Zyeremii 8:2 - Cebaara Bible 2010

² Pe a be càli cángi yɛ́ʔɛ ma, ní yégi yɛ́ʔɛ ma, ní nyɛ̀ʔɛni ŋɔ́ripiigéle myɛ yɛ́ʔɛ ma, toro dee kéele li da be dɛ́nɛ lè, toro dee má pe da ni báara lè, toro dee na pe da peyɛɛ daʔa lè, níì kòro ni di caa, toro dee yɛ́ʔɛ má pe da ni tíri ni tuun ni kpɔ̀ʔɔrɔli kpéʔele lè. Kúceri a láa, pe a tɔ́n í. Pe a pye kariga tári na.

Zyeremii 8:2 Iomraidhean Croise

2 Fànʔafɔbèle 17:16

A be Yawe be Kolocɔlɔw kajoodɛɛngēle myɛ yaʔa níì tunmɔrɔ gbàla n náapiiye siin faan, ní wɔ́ɔ̀ Asyera tiikóriyo sámaga ní i tíri ni tuun nyɛ̀ʔɛni ŋɔripiigèlē myɛ yɛ́ʔɛ ma, ní i báara Baali ma.

2 Fànʔafɔbèle 21:3

Sáriga-wòlo-tɛ́ɛyi wi tóow Ezekyasi da kwɔ́ɔ n yirige yaà lè, a wi níì yee bee faan, níì sáriga-wòlo-yafaanya faan Baali ma, ní wɔ́ɔ̀ Asyera tiikórigo sámaga àmɛɛ Isirayɛli fànʔafɔw Akabi da gi kpéʔele lè. A wi i nyɛ̀ʔɛni ŋɔripiigéle myɛ kpɔ̀ʔɔrɔ́, ní i báara ge ma.

2 Fànʔafɔbèle 21:5

A wi wɔ́ɔ̀ sáriga-wòlo-yafaanyaa faan Yawe kpáagi kadàagēle siin na nyɛ̀ʔɛni ŋɔripiigéle myɛ kpɔ̀ʔɔrɔlɔ mɛ́ʔɛ na.

2 Fànʔafɔbèle 23:5

Sáriga-wòlobèle bele Zyuda fànʔafɔbèle da télege lè, a be i nùndaanni yárira sórogi sáriga-wòlo-tɛ́ɛyi ni, Zyuda kěyi ni, ní tɛ́ɛyi ni yi Zyerusalɛmi màʔa lè, a wi poro kwɔ́ɔ n láʔa yaà n fàra bele na pe da ni nùndaanni yárira sórogi Baali, ní cángi, ní yégi, ní ŋɔripiigèle gele na mɛ́ɛyɛ le lè, n fàra nyɛ̀ʔɛni ŋɔripiigéle myɛ na.

Ŋúnuyi 53:5

Kakolobyebèle ga yarigaa cán wii ì? Pe i mii syɛ́ɛnbèle káa, pe i be líi àmɛɛ búru nyɛ lè, pe o Kolocɔlɔɔ mɛ́ɛgi yeri í.

Ŋúnuyi 83:10

Gee mɔ kpéʔele Madyan na lè, ní gee mɔ kpéʔele Sisera, ní Yabɛn na lè Kisyɔn lòcoologi nyɔ́ɔ na, ki n yɛlɛ mi koro félege kpéʔele be na!

Ŋúnuyi 83:11

Pe n be kálagi n kwɔ́ɔ Ɛn-Dɔɔri ni, pe kúceri n baa pye kariga tári na.

Syɛɛnjóow 6:3

Nàɔn ga pìibēle dabata see, níì yɛɛnɛʔɛgéle taa, wi sìíw canya nɛʔɛnɛ ní gi myɛ ní, wi sìíw ga pye wi ga tín fundaanri na í, wi si ga wɔ́ɔ̀ nyanga taa í, mii n jo pìiŋɔrizeeo fundaanra n sɔ̀lɔ wi wóri na.

Zyeremii 14:16

Syɛ́ɛnbèle bele má si be kérigèle nyaagi ni nyuu lè, bele bee a cáan cáan bi màʔa Zyerusalɛmi kàlari-kóloyi ni, kateekpɔɔgi ní ŋɔséew báriga ni. Syɔɔn faala a taa bi nyanya kaan be ma í, poro ma yoo, pe cébèle ma yoo, pe nànbiigèle ní be calipiigèle ma yoo. Mii a be péemi yaʔa pi lúru too be na.

