Zyeremii 9:3 - Cebaara Bible 2010

³ «Syɔɔn o syɔɔn n yɛlɛ waa wiyɛɛ kɔ̀rɔsíi wi tàannyɛnnɛ na, wi a kɔ́ wiyɛɛ yaʔa wi senyɛnwaa faala na í. Níì cán senyɛnbèle myɛ i nyɛ námarafɔɔlɔ, tàannyɛnbèle myɛ i mɛ́ɛyi kálagi ni máari.

Zyeremii 9:3 Iomraidhean Croise

Sélimɛ 39:16

A wi si Zyozɛfu búrogi tɛ́ʔɛ wiyɛɛ daana n taa a wi kàfɔw yìri yaà n lúru n pan kpaʔa ma.

Kàseegèle 12:5

Syɛɛnsinbèle sɔ̀ngurɔ i nyɛ sínnɛ na yagana, syɛɛnpeebèle katimanagéle si i nyɛ námaraw.

Ezayi 1:3

Nɔ̀ɔ n wi kàfɔw cán, a jòfani wi kàfɔw cán, wee wi wi kaangi wi i líi lè, kàjáa Isirayɛli ga yafyɛn cán í, mii syɛ́ɛnbèle ga yarigaa cán í.»

Ezayi 3:5

Ki a pye syɛ́ɛnbèle nínge ni, wee í da wɔʔɔli gbàngí wee na, ní syɔɔn ní wi tɛ́ɛnnyɛnnɛ níngi ni. Nìgɔcariɔ a ra tuun nànlɛɛɔ na, nifaalaga a ra tuun báriga syɔ́ɔn na.

Ezayi 6:5

Lǎli bee ni a mii jo: «Wɔʔɔlɔ i nyɛ mii na! Mii n pùuni, níì cán mii i nyɛ syɔɔnwaa, wee nyɔ́ɔwara di nɔ́nʔɔ lè, mii i nyɛ syɛ́ɛnbèle pèle nínge ni, bele nyɔ́ɔwara di nɔ́nʔɔ lè, á mii nyapiigèle si Fànʔafɔw Yawe nyaa, woro wee wi lè Nyɛ̀ʔɛni Sùlasiibéle Kafɔlɔ.»

Ezayi 9:18

Yawe wi lè Nyɛ̀ʔɛni Sùlasiibéle Kafɔlɔ woro fundanʔagbɔɔri n tári cò naà, a syɛ́ɛnbèle pye náagi yasorigoro. Wàa faala o nyɔɔgi wi senyɛnnɛ̀ na í.

Zyeremii 12:6

Níì cán àlí mɔ senyɛnbèle tiimaa, ní mɔ tóow kpaʔa wòolo wɔ́ɔgēle, pe i mɔ jànváa, pe tiimaw wɔ́ɔ i yákpogèle wáa gbanʔama ni syée mɔ kurugo. Lǎli ni pe ga ni syɛɛntaanra nyuu mɔ ma lè, mɔ a kɔ́ tága be na í.

Zyeremii 22:16

Wi maa ni foomɔfɔw ní fɔ̀rɔgɔfɔw kútii kèlē cɔɔnri, lǎli bee ni a wi kérigèle myɛ i nyɔɔgi. Gee bee ban gi nyɛ syɔɔn n mii cán ì?» Yawe wi jo nya.

Zyeremii 31:34

Wee naa a ní da wi syɛɛnnyɛnnɛ tama, wàlá wee yaa í da wi senyɛnnɛ tama si jo: ‹Ki n yɛlɛ ye Yawe cán í.› Níì cán pìíbèle ní wolɛɛbèle myɛ a ba mii cán,» Yawe wi jo nya. «Níì cán mii a be kolomi kùsulugo syɔɔ, mii a ní sɔ̀ngí taa be kapeegèle na nyáana í.»

Zyeremii 4:22

«Kányɛʔɛ na mii syɛ́ɛnbèle n dóli, pe ga mii cán í. Jaafɔ-labalaya yii, pe n fɔ̀n cánna ni. Kapeʔe pyele sícilimɛ yagana bi nyɛ be ma, kàjáa pe ga kacànna pyeganma cán í.»

Zyeremii 5:4

Mii maa ni gi nyuu níì jo: «Wobiigèle kèle gɛɛ, ke i cúromɔ naʔama náari, níì cán pe ga Yawe kólogi cán í, ki lè pe Kolocɔlɔw làlwa kèlē.

Zyeremii 5:5

Koro na mii a kári wogbolobèle ma bi sa joo ní be ní. Níì cán bele bee na, poro n Yawe kólogi cán, ki lè pe Kolocɔlɔw làlwa kèlē.» Kàjáa bele bee maa wɔ́ɔ̀ pínɛ n zúuw kabi, níì yapwɔɔri cɛnɛ.

Zyeremii 6:28

Pe myɛ i nyɛ niceebéle n sɔ̀lɔ ki dǎnw na, ní mɛ́ɛkalagibéle, pe i nyɛ àmɛɛ kanyɛɛnrɛ ní tunmɔrɔ nyɛ lè, pe myɛ n kálagi.

Zyeremii 7:26

Kàjáa pe ga lóʔo mii ma í, pe ga líiyi cáan í, pe n be nyùngbaabèle kpee, pe n kapeele pye n sɔ̀lɔ pe toolɛɛbèle na.›

Zyeremii 9:5

Mɔ tɛɛkòrogi i nyɛ námaraw nínge ni. Fáanagi báriga ni pe ga fɔ̀lɔ bi mii cán í,» Yawe wi jo nya.

