Zyeremii 8:6 - Cebaara Bible 2010

⁶ Mii n mii líiyi cáan, ní i lúro, pe o nyuu àmɛɛ gi yɛlɛ bi pye lè í. Wàa faala o kàdoʔo wáa wi peemɛ ma í, pe o gi nyuu si jo: Nyàʔá mii pye í? Pe myɛ n taʔa n fala be kàfyaali kurugo àmɛɛ syɔnʔɔ fùurí ni jǐn kapɛɛnnɛ ni lè.

Zyeremii 8:6 Iomraidhean Croise

Zyɔbi 10:2

Mii n Kolocɔlɔɔ pye: ‹Mɔ a kɔ́ mii kolo í. Kéelee na mɔ mii túngu lè, li tɛ̀ɛn mii na.

Zyɔbi 34:31

A wàa gi joo lé Kolocɔlɔɔ ma níì jo: ‹Mii n mii wɔʔɔgi túgoro tugo, mii a ní kapeʔe pye í,

Zyɔbi 34:32

gee gi lè mii ga kɔ́ ni gi nyaagi í, gi tɛ̀ɛn mii na, kapye mii n sìnzinmɛ kpéʔele, mii a ní bi kpéʔele í.›

Ŋúnuyi 14:2

N Yawe yaʔa nyɛ̀ʔɛni na, wi n wi nyúngi jùngu ni syɔɔn ye wéle bi gi nyaa kapye wàa i yaà, wee wi cìlige lè, wee wi Kolocɔlɔɔ caa lè.

Ezayi 30:18

Koro ní ki myɛ ní, Yawe i sigi koro ga pye bi kacànna pye yele na, kánmi bee na wi a yìri koro ga pye bi nyinimɛ taa yele na. Níì cán Yawe i nyɛ Kolocɔlɔɔ, wee wi sín lè, bele myɛ be peyɛɛ daʔa wi na lè, pe i nyɛ dùba pìibēle!

Ezayi 57:17

Mii fúngi maa tanʔa Isirayɛli kurugo wi kanaa-sìnzinri kéele na, a mii wi kpúmɔn. Mii fundanʔaratɔw n niyɛɛ làriga. Wi si maa pye sìnloʔoo, wi maa ni syée wi tiimaa funzɔngumi kólogo ni.

Ezayi 59:16

Wi n gi nyaa syɔɔn faala o yaà í, ki n pye wi ma funwɔɔrɔ àmɛɛ wi gi nyaa lè wàa faala o kùsulugo kpéʔele í. Lǎli bee ni wi tiimaa kɔ́gi n baa pye wi dɛ̀ɛmɛfɔlɔ, a wi sínni wi sígi n yérige.

Zyeremii 23:25

«Mii n gi lóʔo gee kanyaajoobèle nyuu lè, poro bele be kérigèle nyaagi ni nyuu mii mɛ́ɛgi na lè, gele ge lè jànvaa níì jo: ‹Mii n ŋúnɔgɔ ŋúnɔ! Mii n ŋúnɔgɔ ŋúnɔ!›

Zyeremii 3:5

A wi a wi fundanʔari kɔn lé bi yaʔa nya? Wi a kòro lé nya di na làla o làla? Koro si mɔ da ni nyuu. Kàjáa kapeʔe mɔ kpéʔele, a gi fǎngi wɔ́ɔ̀ pye mɔ ni.»

Zyeremii 5:1

«Ye fàn ye màʔa Zyerusalɛmi kàlari-kóloyi ni ye gi wéle, ye yíbege kpéʔele, ye caa ye wéle kadàlayi na, kapye nàɔn nibin i yaà yi ni, kapye wàa nibin i yaà, wee wi kasinnɛ kpéʔele lè, wee wi kányɛɛgi caa lè, mii a Zyerusalɛmi kùsulugi syɔɔ.

Ezekyɛli 18:28

Wi ga tɛ́nɛ̀ gi nyaa níì láʔa kapeeyi myɛ na, yee wi kpéʔele lè, wi a tɔ̀nɔ́ kòro sìi na, wi a kùu í.

Ezekyɛli 22:30

Mii i syɔɔnwaa caa be níngi ni, wee wi a kàkɔlɔgɔ faan bi be màʔa lè, si yére tɛɛfurugi na mii yɛ́ʔɛ ma, bi tári syɔɔ jàngó mii a kɔ́ di kálagi í, kàjáa mii ga wàa taa í.

Danyɛli 9:11

Isirayɛli ye myɛ n mɔ lalwaw kálagi, níì kólogi yaʔa, pe ga mɔ jóomi lóʔo í. Lǎli bee ni dángaw kèlē ní kàligi kèlē ge sɛ́bɛ Kolocɔlɔɔ falipyew Mowizi làlwaw ni lè, a koro si wolo tɔ́n, níì cán wolo n kapeele pye mɔ na.

Misye 7:2

Tágala syɛ́ɛnbèle n kwɔ́ɔ n yiri tári ni, syɛɛnsiɔn ní o beè í, pe myɛ n làra ni sige jàngó bàā sìsyaanw ŋuu, pe myɛ nibin nibin i karinyanya nii be senyɛ̀nnɛ na.

Sofonii 3:7

Mii maa ni gi nyuu níì jo: Mɔ mi tɛ́nɛ maa fɛ̀ɛgí mii na, mí fɔ̀lɔ kpúmɔn-mí-kàrigali na! Kánmi bee na kérigèle myɛ mii tɛ́ʔɛ n wi sàmi lè, mii màko a dée pye bi wi kálagi í. Kàjáa a be sèʔê tɔlɔyɔ wári be kálagimi kapyere kurugo.

Agizye 1:5

Koro na tɔ́ɔliw ni, Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Ye sɔ̀ngi ye wéle yele kérigèle na!

Agizye 1:7

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Ye sɔ̀ngi ye wéle yele kérigèle na!

Malasyii 3:16

Lǎli bee ni bele be fɛ̀ɛgí Yawe na lè, a poro i nyuu ní peyɛɛ ní. A Yawe líiyi cáan n lóʔo be ma, a sɔ̀ngudaara sɛ́bɛ sɛ́bɛ wi yɛʔɛ̀ ma, jàngó bàā wi sɔ̀ngumi tìrigí bele kéele na be fɛ̀ɛgí Yawe na lè, ní i wi mɛ́ɛgi kpɔ́ʔɔgi.

2 Pyɛri 3:9

Kàfɔw o mɔngi wi nyɔɔfaligi forolo na àmɛɛ pèle gi sɔ̀ngí lè í, kàjáa wi i kpàracogo kpéʔele yele kéeli na. Wi o caa wàa faala í kálagi í, níì cán wi i caa pe myɛ í ba kàdoʔo wáa be kapeegèle ma.

Tɛ̀ɛnnɛ 9:20

Syɛ́ɛnbèle bele si be kòro lè, yapeeyi bee ga be taa n kpóo í, pe ga fɔ̀lɔ n kàdoʔo wáa be kɔ́yi yakpéʔelere ma í. Gee bee n jo pe ga fɔ̀lɔ bi láʔa màdebèle, ní yasunyi kpɔ̀ʔɔrɔlɔ na í, yee yi nyɛ lè tɛ́ɛw, wàlá wálifiiw, wàlá kanyɛɛnri, wàlá kàdɛnɛyi, wàlá tíiri, yáriree di nyɛ lè ti o nyaagi í, ti o lúro í, ti si wɔ́ɔ o táanri í.