Zyeremii 16:11

Lǎli bee ni mɔ a be yari: ‹Gee bee n taa ncan yele tóolɛɛbèle n mii yaʔa níì taʔa kolocɔlɔbèle pèle nikwɔɔlɔ na, pe n kpɔ̀ʔɔrɔli kpéʔele be ma, pe n tìgi n too be yɛʔɛ̀ ma. Kàjáa mii na, pe n mii yaʔa, pe ga mii làlwaw cò í,› Yawe wi jo nya.

Zyeremii 16:4

«Yaama a be kpóo. Pe kùúyi a le í, pe a nyanya taa í. Pe a pye kariga tári na. Ŋɔséew, ní kateekpɔɔgi a be kwɔ́ɔ. Pe kúceri a pye kaara nyɛ̀ʔɛni féjɛɛnrɛ ní tári yaweere ma.»

Zyeremii 16:6

«Wogbolobèle, ní woyilibèle a kùu tári naa ni. Pe a nyanya túgu be ma í, pe a be kùúyi kpéʔele í. Syɔɔn a wiyɛɛ gɔnɔgi be kéeli na í, syɔɔn a wi nyúngi kùnu be kéeli na í.

Zyeremii 19:13

Zyerusalɛmi kpáayi, ní Zyuda fànʔafɔbèle kpaaya a pye yanɔnʔɔyɔ àmɛɛ Tofɛti nyɛ lè, kpáayi bee myɛ, yoro yee ǹjoyo ni pe da ni nùndaanni yáriga kaangi nyɛ̀ʔɛni ŋɔ́ripiigéle myɛ ma lè, ní i sáriga-yólogow wóo kolocɔlɔbèle pèle nikwɔɔlɔ ma.› »

Zyeremii 22:19

Wi a tɔ́n àmɛɛ jòfanikúugo nyɛ lè, pe a wi fulolo bi yirige Zyerusalɛmi kpàánweegèle ni bi wáa.»

Zyeremii 25:33

Bele Yawe a kpóo cángi bee na lè pe a pye yaà, bi séli tári láʔalee na bi sa nan lee na, pe kùúyi a le í, pe a be kúceri láa í, pe a tɔ́n í. Pe a pye kariga tári na.

Zyeremii 31:40

Kúbèle jǐnlɔgɔ myɛ, ní cɔ́ɔngi jǐnlɔgɔ, ní tɛɛwaayi myɛ bi kári fwɔɔ sa nan Sedurɔn gòrógoroweegi na, si ní kári fwɔɔ sa nan Syɔ́ɔnyi kpàánweele jɛɛnnɛ na, canʔafolomɔ ma, tɛ́ɛyi bee myɛ a yaʔa kɔlɔ̀ na Yawe ma, yi a tée gbǎn too wàlá bi kálagi í.»

Zyeremii 36:30

Koro na Yawe syɛ́ɛnri naa joo Zyuda fànʔafɔw Yehoyakimi kánmi na, níì jo: Wi syɔɔnwaa faala a tée tɛ́ɛn Davidi fàngoli na í, wi kúceri si a cáan yaʔa káfugi ni, cángi làla ni, ní wéeri ni, yébiligi làla ni.

Zyeremii 9:20

Níì cán kùúw n lúgu wolo fɛ̀nɛtiribèle na, wi n jée wolo fànʔafɔ-gbaayi ni, wi i pìíbèle cɛnɛ ni cáan kàlari-kóloyi ni, n fàra wojáribèle na, kadàlayi na.

Zyeremii 9:21

Ki joo mí jo: «Syɛ́ɛnri naa Yawe joo níì jo: ‹Syɛ́ɛnbèle kúcere a too àmɛɛ kariga nyɛ lè séyi ni, ní àmɛɛ yaliipwɔɔlɔ nyɛ lè yaliilaaɔ kadoʔo ma, wàa o li lée í!› »

Zyeremii 9:22

Yawe wi syɛ́ɛnri naa joo níì jo: «Síciliw a kɔ́ ra wiyɛɛ gbɔ́ʔɔgi wi sícilimi kéele na í, nànniriw a kɔ́ ra wiyɛɛ gbɔ́ʔɔgi wi nìrili kéele na í, lɔrɔfɔw a kɔ́ ra wiyɛɛ gbɔ́ʔɔgi wi lɔ́ri kéele na í.

