Zyeremii 9:16 - Cebaara Bible 2010

¹⁶ Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Ye sɔ̀ngi! Ye nyɛnifɔ-càbala yeri be pan! Ye tun be sa cébèle caa, bele be gbàn lè paa maa!

Zyeremii 9:16 Iomraidhean Croise

Nehemii 1:8

Sɔ̀ngi syɛ́ɛnri naa kéele na mɔ da joo mɔ falipyew Mowizi ma lè níì jo: Yele ga baa kolo, mii a yele cariga bi tórigo syɛɛnfeleyi nínge ni.

Ŋúnuyi 106:27

bi be yòdaʔayi kpóo cáan syɛɛnfeleyi nínge ni, bi be cariga tátɛɛyi ni.

Syɛɛnjóow 12:5

lǎli ni syɔɔn a ra fɛ̀ɛgí dǎndamagi na lè, fyáakpɔɔrɔ si pye syɔɔn na kólogi na, lǎli ni amandi tíigi a fyɛ́ɛn lè, kúdow si tìgí tɔ́n, lǎli ni yáriri láa a kwɔ́ɔ syɔɔn ni lè, àmɛɛ syɔɔn syée wi bàngwɔɔ tɛɛkòrogi ma lè, á nyɛnifɔbèle si i sɔ̀lɔ́ ni máari kàlari-kóloyi ni,

Zyeremii 13:24

«Mii a be cariga àmɛɛ fìími tára káfalaga nyàásige caragi lè.

Zyeremii 24:10

Mii a ŋɔséew, ní kateekpɔɔgi, ní káfalagi yáama lége be níngi ni, bi taa be kwɔ́ɔ bi yiri tásaligi ni, gee mii da kaan be ma, ní be toolɛɛbèle ma lè.› »

Zyeremii 25:27

Mɔ a be pye: «Nyɛ̀ʔɛni Sùlasiibéle Kafɔlɔ Yawe, wi lè Isirayɛli Kolocɔlɔw, wi n jo: ‹Ye gbaa ye yele yɛ́ɛyi wɔ́ɔ ye tùgu, ye too, ye si a ní kɔ́ yìri í, ŋɔséew kéele na mii a tórigo yele níngi ni lè!›

Zyeremii 29:17

Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Wéle, mii i ŋɔséew, ní kateekpɔɔgi, ní káfalagi yáama wáa be na, mii a be pye àmɛɛ děsyanʔa nyɛ, gee gi fɔ́nʔɔ lè n pye ki a gbǎn lìi í, ki peejaanrimi kéele na.

Zyeremii 44:27

Wéle, mii nyɛ́nɛ a pye be na pe wɔʔɔgɔ kéele na, pe nyɔɔmɔ kéele na ban í. Zyuda nǎnbèle myɛ be nyɛ lè Ezyipiti tári ni, ŋɔséew, ní kateekpɔɔgi a be kwɔ́ɔ péw.

Zyeremii 7:29

«Mɔ njoori di yaʔa lè, di cɛnɛ, mí di wáa. Da funbɛɛnrɛ ŋúnugo ŋúu dǎndama-wɔlɔgɔyi ǹjoyo ni! Níì cán Yawe n lǎli naa syɛ̀ɛnnɛ faʔa, níì be ŋɔrigɔ n wáa, poro bele be wi fúngi kaan a gi tanʔa lè gbanʔama.

Zyeremii 8:19

Mii calipili káyaʔa yákpolo li lee, li lè mii syɛ́ɛnbèle, lee li yìrigí táleelire ma lè, li n jo: «Yawe ní o nyɛ Siyɔn ni wii ì? Wi fànʔafɔw ní o nyɛ wi ni wii ì?» «Nyàʔá na be mii fúngi tanʔa ní be ǹdedanyi ní, yi lè gbanzan yanibɔnyi?»

Ezekyɛli 11:17

Koro na ki joo mí jo: ‹Kàfɔw Yawe wi syɛ́ɛnri naa joo níì jo: Mii a ní yele kpóʔoro yirige yaà syɛɛnfeleyi nínge ni. Mii a ní yele kíle yirige yaà tátɛɛyi ni, yee má yele cariga n kári lè. Mii a ní Isirayɛli tásaligi kaan yele ma.

Ezekyɛli 12:15

Pe a gi cán bi cán mii wi nyɛ Yawe, lǎli ni mii ga be cariga n lége tári syɛɛnfeleye nínge ni lè, lǎli ni mii ga be cariga n tórigo tátɛɛyɛ saʔa ma lè.

Ezekyɛli 14:17

Wàlá mii ga ŋɔséew yaʔa wi pan tári bee kánma na, mii ga gi joo níì jo: ‹Ŋɔséew n yɛlɛ wi tári fǎn foro, mii ga syɛ́ɛnbèle ní yaweeri kwɔ́ɔ n yirige di ni,

Ezekyɛli 20:23

Mii wi wɔ́ɔ̀ kɔ́gi yìrige fìími tára ni níì kàli be ma níì jo mii a be cariga lége syɛɛnfeleyi nínge ni bi be cariga lége tátɛɛyɛ saʔa ni,

Ezekyɛli 27:2

«Mɔ, syɔɔn-pya, ki n yɛlɛ mi funbɛɛnrɛ ŋúnugo ŋùu Tiiri kéeli na!

