Zyeremii 9:1 - Cebaara Bible 2010

¹ Pe ga maa kùsɛɛbèle tɛɛkòrogo félege kaan mii ma fìími tára ni, mii mǎà dée mii syɛ́ɛnbèle yaʔa, mii mǎà dée léeli be na! Níì cán pe myɛ i nyɛ kanɔnʔɔbyebèlē, syɛɛnco-mí-kaanbéle kabiga gii.

Zyeremii 9:1 Iomraidhean Croise

Ŋúnuyi 119:136

Lɔ̀ʔɔ saʔa i fóo ni yirigi mii nyapiigèle ni, níì cán pe o mɔ lalwaw có í.

Ŋúnuyi 42:3

Kolocɔlɔɔ kéeli i nyɛ mii fúngi ni àmɛɛ lògbaʔa nyɛ lè, Kolocɔlɔɔ woweew kéele, cangìí mii a kári bi sa yére Kolocɔlɔɔ yɛ́ʔɛ ma?

Ŋúnuyi 55:7

A mii jo: «Wìí wi a fókaanya kaan mii ma àmɛɛ kàtolo nyɛ lè? Mii mǎà dée yìri bi sa tɛɛ̀ŋɔndaala taa.

Ezayi 16:9

Koro na mii i nyaan Sibima ɛrɛzɛn ségi kéele na àmɛɛ Yayezɛɛri nyaan gi kéeli na lè, mii a yele kaan yele í gbaa mii nyatinmi na, Hɛsyibɔn, ní Eleyale, níì cán kapɛɛnnɛ sùpile i wáa mɔ ségi yaliire, ní mɔ yaliilaari na.

Ezayi 22:4

Koro na mii jo: «Ye nyapiigèle yirige mii ni, ye gi yaʔa mii funbɛɛnrɛtɔw í da nyaan, ye a kɔ́ ra ŋàʔaná bi mii kpɛʔɛlɛ mii syɛ́ɛnbèle calipile wɔʔɔgɔ kéele na í.»

Zyeremii 13:17

Yele ga pye ye ga lóʔo í, mii a ra nyaan yele nɛ̀ɛnyɛnɛgi kéele na làrama ni. Mii a ra nyatinmɛ ŋuu, mii nyapiigèle a ra nyatinmɛ ŋuu, níì cán Yawe yaweeri gboolo a cò bi kári.

Zyeremii 14:17

Mɔ a syɛ́ɛnri naa joo be ma si jo: ‹Mii nyapiigèle i nyatinmi ŋuu, n yébiligi pínɛ cángi ni sìnyére ni. Níì cán gàlagikpɔɔɔ n too mii syɛ́ɛnbèle nàngeele sìnján calipile na, namiga, gee gi pee lè gbanʔama.

Zyeremii 3:10

Koro ní ki myɛ ní wi senyɛnjew Zyuda wi lè námarafɔw, woro ga lúru n pan mii ma ní wi fúngi myɛ ní í, jànvaa wi kpéʔele.» Yawe wi jo nya.

Zyeremii 4:19

Mii láayi! Mii láayi! Mii tɔ̀nɔ́ i wɔʔɔ mii fúngi ni! Mii zɔ̌nw i figiri, mii a gbǎn pyèri í. Níì cán mii i tòmaagi wìimɛ, ní kapɛɛnni yákpolo lúro.

Zyeremii 5:7

«Mɛ̀ɛ́ mii a mɔ kusulugi syɔɔ bi sɛ́ɛ? Mɔ piibèle n mii yaʔa, ní i kɛ̀ɛ́ yariyaa na, yee yi lè yi o nyɛ Kolocɔlɔɔ í. Mii maa be tín yáriri na, pe si i kanɔnʔɔri kpéʔele. Pe i kpóʔoro saʔa nànjaacew kpaʔa ni.

Zyeremii 6:26

Mii syɛ́ɛnbèle calipile, gɔ̀nvaʔaga le burogo, máā kòlogí cɔ́ɔngi ni, pye kùu káyaʔa na móō pìinibinge kuugo gii, máā nyaan maa peele gbanʔama! Níì cán kálagifɔw i maa ba pàla bi too wolo na.

Zyeremii 8:18

Mii maa ni caa bi mii fɔ̀rɔgbɔɔgi kpàraco. Mii zɔ̌nw i wɔʔɔ mii ni.

Zyeremii 9:18

Kányɛʔɛ na sùpiiwáara i lúro Siyɔn ni. ‹Ee! Ki wéle àmɛɛ wolo too lè! Fɛ̀ɛ́ri n wolo tɔ́n, níì cán wolo n yɛlɛ bi yiri tári ni, ncan pe n wolo tɛɛkòroyi ŋɔrigɔ n cáan!› »

Kayaagi Nyɛnigɛ 2:11

Nyatinmi n mii nyapiigèle fànʔa kwɔ́ɔ, mii fúngi yárira i kángi. Mii zɔ̀ndinni n ceri, mii syɛ́ɛnbèle calipile kálagila kéele na, àmɛɛ pìiyilibèle ní yireŋɔribèle pegi ni tuun lè kěgi kadàlaya na.

Ezekyɛli 22:12

Pe i námara kpɔ́ʔɔrɔ syoo mɔ ni jàngó bàā sìsyaanw ŋuu. Mɔ i tɔ̀nɔw, ní tɔ̀nɔpeew caa, mɔ i mɔ syɛɛnnyɛnnɛ fuguri gbánama ni ni miyɛɛ gbéʔele lɔrɔfɔlɔ, mii si na, mɔ n fɛ̀ʔɛ mii na, Kàfɔw Yawe wi jo nya.

Oze sɛ́bɛw 7:4

Pe myɛ i nyɛ kanɔnʔɔbyebèlē, pe i nyɛ àmɛɛ fúru nyɛ, wee búrukpumɔɔn wáriga lè. Wi ga míibirigegi waari n kwɔ́ɔ lǎli ni lè, wi n kàjenyunyi kpèʔelele yaʔa, fwɔɔ bi taa míibirigegi í ba yìri.