Zyeremii 9:2 - Cebaara Bible 2010

² «Pe nyíngèle n kíle n yaʔa àmɛɛ sedege nyɛ lè jànvaaw kéele na. Ki o nyɛ kányɛɛgi kéele na be fànʔa taa tári ni í. Níì cán pe i peemaa fàrá pàa na, mii si na, pe ga mii cán í,» Yawe wi jo nya.

Zyeremii 9:2 Iomraidhean Croise

Ezayi 59:3

Níì cán sìsyaanw n yele kadaagèle nɔ́nʔɔ, a kakolobyeri yele kabegèle nɔ́nʔɔ. Yele nyɔɔwari i jànvaaw nyuu, a yele nyíngèle i námaraw kabala ni nyuu.

Zyeremii 12:1

Mɔ n sín n caanri, Yawe, mii í kɔ́ pye kàkabaga na ní mɔ ní. Koro ní ki myɛ ní mii i caa bi joo ní mɔ ní mɔ kútiiw kèlē cɔɔnriganma na: Nyàʔá na syɛɛnpeebèle kèlē nyɔɔgi? Nyàʔá na námarafɔbèle myɛ nyɛ yɛɛ̀nyinge na sági, poro bele be syɔɔn jànváa lè?

Zyeremii 12:6

Níì cán àlí mɔ senyɛnbèle tiimaa, ní mɔ tóow kpaʔa wòolo wɔ́ɔgēle, pe i mɔ jànváa, pe tiimaw wɔ́ɔ i yákpogèle wáa gbanʔama ni syée mɔ kurugo. Lǎli ni pe ga ni syɛɛntaanra nyuu mɔ ma lè, mɔ a kɔ́ tága be na í.

Zyeremii 13:22

Mɔ ga ni gi nyuu mɔ fúngi ni níì jo: «Nyàʔá na gee naa nan mii na?» Koro n taa mɔ kakolo-nɛʔɛyi kéele na pe mɔ buronyɔɔw kùru n lúrugo níì mɔ ŋàʔana fànʔa na.

Zyeremii 23:10

Níì cán tári n nyìn kanɔnʔɔbyebèle na. Tári i nyɛ kùu káyaʔa na, dángaw kéele na. Fìími tára yaweenaʔa-tɛ́ɛyɛ nyaa n waʔa. Pe i fé kapeeyi kurugo. Lòmaana i nyɛ be ni sìnzinmi kpéʔelele na.

Zyeremii 4:22

«Kányɛʔɛ na mii syɛ́ɛnbèle n dóli, pe ga mii cán í. Jaafɔ-labalaya yii, pe n fɔ̀n cánna ni. Kapeʔe pyele sícilimɛ yagana bi nyɛ be ma, kàjáa pe ga kacànna pyeganma cán í.»

Zyeremii 5:1

«Ye fàn ye màʔa Zyerusalɛmi kàlari-kóloyi ni ye gi wéle, ye yíbege kpéʔele, ye caa ye wéle kadàlayi na, kapye nàɔn nibin i yaà yi ni, kapye wàa nibin i yaà, wee wi kasinnɛ kpéʔele lè, wee wi kányɛɛgi caa lè, mii a Zyerusalɛmi kùsulugi syɔɔ.

Zyeremii 5:11

Kányɛʔɛ na Isirayɛli kpáagi ní Zyuda kpáagi wòolo n tɔ̀nɔ n mii jànváa,» Yawe wi jo nya.

Zyeremii 5:2

Alí pe ga ni gi nyuu níì jo: ‹Yawe woweew mɛ́ʔɛ na!› Jànvaa kàliga be kɛ̀ɛ́.»

Oze sɛ́bɛw 4:2

Yafyɛn o beè kapye jànvaa kàliyi, ní námaraw, ní syɛɛnkpoori, ní kàyuugi, ní kanɔnʔɔri ban í. Kapeeyi be kpéʔele, syɛ́ɛnbèle na be kòro ni kúu.

Oze sɛ́bɛw 5:7

Pe n Yawe jànváa, níì cán pe n kanɔnʔɔrɔ piibéle see, tɔ́ɔliw ni, pe ní be kɔlɔ̀ yáriri a káa bi kwɔ́ɔ yeʔe nibin fúngo ni.

Oze sɛ́bɛw 6:7

«N yɛlɛ ní syɔɔn ye kánmi ní, pe n joogaanni kálagi. Nɛɛ bee pe mii jànváa.

Oze sɛ́bɛw 7:4

Pe myɛ i nyɛ kanɔnʔɔbyebèlē, pe i nyɛ àmɛɛ fúru nyɛ, wee búrukpumɔɔn wáriga lè. Wi ga míibirigegi waari n kwɔ́ɔ lǎli ni lè, wi n kàjenyunyi kpèʔelele yaʔa, fwɔɔ bi taa míibirigegi í ba yìri.

Misye 6:12

Kěgi bee lɔ́rɔ fɔ̀ɔlɔ n nyìn tanʔari na, ki syɛ́ɛnbèle i jànvaaw nyuu. Námaraw yagana na pe nyíngèle nyɛ pe nyɔ́ɔyi ni.

Sofonii 3:4

Ki kanyaajoobèle i nyɛ nɔ̀ʔɔrɔgɔ-syɛ̀ɛnnɛ, ní nǎnbèle pèle, bele be lè pe o nyɛ tágala syɛɛnnɛ be fáliw ni í. Ki sáriga-wòlobèle i yacanri nɔ́ɔnri, pe i làlwaw kálagi.

Malasyii 2:11

Zyuda n jànvaa kpéʔele, yanɔnʔɔgɔ n kpéʔele Isirayɛli, ní Zyerusalɛmi ni. Níì cán yárigee gi yaʔa kɔlɔ̀ na Yawe ma lè, Zyuda n gi nɔ́nʔɔ, koro gee kéele li Yawe dɛ́nɛ lè, ncan wi n kolocɔlɔ-nibɔɔn cálipile pɔri.

Malasyii 2:14

A yele si i gi nyuu níì jo: «Nyàʔá na?» Gee bee n taa, ncan Yawe maa pye séera mɔ ní mɔ cárima céw nínge ni, woro wee mɔ baa jànváa lè, àlí n gi yaʔa wi n pye mɔ pínɛnyɛnnɛ, ní mɔ joogaanni cɔ́ɔ.

Zyaki 4:4

Yele kanɔnʔɔbyebèle! Yele ga gi cán ncan wee wi ga tàmaga le ní dulunyanw ní lè, wee bee i nyɛ Kolocɔlɔɔ nígoo ì? Syɔ́ɔnwee faala wi caa bi pye tàmaga na ní dulunyanw ní lè, wee bee n wiyɛɛ gbéʔele Kolocɔlɔɔ nígoo.

Jàbɔbèle 2:10

Yìrili bee wòolo myɛ maa wɔ́ɔ baa kùu n fàra be toolɛɛbèle na, á pèle baa yìri poro kurugo, bele be lè pe ga Yawe cán í, kérigèle gele wi da kpéʔele Isirayɛli ye ma lè, pe si ga wɔ́ɔ̀ gele bee cán í.