Zyeremii 9:10 - Cebaara Bible 2010

¹⁰ «Mii a Zyerusalɛmi pye gurubɛɛtooyo, ní gbàáyi tɛɛlaraga, mii a Zyuda kěyi kàriga tɛɛ̀kalagiya, syɛ̀ɛnnɛ fun.»

Zyeremii 9:10 Iomraidhean Croise

Ezayi 41:15

«Wéle, mii n mɔ kpéʔele yaliisàn-mànzifɔɔn, wee nyɔ́ɔ gi tɛ́nɛ lè, wee ŋáaya yi fìrige lè. Mɔ a ra nyanbeleyi tánʔana, mɔ a ra yi tɔ́nʔɔnɔ. Mɔ a ra dǎndamayi kpéʔele àmɛɛ sùweʔe nyɛ lè.

Ezayi 49:19

«Ɛɛn, mɔ katayi, ní mɔ kpaatooyi, ní tári naa di kálagi lè, ti a cɛ́rɛ mɔ syɛ́ɛnbèle ni tɔ́ɔliw ni. Bele pe da ni mɔ kálagi lè, pe a fàn bi léeli mɔ na.

Zyeremii 12:10

Bànaʔa-nɛʔɛbéle n mii ɛrɛzɛn ségi kálagi, pe n mii ségi tánʔana. Pe n mii senidaanmagi kàriga fìimɛ tára tɛɛ̀kalagiga.

Zyeremii 12:11

Pe n gi pye tɛɛ̀kalagiga. Ki i nyɛ kùu káyaʔa na, ki n kálagi mii yɛ́ʔɛ ma. Tári myɛ n kálagi, níì cán wàa faala o gi córo wi fúngi ni í.

Zyeremii 12:4

Làla jòorí tári a kwɔ́ɔ kùu káyaagi na, sìnbirigi myɛ nyàā si wɔ́ɔ waʔa bi kòro nya bi làla jòorí kwɔ́ɔ? Di syɛ́ɛnbèle péemɛ kéele na yaweeri, ní féjɛɛnri i kálagi ni syée. Níì cán pe n jo: «Wi o wolo nyɛ̀ʔɛnaw nyaagi í.»

Zyeremii 14:6

Seʔe jofanibèle i lúru ni yèré dǎndama-wɔlɔgɔyi na, ní i káfalagi fàrá àmɛɛ gbàáyi nyɛ lè. Pe nyapiigèle i wéle ni fɔ̀rɔgí, níì cán nyàā ní o yaà í.»

Zyeremii 2:15

Càarabiiye i kaana wi na, ni yákpogèle wáa, ní i wi tári kálagi. Wi kěyi n sógi. Syɛ̀ɛnnɛ ní o yi ni í.

Zyeremii 2:6

Pe si ga wɔ́ɔ̀ gi joo í, níì jo: ‹Sán Yawe nyɛ woro wee wi wolo yirige Ezyipiti tári ni lè, níì kíni wolo yɛ́ɛgi na fìími tára ni, lɔ̀ʔɔ fun tára, ní gòrógoroweeye tára ni, waama ní kùu yébilimɛ tára ni, táraa ni, dee di lè syɔɔn faala da ni sɔ̀lɔ́ yaà í, ní beè lè syɔɔn faala da pye í?›

Zyeremii 23:10

Níì cán tári n nyìn kanɔnʔɔbyebèle na. Tári i nyɛ kùu káyaʔa na, dángaw kéele na. Fìími tára yaweenaʔa-tɛ́ɛyɛ nyaa n waʔa. Pe i fé kapeeyi kurugo. Lòmaana i nyɛ be ni sìnzinmi kpéʔelele na.

Zyeremii 50:3

Níì cán syɛɛnfelegaa n yìri solomɔkulo ma ni lúru ni syée wi kánmi na. Ki a wi tári kàriga tɛɛ̀kalagiga, syɛ̀ɛnnɛ a ní pye di ni í. Nǎnbèle ní yaweeri n fàn, ti n kwɔ́ɔ gi ni.

Zyeremii 7:29

«Mɔ njoori di yaʔa lè, di cɛnɛ, mí di wáa. Da funbɛɛnrɛ ŋúnugo ŋúu dǎndama-wɔlɔgɔyi ǹjoyo ni! Níì cán Yawe n lǎli naa syɛ̀ɛnnɛ faʔa, níì be ŋɔrigɔ n wáa, poro bele be wi fúngi kaan a gi tanʔa lè gbanʔama.

Zyeremii 8:18

Mii maa ni caa bi mii fɔ̀rɔgbɔɔgi kpàraco. Mii zɔ̌nw i wɔʔɔ mii ni.

Kayaagi Nyɛnigɛ 1:16

Koro kéeli na mii nyaan, mii nyapiigèle i nyaan ni ŋuu nyatinmɛ. Níì cán kpɛʔɛlɛfɔw n léeli mii na, woro wee wi a dée ní fànʔa le mii ni lè mii í kòro sìi na. Mii pìíbèle fúnyo n nyáʔami, níì cán nigoow n fànʔa taa.

