Zyeremii 8:9 - Cebaara Bible 2010

⁹ Fɛ̀ɛrɛ n sícilibèle taa, pe n curugo, pe n cò karinyanga na. Wéle, pe n Yawe syɛ́ɛnri faʔa. Sícilimìí si bi nyɛ be ma?

Zyeremii 8:9 Iomraidhean Croise

2 Fànʔafɔbèle 17:15

A be wi kajoogèle cée, n fàra joogaanni na, lee wi da kpéʔele ní be toolɛɛbèle ní lè, ní kérigèle gele na wi be sàmi lè. A be peyɛɛ daʔa gbanzan yáriyi na, fwɔɔ n peyɛɛ kàriga n pye gbanzan yáriya. Syɛɛnfeleyee yi be màʔa lè, a be i yee bee tɛ́ɛlɛ, bi gi taa Yawe maa be pye pe a kɔ́ ra syɛɛnfeleyi bee tɛ́ɛlɛ í.

Zyɔbi 5:12

Wi i námarafɔbèle katimanagéle kálagi. Pe katimanagèle i kálagi be kɔ́yi ni.

Zyɔbi 5:13

Wi i sícilibèle có be tiimaa gbánami na, ní i nigbanabèle lálii yaari wi o báragi í.

Ŋúnuyi 19:7

Ki i yirigi nyɛ̀ʔɛni láʔalee ma ni syée n sa ni tuun láʔalee ma, yarigaa faala o làrá gi káfugi na í.

Ezayi 19:11

Sowan fànʔafɔbiigèle tɔ̀nɔ́ i nyɛ nilabalabéle, Faraɔnw sícìlibēle be lè wi yarifɔbèle, pe i nidolimɔ yarila kpéʔele. Kanmìí na yele wàa a gbǎn gi joo Faraɔnw ma si wi pye: «Mii i nyɛ sícìlibēle jáa, ní fànʔafɔlɛɛbéle yodaʔaga?»

Ezayi 29:14

Koro na mii a taʔa fala bàā syɛ́ɛnbèle naa fúnyo wóo ní kakpoloyi, ní bìngaari kèlē ní, sícilibèle sícilimɛ a kwɔ́ɔ, pe kacánbèle cánna a sa làra.»

Ezayi 43:27

Mɔ tóolɛɛseliw n kapeele pye, mɔ syɛɛnloʔojoobèle n peyɛɛ bye niceebéle mii kàbangi na.

Ezayi 8:20

Làlwaw, ní séeraw má gi yɛlɛ syɔɔn í da lúro. Syɔ́ɔnwee jooganma ga pye lè pi ga yɛlɛ ní dee bee ní í, nyǐnjerigi gbɛ̀ɛnmɛ o nyɛ wi ni í.»

Zyeremii 15:6

Mɔ n mii yaʔa, Yawe wi jo nya, mɔ n lúru kàdoʔo ma, kàjáa mii n mii kɔ́gi sánʔa n taʔa mɔ na bi mɔ kálagi, mii n kɔ́ɔ̀ fɔ̀rɔ nya ní mɔ ní.

Zyeremii 19:7

Tɛ́ɛgi bee ni mii a Zyuda ye ní Zyerusalɛmi ye katimanani kálagi. Mii a gi yaʔa ŋɔséew í be kpóo cáan pe nigoobèle yɛ́ʔɛ ma, ní bele pe be sìikwɔɔri caa lè, bele bee kɔ́yɔ í be kpóo. Mii a be kúceri kaan nyɛ̀ʔɛni féjɛɛnrɛ, ní tári yaweere ma ti lìile.

Zyeremii 2:8

Sáriga-wòlobèle ga gi joo níì jo: ‹Sán Yawe nyɛ í?› Làlwaw kɔ́rɔjoofɔɔlɔ ga mii cán í. Bànaʔabèle n mii cée. Kanyaajoobèle i kérigèle nyaagi ni nyuu Baali mɛ́ɛgi na. Pe n peyɛɛ daʔa fànʔa fun yáriya na.

Zyeremii 49:7

Dee di joo Edɔmi kéeli na lè: Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Sícilimɛ ní o nyɛ Teman ni ì? A Láliiw kwɔ́ɔ lé wi sícilibèle ma? A be sícilimi kálagi lé?

Zyeremii 6:15

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too,» Yawe wi jo nya.

Zyeremii 6:19

Tári, ki n yɛlɛ mi lóʔo! Mii wi wɔʔɔgi yaari ki i tuun syɛ́ɛnbèle naa na ki pye pe katimanari yasanra. Níì cán pe ga fɔ̀lɔ n mii syɛ́ɛnri lóʔo í. Gee gi mii làlwaw kéele kwɔ́ɔ lè, pe n wi yaʔa.

Ezekyɛli 7:26

Wɔʔɔgaa a ra taari wɔʔɔgaa na, kaloʔobɛnʔɛ a ra fàrá kaloʔobɛnʔɛ na. Pe i kanyaajooo yíbe yanyaaya na, làlwaw si a fɔ̀n sáriga-wòloo ma, yarili a fɔ̀n wolɛɛbèle ma.

Amɔsi 2:4

Yawe wi gee naa joo níì jo: «Zyuda kapeeyi taanri kéele na, àlí yi caa i nyɛ sicɛrɛ, gee mii joo n ceri lè, mii a gi sàa í. Níì cán pe n Yawe làlwaw cée pe ga wi làlwaw kèlē kɔn í. Níì cán pe n peyɛɛ yaʔa a jànváa yáriyi be pùuni, yoro yee na be toolɛɛbèle da peyɛɛ daʔa lè a yi be pùuni.

Zakarii 13:4

Cángi bee na lǎli ni kanyaajoobèle ga ni kérigèle nyaagi ni nyuu lè, fɛ̀ɛrɛ a be taa be yanyaayi kéele na. Pe a ní síire búroyo le í, jàngó bàā syɛ́ɛnbèle fáana da pùuní í.

Làlwaw Kaanziin 4:6

Yele a ge kɔn sáā ge kpéʔele, níì cán gee bee ki a pye yele sícilimi, ní yele cánni syɛɛnfeleyi nyɛ́nɛ na, yoro yee yi a làlwaw naa kèlē myɛ lóʔo lè sáā gi nyuu si jo: ‹Syɛɛnfelegi naa gi nɛʔɛ lè, ki n cìlige, ní wɔ́ɔ̀ keele cán.›

2 Timɔte 3:15

Nlaa mɔ piimi làla ni mɔ n syɛɛnsɛbɛcǎnri cán. Toro ti a gbǎn sícilimɛ kaan mɔ ma syɔɔli kéele na àmɛɛ mɔ tága lè Kirisi Zyezu na.