔa o canʔa.

Ŋúnuyi 50:19

Mɔ i mɔ nyɔ́ɔgi nii kapeegi ni, mɔ nyínni i fáanaga syɛ́ɛnrɛ nyuu.

Ŋúnuyi 52:3

Nyàʔá na mɔ miyɛɛ gbɔ́ʔɔgi kapeegi kéele na, mɔ fànnɛʔɛgɛ fɔ́lɔ? Kolocɔlɔɔ funjǎngi i nyɛ beè làla o làla.

Ŋúnuyi 64:3

Mii syɔɔ syɛɛnpeebèle kpóʔorojoolo ma, ní syɛɛnnaa-sìnzinbèle tìngbɔɔmɔ ma.

Ŋúnuyi 7:14

Syɛɛnkpoo-yáriri wi sámagi lè, wiyɛɛ kéeli na wi di sámagi, wi n wi ŋaasɔɔnyi kpéʔele naà wóyo.

Kàseegèle 12:5

Syɛɛnsinbèle sɔ̀ngurɔ i nyɛ sínnɛ na yagana, syɛɛnpeebèle katimanagéle si i nyɛ námaraw.

Kàseegèle 4:16

Níì cán bele bee i nyɛ kapye pe ga kapeʔe kpéʔele í, pe a gbǎn ŋúnɔ í. Kapye pe ga syɔɔn taa n cáan í, ŋúnɔmi n pɛ́ɛ be na.

Ezayi 5:18

Wɔʔɔli a pye bele na be sìnzinmi pwɔɔ ni kíle ní jànvaaw mɛ́ɛngéle ní lè, ní wɔ́ɔ i kapeeli kíle mɔ a jo wòtoro be kíle.

Ezayi 57:10

Mɔ n miyɛɛ vɔ̀rɔ mɔ kôdanʔa-nɛʔɛri báriga ni, mɔ si tée o gi nyuu si jo: ‹Ki i nyɛ nyùngo fun í!› Fànʔa sèʔé i nyɛ mɔ kɔ́gi ni, a koro gi kaan mɔ bárigaw ga kwɔ́ɔ í.

Zyeremii 12:13

Pe n bilew lùgu, ní baa wúuro yaliilaara kpéʔele, pe n fɔ̀rɔgɔ taʔa peyɛɛ na tɔ̀nɔ fun ni. Ki n yɛlɛ fɛ̀ɛrɛ í yele taa yele yaliilaari kéele na Yawe fundanʔari káfugbanga báriga ni.»

Zyeremii 12:6

Níì cán àlí mɔ senyɛnbèle tiimaa, ní mɔ tóow kpaʔa wòolo wɔ́ɔgēle, pe i mɔ jànváa, pe tiimaw wɔ́ɔ i yákpogèle wáa gbanʔama ni syée mɔ kurugo. Lǎli ni pe ga ni syɛɛntaanra nyuu mɔ ma lè, mɔ a kɔ́ tága be na í.

Zyeremii 13:23

A Etyopii ye wóo a gbǎn wi césaligi kàriga lé, wàlá sèjɔɔn í wi tɛɛ̀nyɔngɔ-nyɔngɔyi kàriga? Koro na yele bele ye tàli kapeeyi pyele na lè, yele a gbǎn kacànna kpéʔele í.

Zyeremii 4:22

«Kányɛʔɛ na mii syɛ́ɛnbèle n dóli, pe ga mii cán í. Jaafɔ-labalaya yii, pe n fɔ̀n cánna ni. Kapeʔe pyele sícilimɛ yagana bi nyɛ be ma, kàjáa pe ga kacànna pyeganma cán í.»

Zyeremii 51:58

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Babilɔni tògboloyi a cáan núngo yaà péw, naà a wi kɔ̀ritɔnɔyi sórigo. Kánmi bee na syɛɛnfeleyi a báara kawaʔa na, tátɛɛyi syɛ̀ɛnnɛ a báara kaan náagi ma.»