Zyeremii 9:8

Amɛɛ be kapyeri bee kpéʔele lè, mii si kòro lé kàa sìnbye ni be na?» Yawe wi jo nya. «Mii a kòro lé gɔ̀lɔ́w sìnwòlo ni syɛɛnfelegi bee félege na?»

Ezekyɛli 8:13

A wi mii pye: «Mɔ a ní sèʔé kapeekpoloyaa nyaa, yee be kpéʔele lè.»

Danyɛli 11:27

Fànʔafɔbèle siin a ra kapeʔe sɔ̀ngí be fúnyi ni bi kpéʔele, pe a ra jànvaaw nyuu peyɛɛ ma bi be yaʔa tàbali-níjanw na. Kàjáa gee bee a foro í, níì cán làrigwɔɔli a nan í, fwɔɔ bi taa lǎli i ba nan, lee li kɔ̀rirɔ n tɛ́ʔɛ lè.

Levii ye sáriga-wòlori 19:11

Yele a kɔ́ ra yúu í. Yele wàa a kɔ́ wi felegefɔ-nyɛ́nnɛ jànváa wàlá bi finɛ taʔa wi na í.

Mariki 8:38

Níì cán wee wi ga ni fɛ̀ɛrɛ kpéʔele lè tɔ́ɔliw naa kanɔnʔɔbyebèlē nínge ni mii kéeli na, ní mii syɛ́ɛnri kéele na mii joo lè, Syɔɔn-pya a wɔ́ɔ ba fɛ̀ɛrɛ kpéʔele wee bee kéele na lǎli ni wi ga ni maa wi Tóow nìjangbɔɔrɔ ni lè ní wi tundunjanbèle ní.»

Zyan 17:3

Pe ga mɔ cán ncan mɔ nibin wi nyɛ Kolocɔlɔw wodeleo, ní wɔ́ɔ̀ mɔ Tundunw cán wi lè Zyezu Kirisi, koro gi nyɛ be ma sìibangwɔɔw.

Kapyegèle 24:9

A Zyefubèle wɔ́ɔ̀ yére gi ni níì jo, ànbée gi tɔ̀nɔ n pye.

Wɔrɔmi ye 1:16

Níì cán Syɛɛnjóocǎnri mii nyuu lè, fɛ̀ɛrɛ o mii taagi di kéeli na í, ti i nyɛ Kolocɔlɔɔ fǎngi bàā syɛ́ɛnbèle syoo, bele myɛ be tági lè di na, wozelibèle be nyɛ Zyefubèle n náà fàra syɛɛnfeleyi wozanya na.

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

Wɔrɔmi ye 3:13

Pe yákpodiriyi i nyɛ àmɛɛ nyanwee-múguyaʔaga nyɛ lè, pe i be nyíngèle téeri ni syɛ́ɛnbèle fáana, ki i nyɛ mɔ a jo wàbisɔɔnrɔ i nyɛ pe nyɔɔwari láara ni.

1 Korɛnti ye 15:34

Ye fundeleye le yeyɛɛ ni, yáā kasingéle kpéʔele, yé láʔa kapeegèle na. Níì cán pèle i yaà pe ga Kolocɔlɔɔ cán í, mii n koro joo bi fɛ̀ɛrɛ wáa yele na.

Filipikaʔa ye 1:28

mii í wɔ́ɔ gi lóʔo bele be túngu ní yele ní lè, yele o fɛ̀ɛgí be na kanmaa faala na í. Ki a pye be ma pe kálagili fɛ̀ɛ, si pye yele syɔɔli fɛ̀ɛ, gee bee n yìri Kolocɔlɔɔ ma.

2 Timɔte 3:13

Kàjáa syɛɛnpeebèle ní jànvaafɔbèle a ra syée yɛʔɛ̀ ma kapeebyeri ni, sáā syɛ́ɛnbèle fáana da pùuní, si wɔ́ɔ ra peyɛɛ bùuní.

Zyudi 1:3

Mii syɛɛn-nidaanmabèle, mii maa séli ni ŋàʔaná bi sɛ́bɛwaa sɛ́bɛ tórigo yele ma wolo syɔɔli kéele na, lee na wo pínɛ lè, a mii ní baa gi nyaa ki i nyɛ ŋàʔanaga kéele fwɔɔ mii í wi sɛ́bɛ bi yele kɛɛlɛ si jo, tágalee Kolocɔlɔɔ kàlifáa wi syɛɛncanbèle ma lè, li lè li a gbǎn fàli í, ki n yɛlɛ yele í da kapɛɛnnɛ kpúmɔn li kéeli na.

Tɛ̀ɛnnɛ 12:11

Pe n fànʔa taa wi na Bàpili sìsyaan wolo báriga ni n fàra be séeraw syɛ́ɛnrɛ na, pe ga be sìíw kéele córo í, fwɔɔ n baa nan kùu na.

Jàbɔbèle 14:17

A wi i nyaan wi na lìigbɔɔli canya kɔrɔsiinw myɛ fúngo ni. A ki ga pye can-kɔrɔsiin wógi na, a wi li kɔ́rɔw joo wi ma, níì cán wi maa kɔ́ɔ̀ wi fɔ̀rɔ n baa sɔ̀lɔ. A wi sáà kàseeli kɔ́rɔ joo wi syɛ́ɛnbèle pìibēle ma.

Jàbɔbèle 2:10

Yìrili bee wòolo myɛ maa wɔ́ɔ baa kùu n fàra be toolɛɛbèle na, á pèle baa yìri poro kurugo, bele be lè pe ga Yawe cán í, kérigèle gele wi da kpéʔele Isirayɛli ye ma lè, pe si ga wɔ́ɔ̀ gele bee cán í.

1 Samyɛli 2:12

Helii jáabèle si maa pye nifaʔaya, pe da Yawe cán í.