Ezekyɛli 29:5

Mii a mɔ wáa fìími tára ni, mɔ ní mɔ cábiyi fàala myɛ ní. Mɔ a sa too yaà sefii-tári ni, pe a mɔ jóo í, wàlá bi mɔ tɔ́n í. Mii a mɔ kpéʔele kaara tári yaweere, ní nyɛ̀ʔɛni féjɛɛnrɛ ma.

Ezekyɛli 39:5

Mɔ a too tári na sìnbirigi ni, níì cán mii, mii wi joo, Kàfɔw Yawe wi jo nya.

Ezekyɛli 6:5

Mii a Isirayɛli ye woguubèle cáan be yasunyi yɛ́ʔɛ ma, mii a yele kaceri cariga bi yele sáriga-wòlo-yafaanyi màʔa.

Ezekyɛli 8:16

A wi mii kɔ́ri n jée Yawe kpáagi fungoma kàcoolo ni. Wéle, nànbēle toko ní kagunɔ félege n pye yaà Yawe kpɔ̀ʔɔrɔli kpaʔa kpaaweele na, kpáali ní sáriga-wòlo-yafaangi nínge ni, a be kàdoyi wáa Yawe kpɔ̀ʔɔrɔli kpaʔa ma níì yɛ́ɛyi wáa canʔafolomɔ ma ní i tíri ni tuun tári na canʔafolomɔ ma, cángi yɛ́ʔɛ ma.

Sofonii 1:17

Mii a syɔɔn ye le wɔʔɔgi ni, pe a ra táanri àmɛɛ fúunbéle nyɛ lè, níì cán pe n kapeele pye Yawe na. Mii a be sìsyaanw wo àmɛɛ támiige nyɛ lè, pe céri a pye kànyaʔara.

Sofonii 1:5

ní bele be tuun nyɛ̀ʔɛni ŋɔripiigéle yɛ́ʔɛ ma kpáayi ǹjoyo ni lè, ní bele be tíri ni tuun ní i kɛ̀ɛ́ Yawe na lè, ní wɔ́ɔ i kɛ̀ɛ́ Milikɔmi na lè,

Kapyegèle 7:42

A Kolocɔlɔɔ kàdoʔo wáa be ma níì be yaʔa paa nyɛ̀ʔɛni yárira kpɔ̀ʔɔrɔ́, àmɛɛ ti da sɛ́bɛ lè kanyaajoobèle sɛ́bɛ ni níì jo: ‹Yele Isirayɛli ye narigbaagi syɛ̀ɛnnɛ, mii má lé yele da ni yaweegèle kúu, ní i sárigaw wòló fìími tára ni n baa taa yɛ́ɛgèle togoye siin?

Làlwaw Kaanziin 17:3

níì kári n sa ni kolocɔlɔbèle pèle nikwɔɔlɔ kpɔ̀ʔɔrɔ́, ní i kpùmɔnɔ́ be yɛʔɛ̀ ma, ní wɔ́ɔ i kpùmɔnɔ́ cángi, wàlá yégi, wàlá nyɛ̀ʔɛni ŋɔripilaa faala yɛ́ʔɛ ma, gee gi lè mii ban wi gi joo nyáana í,

Làlwaw Kaanziin 4:19

Mi wɔ́ɔ maa miyɛɛ kɔ̀rɔsíi, koro ga pye mɔ ga mɔ nyapiigèle yìrige n le nyɛ̀ʔɛni ni, níì cángi, ní yégi, ní ŋɔripiigèle nyaa, ti lè nyɛ̀ʔɛni yárira myɛw, mɔ a kɔ́ miyɛɛ yaʔa di kpɔ̀ʔɔrɔ láaw í mɔ taa mɔ í da kpùmɔnɔ́ di yɛʔɛ̀ ma í. Yawe mɔ Kolocɔlɔw n dee bee kaan nyɛ̀ʔɛni láara syɛɛnfeleye myɛ bìnɛw ma.