Zyeremii 9:12 - Cebaara Bible 2010

¹² Yawe n jo: «Koro n taa àmɛɛ pe mii làlwaw cée lè, woro wee mii da tɛ́ʔɛ pe yɛʔɛ̀ ma lè, koro n wɔ́ɔ̀ taa àmɛɛ gi nyɛ lè pe ga mii jóomi lóʔo í, ní àmɛɛ gi nyɛ lè pe ga tánʔa n yɛlɛ ní mii jóomi ní í.

Zyeremii 9:12 Iomraidhean Croise

Ŋúnuyi 107:34

níì tátaanri kàriga solomɔ tára tári bee tɛ́ɛnfɔɔlɔ péemɛ kéele na.

Ŋúnuyi 107:43

Syɔ́ɔnwee faala wi cìlige lè, ki n yɛlɛ wi wi sɔ̀ngumi yaʔa kérigèle naa na, sáā sɔ̀ngí Yawe funjǎngi kèlē na.

Ezayi 42:23

Wìí wi nyɛ yele níngi ni, wee wi a wi líiyi cáan kérigèle bee ma lè? Wìí wi caa bi wi líiye cáan bi gi sámaga lóʔo, gee gi maa lè?

Zyeremii 23:10

Níì cán tári n nyìn kanɔnʔɔbyebèle na. Tári i nyɛ kùu káyaʔa na, dángaw kéele na. Fìími tára yaweenaʔa-tɛ́ɛyɛ nyaa n waʔa. Pe i fé kapeeyi kurugo. Lòmaana i nyɛ be ni sìnzinmi kpéʔelele na.

Zyeremii 23:16

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Kanyaajoobèle be kérigèle nyaagi ni nyuu yele ma lè, yele a kɔ́ ra be syɛ́ɛnri lúro í! Pe i yele pùuní, pe tiimaa fúnyi yanyaaya be nyuu ni tèé, Yawe nyɔ́ɔ wóʔo ban be nyuu í.

Zyeremii 23:22

Pe ga maa pye mii nyaa-mí-jooli tɛ́ʔɛ ni, pe mǎà dée mii syɛ́ɛnri tɛ̀ɛn mii syɛ́ɛnbèle na pe di lóʔo, si gi kaan pe lúru be kobeegi kurugo, ní be péemi nàʔabeemɛ kurugo bi pan.»

Zyeremii 23:28

Kanyaajoowee wi ga ŋúnɔgɔ ŋúnɔ lè, ki n yɛlɛ wi ŋúnɔgi bee joo wi tɛ̀ɛn. Mii syɛ́ɛnri ga wɔ́ɔ̀ nan wee na lè, ki n yɛlɛ wi di joo wi tɛ̀ɛn kányɛɛgi na. Sìge ga nyáʔami yaliipyá ni, nyàʔá gee bee a nyɔɔ?» Yawe wi jo nya.

Zyeremii 9:20

Níì cán kùúw n lúgu wolo fɛ̀nɛtiribèle na, wi n jée wolo fànʔafɔ-gbaayi ni, wi i pìíbèle cɛnɛ ni cáan kàlari-kóloyi ni, n fàra wojáribèle na, kadàlayi na.

Ezekyɛli 14:23

Pe a yele kpɛʔɛlɛ lǎli ni yele ga be tánʔaganmi ní be kapyegèle nyaa lè. Yele a gi cán bi cán gee myɛ mii kpéʔele wi na lè, mii ga gi kpéʔele wi na nyùngo fun í.» Kàfɔw Yawe wi jo nya.

Oze sɛ́bɛw 14:9

Efirayimi, nyàʔá mii ní i caa ní yasunyo ní? Mii i wi nyɛ́ɛrigi lúro, mii nyɛ́nɛ i nyɛ wi na. Mii a pye wi ma àmɛɛ siipirɛ tiipirige nyɛ lè. Mii má mɔ yasanri yìrigí.»

Oze sɛ́bɛw 4:10

Pe a ra líi pe si a ra tíngi í, pe a ra kanɔnʔɔri kpéʔele, pe si a ra nɛʔɛgi í, níì cán pe n Yawe yaʔa.

Zyowɛli 1:11

Tèfalabèle báriga n kwɔ́ɔ, ɛrɛzɛn séyi fɔ̀ɔlɔ i nyaan ni peele bilew ní orizyew kéele na, níì cán séyi yaliilaara ní o beè í.

Sofonii 3:6

«Mii n syɛɛnfeleye kwɔ́ɔ n yirige yaà. Mii n be jɛ̀ɛ́ngèle kpaataʔa-tɔ́nɔyɔ kálagi yi lè be fǎngi. Mii n be kàlari-kóloyi kálagi, syɛ̀ɛnnɛ ni o sɔ̀lɔ́ yaà í! Pe kěyi n jaa, syɛ̀ɛnnɛ ní o yaà í, tɛ́ɛnfɔɔlɔ ní o yaà í!

Matye 24:15

«Lǎli ni yele ga kɔ́ɔ̀ ‹kálagili kapeekpɔʔɔ› nyaa lè, gee syɛ́ɛnrɛ kanyaajoow Danyɛli da joo lè, a gi yére tɛɛcǎngi ni, (wee wi tɛ́ɛgi naa syɛ́ɛnrɛ wéle ni nyuu lè, ki n yɛlɛ wi di kɔ́rɔw cán)

Làlwaw Kaanziin 32:29

Pe ga maa pye sícilibēle, gee pe a dée cán wàli lè, koro gi nyɛ, pe mǎà dée pe nyɛ̀ʔɛnaw kéele cán.

Tɛ̀ɛnnɛ 1:3

Wee wi kanyaajoori naa syɛ́ɛnrɛ wéle ni nyuu lè, ní bele be di lúro lè ní i di kpéʔele, bele bee i nyɛ dùba pìibēle! Níì cán ti làrivoroli n nùuni.