Zyeremii 9:11 - Cebaara Bible 2010

¹¹ Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Zyeremii 9:11 Iomraidhean Croise

Nehemii 4:2

A be myɛ pínɛ n bɛ̀ɛ nibin na bi ba too Zyerusalɛmi na bi wi nyáʔami.

Ŋúnuyi 107:43

Syɔ́ɔnwee faala wi cìlige lè, ki n yɛlɛ wi wi sɔ̀ngumi yaʔa kérigèle naa na, sáā sɔ̀ngí Yawe funjǎngi kèlē na.

Ŋúnuyi 44:19

Wolo ga kolo n lúru wolo fúnyi ni í, wolo tɔ́lɔyi ga wàli n yiri mɔ kólogi ni í,

Ŋúnuyi 79:1

Azafi ŋúnugi. Ee Kolocɔlɔɔ! Syɛɛnfeleyi n mɔ kɔ́rigi kálagi, pe n mɔ kpɔʔɔrɔli kpaacanga nɔ́nʔɔ, pe n Zyerusalɛmi kàriga gurubɛɛtooro.

Ezayi 13:22

Kàsoloyi a ra nyaan wi kpaakpoloyi ni, gbàáyi í da fúlo wi fànʔafɔ-gbaacanyi ni. Wi lǎli n nùuni, wi cányi ga níì nɛʔɛ í.

Ezayi 25:2

Níì cán mɔ n kèkpɔ́ɔgi kàriga kàdɛnɛgboʔo, mɔ n kèkpɔɔ-nìrigi kàriga gurubɛɛtooro, nibɔnbèle kpaakpɔʔɔ n kwɔ́ɔ n yiri kěgi ni, ki a ní faan nyáana í.

Ezayi 34:13

Wúuro tiipiiye a fìin di kpaakpoloyi ni, wúuro ní solovinge a yìri di tɛɛniriyi ni. Ti a pye gbàáyi tɛɛkòrogo, ní sòʔolow tɛɛlaraga.

Ezayi 44:26

Mii i fànʔa kaangi mii falipyew syɛ́ɛnrɛ ma, ní wɔ́ɔ i syɛ́ɛnri forogi, dee mii tundunbèle da ni nyuu ni tèé lè. Mii i gi nyuu Zyerusalɛmi kéeli na níì jo: ‹Syɛ́ɛnbèle a ní tɛ́ɛn gi ni,› ni gi nyuu Zyuda yòdaʔayi kèye kéele na níì jo: ‹Yi a ní faan. Mii a ní yi gurubɛɛri yìrige.›

Zyeremii 1:15

Níì cán ki wéle, mii a solomɔkulo kàbangi fànya syɛɛnfeleye myɛ yeri yaà,» Yawe wi jo nya, «yi myɛ nibin nibin a ba yi fàngorigēle tɛ́ʔɛ tɛ́ʔɛ Zyerusalɛmi kpàánweegèle nyɔ́ɔ na, gi tǒbèle yɛ́ʔɛ ma, bi be màʔa bi kpàra, ní Zyuda kèkpoloyi myɛ taana.

Zyeremii 10:22

Wo i kàfulogo lúro gee, ki i nyɛ tìngbɔɔmɔ, bee bi yìri solomɔkulo tári ma ni maa lè bi ba Zyuda kěyi kàriga tɛɛ̀kalagiga, ní gbàáyi tɛɛkòrogo.

Zyeremii 16:10

Lǎli ni mɔ ga syɛ́ɛnri naa myɛ joo n kwɔ́ɔ lè syɛ́ɛnbèle naa ma, á be mɔ pye: ‹Nyàʔá na Yawe wɔʔɔgboloyi naa myɛ kéele nyuu ni taari wolo na? Kolomìí félege wolo kpéʔele? Kapeelìí félege wolo kpéʔele Yawe wolo Kolocɔlɔw na?›

Zyeremii 25:11

Tári naa myɛ a ba kàri kataʔa, ní tɛɛ̀kalagiga, syɛɛnfeleyi naa si sa ra puloro fáli kpéʔele Babilɔni fànʔafɔw ma, bi taa yɛ̀ʔɛlɛ togoye taanri ní kpɔrigɔ.

Zyeremii 25:18

bi séli Zyerusalɛmi, ní Zyuda kěyi, ní wi fànʔafɔbèle, ní wi syɛɛnkpolobèle na bi gi kpéʔele tɛɛ̀kalagiga, ní funwɔɔrɔ yáriga, ní kataanra yáriga, ní dánga yáriga, àmɛɛ gi nyɛ lè níjanʔa,

Zyeremii 26:18

«Mika wi pye lè Moresyɛti ye wów, wi maa ni kérigèle nyaagi ni nyuu Zyuda fànʔafɔw Ezekyasi lǎli ni, ní i gi nyuu Zyuda syɛ́ɛnbèle myɛ ma, níì jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Siyɔn a fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.›

Zyeremii 26:9

Nyàʔá na mɔ kérigèle nyaagi ni nyuu Yawe mɛ́ɛgi na níì jo: Kpáagi naa a pye àmɛɛ Silo nyɛ lè, kěgi naa si jaa bi pye syɛ̀ɛnnɛ fun?» A syɛ́ɛnbèle myɛ tìn n kpóʔoro Zyeremii na n wi màʔa Yawe kpáagi ni.