Zyeremii 51:64

mí gi joo mí jo: ‹Kánmi naa na Babilɔni a kéle, wi a ní yìri bi yiri wɔʔɔgi ni mii a tórigo wi kurugo lè í. Pe a ra wɔʔɔ.› » Nɛɛ naa Zyeremii syɛ́ɛnri kwɔ́ɔ.

Zyeremii 7:28

Koro na gi joo be ma mí be pye: ‹Syɛɛnfelegaa gi nyɛ gee naa, gee gi lè ki o Yawe gi Kolocɔlɔw jóomɔ lúro í, ki wɔ́ɔ o caa bi fɔ̀lɔ tamana na í. Kányɛɛgi ní o beè í, ki n kwɔ́ɔ n láʔa pe nyɔ́ɔyi na.›

Zyeremii 9:3

«Syɔɔn o syɔɔn n yɛlɛ waa wiyɛɛ kɔ̀rɔsíi wi tàannyɛnnɛ na, wi a kɔ́ wiyɛɛ yaʔa wi senyɛnwaa faala na í. Níì cán senyɛnbèle myɛ i nyɛ námarafɔɔlɔ, tàannyɛnbèle myɛ i mɛ́ɛyi kálagi ni máari.

Zyeremii 9:8

Amɛɛ be kapyeri bee kpéʔele lè, mii si kòro lé kàa sìnbye ni be na?» Yawe wi jo nya. «Mii a kòro lé gɔ̀lɔ́w sìnwòlo ni syɛɛnfelegi bee félege na?»

Ezekyɛli 24:12

Koro n pye n wáa gbanzan, tátɔɔnw wi gi foro lè, náagi ga wi tátɔɔnw láʔa í.

Misye 6:12

Kěgi bee lɔ́rɔ fɔ̀ɔlɔ n nyìn tanʔari na, ki syɛ́ɛnbèle i jànvaaw nyuu. Námaraw yagana na pe nyíngèle nyɛ pe nyɔ́ɔyi ni.

Misye 6:3

«Mii syɛ́ɛnbèle, nyàʔá mii pye yele na? Nyàʔá ní mii yele fɔ̀rɔ? Ye syɛɛnlurugori kaan mii ma!

Habakuki 2:13

Yawe wi lè Nyɛ̀ʔɛni Sùlasiibéle Kafɔlɔ, woro má ban gee naa yìri ì, koro gi nyɛ syɛ́ɛnbèle i báara náagi ma, syɛɛnfeleyi i yiyɛɛ vɔ̀rɔgí gbanzan?

Malasyii 2:10

Wo myɛ o nyɛ tofɔlɔ nibin wòolo ì? Kolocɔlɔɔ nibin ban wi wo faan ì? Nyàʔá si na wo woyɛɛ jànváa, ní i joogaanni kálagi, lee Kolocɔlɔɔ da kpéʔele ní wolo tóolɛɛbèle ní lè?

Efɛzi ye 4:25

Gee bee na gi yɛlɛ yele í jànvaaw yaʔa, syɔɔn o syɔɔn n yɛlɛ yele ni waa kányɛʔɛ nyuu wi syɛɛnnyɛnnɛ ma. Níì cán wolo i nyɛ woyɛɛ céri tɛ́ɛyɛ.

1 Timɔte 4:2

Jànvaaw tamana i taagi syɛɛnjóotɛɛyi siin joofɔɔlɔ ma, poro bele fúnyo yi gbàn lè mɔ a jo namisógugo fɛɛ wii.

Jàbɔbèle 2:10

Yìrili bee wòolo myɛ maa wɔ́ɔ baa kùu n fàra be toolɛɛbèle na, á pèle baa yìri poro kurugo, bele be lè pe ga Yawe cán í, kérigèle gele wi da kpéʔele Isirayɛli ye ma lè, pe si ga wɔ́ɔ̀ gele bee cán í.