Zyeremii 8:5 - Cebaara Bible 2010

⁵ Nyàʔá na si Zyerusalɛmi syɛ́ɛnbèle naa kòro niceebéle ni syée nya? Pe n kòro n tan fáanagi na, pe n cée pe ga fɔ̀lɔ bi lúru pan í.

Zyeremii 8:5 Iomraidhean Croise

Kàseegèle 4:13

Ki n yɛlɛ mi tamani sámaga mi cò, mɔ a kɔ́ li yaʔa í, tan li na, níì cán loro li nyɛ mɔ siiw.

Ezayi 1:20

Kàjáa yele ga pye yele ga fɔ̀lɔ í, níì yeyɛɛ bye niceebéle, ŋɔséew a yele lìi,» Yawe nyɔ́ɔgi gi jo nya.

Ezayi 30:10

Pe i gi nyuu kanyaabèle ma níì jo: «Ye a kɔ́ ra nyaagi í.» Ni gi nyuu kanyaajoobèle ma níì jo: «Ye a kɔ́ ra kányɛɛgi nyaagi bàā nyuu wolo ma í. Yaa fáanaga syɛ́ɛnrɛ nyuu wolo ma, yaa námara yanyaayi kéele nyuu wolo ma!

Ezayi 44:20

Cɔ́ɔngi mùgulo n wi dɛ́nɛ, wi funnaa-sìnzingi i wi pùuní. Wi a gbǎn wiyɛɛ sìíw syɔɔ í, wi a tée gi joo í si jo: «Gee gi nyɛ mii kɔ́gi ni lè, jànvaa yáriga ban gi nyɛ ì?»

Zyeremii 14:7

Alí wolo kolomi kèlē ga ni wolo kologi, ee Yawe, ki kpéʔele mɔ mɛ́ɛgi kéele na! Níì cán wolo céemi kapyere n nɛʔɛ, wolo n kapeele pye mɔ na.

Zyeremii 2:32

A pìcaa i fɛ̀ʔɛ́ lé wi fèreri yárira na, pìcaaw nìgɔcariɔ cò lè, wi fɛ̀ʔɛ lé wi fèreri na? A mii syɛ́ɛnbèle si fɛ̀ʔɛ mii na, nlaa yaà córomɔ fun canya ni.

Zyeremii 3:5

A wi a wi fundanʔari kɔn lé bi yaʔa nya? Wi a kòro lé nya di na làla o làla? Koro si mɔ da ni nyuu. Kàjáa kapeʔe mɔ kpéʔele, a gi fǎngi wɔ́ɔ̀ pye mɔ ni.»

Zyeremii 5:27

Amɛɛ gòdege gáà nyìn féjɛɛnrɛ na lè, ànbée be kpáayi nyìn yanɔʔɔrɔ-mí-syɔɔri na. Kánmi bee na pe baa pye séefɔɔlɔ ní lɔrɔfɔɔlɔ.

Zyeremii 5:3

Kányɛɛgi ban mɔ nyapiigèle caa bi nyaa ì, Yawe? Mɔ n be kpúmɔn, ki ga yafyɛn pye be na í. Mɔ n naà taʔa be na, pe ga fɔ̀lɔ tamani na í. Pe n be yɛ́ɛyi waʔa n sɔ̀lɔ fálaya na, pe ga fɔ̀lɔ n kàri í.

Zyeremii 5:6

Koro na kɔligi càaraɔ tuun be na, tɛɛfiiyi gbàʔā i be sulugu sulugu. Sèdew i làrá be kěyi taana ni be sigi, bele myɛ pe ga ni yirigi yi ni lè, pe a sulugu sulugu. Níì cán be céemi kèlē n nɛʔɛ. Kàa n fàra pe námara kérigèle na.

Zyeremii 6:17

Mii n kɔ̀rɔsiifɔɔlɔ yìrige yele ma, ye yákirii yaʔa tòmaagi wìimɛ na. Kàjáa pe i syɛɛnlurugori kaangi níì jo: ‹Wolo a yákirii yaʔa í.›

Zyeremii 6:19

Tári, ki n yɛlɛ mi lóʔo! Mii wi wɔʔɔgi yaari ki i tuun syɛ́ɛnbèle naa na ki pye pe katimanari yasanra. Níì cán pe ga fɔ̀lɔ n mii syɛ́ɛnri lóʔo í. Gee gi mii làlwaw kéele kwɔ́ɔ lè, pe n wi yaʔa.