Zyeremii 34:22

Wéle, mii a gi joo gbàn be ma, Yawe wi jo nya, mii a be lúrugo be pan kěgi naa kurugo, jàngó pe ba too gi na bi gi syɔɔ taa, si gi sórigo ní naà ní. Mii a Zyuda kěyi kàriga tɛɛ̀kalagiga syɛ̀ɛnnɛ fun tɛ́ʔɛ.› »

Zyeremii 4:27

Níì cán Yawe n jo: «Tári myɛ a kálagi, kàjáa mii a di kálagi kwɔ́ɔ péw í.

Zyeremii 44:2

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Yele n kapeeyi myɛ nyaa, yee mii yaʔa a yi nan Zyerusalɛmi, ní Zyuda kěyi myɛ na lè. Wéle, níjanʔa yafyɛn ga níì kòro yi ni kapye gurubɛɛrɛ ban í, syɛ̀ɛnnɛ si ní o yaà í,

Zyeremii 49:33

«Hasɔɔri a pye gbàáyi tɛɛlaraga, ní tɛɛ̀kalagiga bi kòro nya làla o làla. Syɔɔn faala a ní tɛ́ɛn yaà í. Yala o yala li lè syɔɔn, li a ní tɛ́ɛn yaà í.»

Zyeremii 50:3

Níì cán syɛɛnfelegaa n yìri solomɔkulo ma ni lúru ni syée wi kánmi na. Ki a wi tári kàriga tɛɛ̀kalagiga, syɛ̀ɛnnɛ a ní pye di ni í. Nǎnbèle ní yaweeri n fàn, ti n kwɔ́ɔ gi ni.

Zyeremii 51:37

Babilɔni a pye kàdɛnɛgboʔo, ní gbàáyi tɛɛkòrogo, ní funwɔɔrɔ yáriga, ní kataanra yáriga. Syɛ̀ɛnnɛ a ní pye yaà í.

Zyeremii 8:22

Céyaa-sìnmɛ ní o nyɛ Galaadi ni ì? Lɔ̀ʔɔtɔrɔɔ ní o yaà ì? Nyàʔá na kàa o taari mii calipili pɔʔɔlɔ na í li lè mii syɛ́ɛnbèle?

Kayaagi Nyɛnigɛ 1:4

Siyɔn kóloyi myɛ i nyɛ kùu káyaʔa na, níì cán pe ní o maa kpóʔorojǎngèle ma í. Wi kpàánweegèle myɛ n kálagi, wi sáriga-wòlobèle i cɛ́ɛn, wi nàngeele sinján pìcaabèle fúnyo n nyáʔami be na, wi tiimaa fúngi i nyaan gbanʔama.

Kayaagi Nyɛnigɛ 2:2

Kàfɔw n Zyakɔbi tɛɛkòroyi myɛ jɔ́ɔ nyinimɛ fun ni. Wi fundanʔagbɔɔrɔtɔw n calipili Zyuda kèniriyi kpúmɔn n cáan, wi n yi wáa tári na. Wi n fǎngi ní gi fànʔafɔbiigèle kálagi.

Kayaagi Nyɛnigɛ 3:47

Fyáakpɔɔrɔ ní weecurugo gi pye wolo wógi, ní kálagila, ní tɔ́nʔɔnɔnɔ.

Levii ye sáriga-wòlori 26:32

Mii tiimaa wi a yele tári kálagi. Yele nigoobèle pe a ba tɛ́ɛn di ni lè, ki a be fúnyi wɔ́ɔ.

Misye 1:6

Mii a Samarii kàriga kàdɛnɛgbooro séʔe, gi pye ɛrɛzɛn tírire tɛɛ̀cɔ́rɔgɔ. Mii a wi kàdɛnɛri fàari bi wáa jǐnlɔgi ni, mii a wi kàpɔɔnbèle múgu yaʔa.

Misye 3:12

Koro na, yele kéeli na Siyɔn a tɔ̀nɔ́ fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.

Misye 6:16

Pe i Omirii làlwaw kèlē có ni gi kpéʔele n yɛlɛ ní Akabi kpáagi wòolo kapyegèlē myɛ ní, yele i táanri ni yɛlɛgi ní be láliiw ní. Koro na mii a mɔ kaan kálagili ma, mii a mɔ syɛ́ɛnbèle pye kataanra yárigéle, yele a mii syɛ́ɛnbèle faʔara tugo.

Làlwaw Kaanziin 29:23

Syɛɛnfeleyi myɛ a ra gi nyuu si jo: ‹Nyàʔá na Yawe tári naa cò còganmi naa na? Nyàʔá gi nyɛ fundanʔagbɔɔri naa gbànma nyúngo?›

Tɛ̀ɛnnɛ 18:2

A wi i gi nyuu ní yákpogbɔɔlɔ ní níì jo: «Ki n too, kèkpɔɔgi Babilɔni n too! Ki n kàri màdebèle tɛɛkòrogo, ki i nyɛ màdebeebèle féleye myɛ tɛɛlaraga, ní wɔ́ɔ i nyɛ féjɛɛn-nɔ́nʔɔgèle féleye myɛ tɛɛlaraga, gele ge syɛ́ɛnbèle bɛɛn lè.