Kayaagi Nyɛnigɛ 2:11

Nyatinmi n mii nyapiigèle fànʔa kwɔ́ɔ, mii fúngi yárira i kángi. Mii zɔ̀ndinni n ceri, mii syɛ́ɛnbèle calipile kálagila kéele na, àmɛɛ pìiyilibèle ní yireŋɔribèle pegi ni tuun lè kěgi kadàlaya na.

Kayaagi Nyɛnigɛ 5:18

àmɛɛ Siyɔn nyanbelegi kálagi lè, àmɛɛ sɔriyi nyaari yaà lè.

Ezekyɛli 14:15

Mii ga yaweepeeye yaʔa yi tári fǎn foro, á yi di kàriga syɛ̀ɛnnɛ fun, ní tɛɛ̀kalagiga, beè lè syɔɔn a ra sɔ̀lɔ́ í, yaweepeeyi bee kéele na,

Ezekyɛli 27:2

«Mɔ, syɔɔn-pya, ki n yɛlɛ mi funbɛɛnrɛ ŋúnugo ŋùu Tiiri kéeli na!

Ezekyɛli 29:11

Syɔɔn tɔ́lɔgɔ a ní sɔ̀lɔ yaà í, yaweele tɔ́lɔgɔ a ní sɔ̀lɔ yaà í, ti a kòro nya yɛ̀ʔɛlɛ togoye siin, syɔɔn a tɛ́ɛn di ni í.

Ezekyɛli 33:28

Mii a tári kàriga tɛɛwaʔa, ní tɛɛ̀kalagiga. Ti nɛ̀ɛnyɛnɛgi fànʔa a kwɔ́ɔ, Isirayɛli nyanbeleyi a kálagi, syɔɔn faala a ní da sɔ̀lɔ́ yaà í.

Ezekyɛli 6:6

Tɛʔɛ o tɛʔɛ ni yele nyɛ lè wodɛ́ɛnbéle ní, yele kěyi a pye gurubɛɛrɛ, yele sáriga-wòlo-tɛ́ɛyi si pye tɛɛ̀kalagiya, yele kolomɔ sáriga-wòlo-yafaanyi í too, yele yasunyi a jabagi bi kwɔ́ɔ yiri yaà. Yele nùndaanni yasorigoro yalegéle a kpúmɔn jabagi, yele fáliw í kurugo láʔa yaà.

Oze sɛ́bɛw 4:3

Koro na tári a pye kùu káyaʔa na, bele myɛ be nyɛ di ni lè pe a fána, poro ní sìnbirigi yaweere, ní nyɛ̀ʔɛni féjɛɛnrɛ. Alí sólomi lɔ́ʔɔ fàala a wɔ́ɔ kwɔ́ɔ yiri yaà.»

Zyowɛli 1:13

Sáriga-wòlobèle, ye gɔ̀nvaʔaya le buroyo, yé pye kùu káyaʔa na! Yele sáriga-wòlo-yafaangi falipyebèlē, yaa nyaan yaa peele! Mii Kolocɔlɔw falipyebèlē, yaa maa, ye syɔ́ɔn ní gɔ̀nvaʔayi búroyo ní yeyɛɛ na! Níì cán míimi yakanʔa, ní sáriga-yólogow n kólogo yele Kolocɔlɔw kpaʔa ni.

Zyowɛli 1:19

Mɔ kurugo mii yákpoli wáa, Yawe! Níì cán náagi n fìími tára yaweenaʔa-tɛ́ɛyɛ sórigo, a naanyǐngi séyi tíire myɛ sórigo.

Amɔsi 5:1

Yele Isirayɛli kpáagi wòolo, ye syɛ́ɛnri naa lóʔo, ye funbɛɛnrɛ ŋúnugi lóʔo, gee mii ŋúu yele kéeli na lè.

Amɔsi 5:16

Gee bee na Kàfɔw Yawe Kolocɔlɔɔ wi lè Nyɛ̀ʔɛni Sùlasiibéle Kafɔlɔ, wi n jo: «Pe a ba ra nyaan bàā peele kadàlayi myɛ na. Pe a ra gi pingi da máari kàlari-kóloyi myɛ ni: ‹Yòói! Yòói!› Pe a tèfalaw yeri kùu káyaagi kéele na, bele be nyamɛɛgèle wáama cán lè, sáā poro yiri kayaagi nyɛniyɛ na.

Misye 2:4

Cángi bee na, pe a kútii joo ceri yele na, pe a ra funbɛɛnrɛ ŋúnugo ŋúu, bàā gi nyuu si jo: «Wolo n tɔ̀nɔ n kálagi péw! Wi i mii syɛ́ɛnbèle lɛɛlɛ lee! Ee! Wi i li syoo mii ma dɛ́! Wi i wolo séyi kaangi niceeye ma!»

Misye 3:12

Koro na, yele kéeli na Siyɔn a tɔ̀nɔ́ fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.