Zyeremii 9:6

Gee bee na Nyɛ̀ʔɛni Sùlasiibéle Kafɔlɔ Yawe syɛ́ɛnri naa joo níì jo: «Wéle! Mii a be gbàla si be sɛʔɛ bi wéle. Níì cán kanmìí na mii a gi pye mii syɛ́ɛnbèle kàbaan na?

Danyɛli 9:11

Isirayɛli ye myɛ n mɔ lalwaw kálagi, níì kólogi yaʔa, pe ga mɔ jóomi lóʔo í. Lǎli bee ni dángaw kèlē ní kàligi kèlē ge sɛ́bɛ Kolocɔlɔɔ falipyew Mowizi làlwaw ni lè, a koro si wolo tɔ́n, níì cán wolo n kapeele pye mɔ na.

Oze sɛ́bɛw 11:5

Pe a ní lúru kári Ezyipiti tári ma í. Kàjáa Asirii ye wów a ba pye be fànʔafɔw. Níì cán pe n cée, pe ga fɔ̀lɔ n lúru n pan mii ma í.

Oze sɛ́bɛw 11:7

Mii syɛ́ɛnbèle n peyɛɛ daʔa námaraw na. Pe i be yiri ǹjoʔo ma, kàjáa pe wàa faala ga yìri í.

Oze sɛ́bɛw 13:2

Tɔ́ɔliw ni pe sèʔé i syée yɛʔɛ̀ ma kapeebyeri kurugo, pe i be wálifiiw gbàlá ni yariyaa niwiriye faanri peyɛɛ ma, pe n yasunyo sámaga n yɛlɛ ní be sɔ̀ngumi ní. Yee bee myɛ i nyɛ fáliw kacanbèlē kapyele. Pe i gi nyuu be kéeli na níì jo: «Bele be syɛ̀ɛnnɛ kúu lè sáriga, pe tɔ̀nɔ́ i náapiiye syɔɔnri syɔɔnri.»

Oze sɛ́bɛw 4:16

Níì cán Isirayɛli n jáma àmɛɛ nìnɔ́ɔjamaga nyɛ lè, tɔ́ɔliw ni Yawe a gi yaʔa paa náari tɛɛfiikpɔʔɔ na àmɛɛ bàpile nyɛ lè.

Zakarii 7:11

Kàjáa a be cée, pe ga fɔ̀lɔ bi lóʔo í, a be céemɛ fókaannyunyo nyɛ́ʔɛ níì be líiweegèle pɛɛn jàngó poro a kɔ́ lóʔo í.

Zyan 5:40

Koro ní ki myɛ ní yele ga fɔ̀lɔ bi pan mii ma koro ga pye yele í sìíw taa í!

1 Tesaloniki ye 5:21

Ki si n yɛlɛ yaa kérigèle myɛ sɛʔɛ yaa wéle, gele ge nyɔɔ lè, ye gele bee sámaga ye cò.

Heburubèle 12:25

Ki n yɛlɛ yaa kɔ̀rɔsíi koro ga pye wee wi nyuu yele ma lè, yele a kɔ́ wi cée í. Níì cán wee wi da ni syɛ́ɛnbèle sàmí lè tári na, bele pe da wi syɛ́ɛnri cée lè, kapye bele bee ga syɔɔ wɔʔɔli ma í, wee wi nyɛ lè nyɛ̀ʔɛni ni, ní i wolo sàmí lè, wolo ga kàdoʔo wáa wee bee ma, mɛ̀ɛ́ wolo a gbǎn syɔɔ bi sɛ́ɛ?

Tɛ̀ɛnnɛ 2:25

Koro ní ki myɛ ní gee yele taa n kwɔ́ɔ lè, ki n yɛlɛ ye gi sámaga ye cò bi taa mii í pan.