Ezekyɛli 5:12

Káfalagi yáama, ní kateekpɔɔgi a mɔ syɛ́ɛnbèle tílataanri wógaa kpóo mɔ níngi ni, ŋɔséew si tílagee kpóo cáan bi mɔ màʔa, mii si gee cariga bi tórigo káfalagi kàbanya myɛ na, si ŋɔséew kɔ́n bi taʔa be na.

Ezekyɛli 5:2

Tɛ́ɛnni canya ga foro kěgi taana kapɛɛnni kánma na lǎli ni lè, mɔ a di tílayi taanri wógaa láa bi sórigo naanyìnge ni, kěgi nínge ni, mí tílagee láa mi kpúmɔn ní ŋɔséew ní mi kěgi màʔa, mí gee láa mi kóri mi wáa káfalagi kurugo. Mii a ba ŋɔséew kɔ́n bi taʔa be na.

Levii ye sáriga-wòlori 26:33

Mii a yele cariga bi tórigo syɛɛnfeleyi nínge ni, si ŋɔséew kɔ́n bi taʔa yele na. Yele tári a kòro wowaara ní. Yele kèkpoloyi a kòro kataya.

Amɔsi 5:16

Gee bee na Kàfɔw Yawe Kolocɔlɔɔ wi lè Nyɛ̀ʔɛni Sùlasiibéle Kafɔlɔ, wi n jo: «Pe a ba ra nyaan bàā peele kadàlayi myɛ na. Pe a ra gi pingi da máari kàlari-kóloyi myɛ ni: ‹Yòói! Yòói!› Pe a tèfalaw yeri kùu káyaagi kéele na, bele be nyamɛɛgèle wáama cán lè, sáā poro yiri kayaagi nyɛniyɛ na.

Misye 2:4

Cángi bee na, pe a kútii joo ceri yele na, pe a ra funbɛɛnrɛ ŋúnugo ŋúu, bàā gi nyuu si jo: «Wolo n tɔ̀nɔ n kálagi péw! Wi i mii syɛ́ɛnbèle lɛɛlɛ lee! Ee! Wi i li syoo mii ma dɛ́! Wi i wolo séyi kaangi niceeye ma!»

Zakarii 7:14

«Mii n be cariga syɛɛnfeleyi myɛ nínge ni, yee yi lè pe da yi cán í. A tári kòro tɛɛ̀kalagiga pe kàdoʔo ma, syɔɔn faala da ni sɔ̀lɔ́ yaà wàlá ni maa yaà í, tári bee di pye lè fundaanra wóro, pe n di pye tɛɛ̀kalagiga.»

Làlwaw Kaanziin 28:25

Yawe a gi yaʔa mɔ nigoobèle í mɔ jáa. Mɔ a yiri be kánmi na kologo nibin ni, mɔ si a ba fàn be yɛ́ɛgi na koloyo kɔrɔsiin ni, mɔ a pye fyáara yáriga tári fànya myɛ ma.

Làlwaw Kaanziin 28:36

Yawe a gi yaʔa mɔ ní mɔ fanʔafɔw mɔ a télege miyɛɛ nyúngi na lè yele í tánʔa kári syɛɛnfelegaa tára ma, syɛɛnfelegee gi lè mɔ ga gi cán í, mɔ tóolɛɛbèle da wɔ́ɔ̀ gi cán í. Bi mɔ yaʔa yaà beè, mɔ a ra kolocɔlɔbèle pèle nikwɔɔlɔ kpɔ̀ʔɔrɔ́, pe lè tíiri, ní kàdɛnɛri wòolo.

Làlwaw Kaanziin 28:64

Yawe a yele cariga bi lége syɛɛnfeleyi myɛ nínge ni, bi séli tári láʔalee ma bi taa sa nan lee na. Nɛɛ bee mɔ a ra kolocɔlɔbèle pèle nikwɔɔlɔ kpɔ̀ʔɔrɔ́ pe lè mɔ ní mɔ tóolɛɛbèle da be cán í, poro bele be sámaga lè ní tiire, ní kàdɛnɛrɛ ní.

Làlwaw Kaanziin 32:26

Mii maa ni caa bi jo: ‹Mii a be fɛɛ láʔa yaà bi be kwɔ́ɔ yirige syɛ́ɛnbèle nínge ni, syɔɔn a ní kɔ́ sɔ̀ngí taa be kéeli na í.›

Làlwaw Kaanziin 4:27

Yawe a yele cariga bi lége syɛɛnfeleyi nínge ni. Syɛɛnfeleyee nínge ni Yawe a yele kɔ́ri lége lè, yele a ní kòro saʔa yi níngi ni í.

Zyaki 1:1

Mii Zyaki wi nyɛ lè Kolocɔlɔɔ púlo ní wɔ́ɔ i nyɛ Kàfɔw Zyezu Kirisi wóo, mii a sɛ́bɛw naa tórigo yele ma, yele bele ye nyɛ lè Isirayɛli syɛɛnfeleyi kɛɛ ní siin yodaʔaya níì cariga dulunyanw tɛ́ɛyɛ myɛ ni lè, mii i yele syáanri!