Zyeremii 8:4 - Cebaara Bible 2010

⁴ «Mɔ a be pye: ‹Yawe wi syɛ́ɛnri naa joo níì jo: A syɔɔn i tuun lé si kòro sìnyìri ni? Wàlá bi kolo lúru si ni kòro sìnban ni?

Zyeremii 8:4 Iomraidhean Croise

1 Fànʔafɔbèle 8:38

nyɛ́ɛrigɛ o nyɛ́ɛrigɛ, wàlá nyɛ́ɛrigbɔʔɔ o nyɛ́ɛrigbɔʔɔ, gee syɔɔnwaa faala ga nyɛ́ɛri lè, wàlá a gi naa i nyɛ mɔ syɛ́ɛnbèle myɛ bìnɛw be lè Isirayɛli ye poro pe gi nyɛ́ɛri yoo, á syɔɔn o syɔɔn tɛ́nɛ̀ wi fúngi yáama kéele cán, níì wi kɔ́yi yìrige n wáa kpáagi naa ma,

Kàseegèle 24:16

Níì cán syɛɛnsinw a gbǎn too tɔlɔyɔ kɔrɔsiin, si ní sèʔé yìri, kàjáa syɛɛnpeebèle i ŋɔrɔgi ni wáa wɔʔɔgi ni.

Ezayi 44:22

Mii n mɔ kapeegèle kurugo n láʔa àmɛɛ fàfaanwɔʔɔ nyɛ lè, ní mɔ kolomi kèlē, àmɛɛ fàfanʔa nyɛ lè. Ki n yɛlɛ mi lúru mi pan mii ma, níì cán mii n mɔ nyúngi syɔɔ.»

Ezayi 55:7

Syɛɛnpeew n yɛlɛ wi wi kólogi yaʔa, syɛɛnnaa-sìnzinw n yɛlɛ wi wi sɔ̀ngubeeri yaʔa, wi lúru Yawe ma, woro wee wi a nyinimɛ taa wi na lè, wi lúru wolo Kolocɔlɔw ma, woro wee wi kùsulugi syoo lè saʔa.

Zyeremii 23:14

Kàjáa mii n yapeeye nyaa Zyerusalɛmi kànyaajoobèle ma, pe i nyɛ kanɔnʔɔbyebèlē. Pe i táanri jànvaaw na. Pe i fànʔa nii bele kɔ́yɔ ni be kapeeyi kpéʔele lè, koro ga pye pe wàa a kɔ́ láʔa wi peemɛ na í. Pe myɛ i nyɛ mii nyɛ́nɛ na àmɛɛ Sodɔmi ye nyɛ lè, a Zyerusalɛmi syɛ́ɛnbèle i nyɛ mɔ a jo Gomɔri wóbèle bɛɛ.»

Zyeremii 3:1

Yawe n jo: «Lǎli ni nàɔn ga wi cɔɔ̀ yaʔa lè, á wi yiri wi tɛ́ɛgi ni n sáà pye nànwaa nikwɔɔ cɔ́ɔ, a wi nànzeliw a ní gbǎn ba wi láa lé? Tári naa a nɔ́nʔɔ péw ì? A mɔ, mɔ wee wi miyɛɛ bye lè nànjaacɔɔ̀ ní nànbēle saʔa ní, mɔ si ní ba lúru pan lé mii ma?» Yawe wi jo nya.

Zyeremii 3:22

«Ye lúru yaa maa jaafɔ-niceeye, mii a yele kálagimi kèlē yáama láʔa yele na.» «Wolo wéle bele, wolo i syée mɔ ma, níì cán Yawe, mɔ wi nyɛ wolo Kolocɔlɔw.

Zyeremii 36:3

Dɔ̀ʔɔ́ Zyuda kpáagi wòolo ga kapeeyi myɛ kéele lóʔo, yee mii tímana bi kpéʔele be na lè, pe myɛ nibin nibin a be kobeeyi yaʔa si lúru pan. Lǎli bee ni mii a be kolomi, ní be kapeegèle kùsulugo syɔɔ.»

Zyeremii 4:1

Yawe n jo: «Isirayɛli, mɔ ga lúru ni maa, mii má gi yɛlɛ mɔ í lúru pan. Mɔ ga mɔ yanɔnʔɔyi láa n núngo yaà mii yɛ́ʔɛ ma, mɔ si ní o curugu ni máari í,

Ezekyɛli 18:23

A mii i syɛɛnpeew kùu caa lé? Kàfɔw Yawe wi jo nya. Gee mii caa lè koro ban gi nyɛ wi wàli bi yiri wi kólogi ni si kòro sìi na ì?

Oze sɛ́bɛw 14:1

Samarii a córo kolomɔfɔlɔ, níì cán wi n céemɛ kpéʔele wi Kolocɔlɔw kánma na. Ŋɔséew a be kpóo cáan. Pe pìipiiri a tɔ́nʔɔnɔ, pe cébèle be nyɛ lè ficarigèle fɔ̀ɔlɔ, bele bee a purugu.

Oze sɛ́bɛw 6:1

«Yaa maa, wo lúru wo pan Yawe ma! Wi n suluguli kpéʔele, kàjáa wi a wolo pɔʔɔ. Wi n kpúmɔnri kpéʔele, kàjáa wi a wolo námiyi pwɔɔ.

Oze sɛ́bɛw 7:10

Isirayɛli ye nɛ̀ɛnyɛnɛgi i séeraw kpéʔele be kánmi na. Pe o lúrugu ni maa Yawe be Kolocɔlɔw ma í, àlí koro ní ki myɛ ní, pe o wi caa í.

Amɔsi 5:2

«Nàngeele sinján pìcaaw Isirayɛli n too, wi a tée ní yìri í. Wi n tìgi n sínɛ wi tiimaa tári na, syɔɔn faala a ní wi yìrige í.»

Misye 7:8

Mii nigoow, mɔ a kɔ́ ra fundaanra kpéʔele mii kéeli na í! Alí mii ga too, mii a ní yìri. Mii ga tɛ́ɛn yébilimi ni, Yawe wi nyɛ mii gbɛ̀ɛ́nmi.