Zyeremii 8:16 - Cebaara Bible 2010

¹⁶ Wi syɔ́ɔnyi fúlomɔ i lúro Dan kàbangi na, yi kàfulogi i tári myɛ cɛ̀lɛ́. Yi i maa, yi i tári, ní di fúngi yárira líi, ní kěgi ní gi tɛ́ɛnfɔbèle.

Zyeremii 8:16 Iomraidhean Croise

Zyɔbi 39:20

Mɔ lé wi gi pye ki i yegi àmɛɛ kúdo nyɛ lè? Ki nɛ̀ɛnyɛnɛgi kàfulogo i fyáakpɔɔrɔ wáa.

Ŋúnuyi 24:1

Davidi ŋúnugi. Tári ní di yáriri i nyɛ Yawe wóro, dulunyanw ní wi fúngi syɛ̀ɛnnɛ i nyɛ Yawe wòolo!

Zyeremii 10:25

Mɔ fundanʔagbɔɔri yàli tári syɛɛnfeleye na, yee yi lè yi ga mɔ cán í, ní syɛ́ɛnbèle na, bele be lè pe o mɔ mɛ́ɛgi yiri í! Níì cán pe i Zyakɔbi káa, pe i wi káa, pe i wi kálagi bi kwɔ́ɔ, pe i wi tɛɛkòrogi kàragí tɛɛ̀kalagiga.

Zyeremii 3:24

Nlaa yaà wolo cárimi làla ni, Fɛ̀ɛ́ri Yáriga n wolo tóobèle fáli tɔ̀nɔ lìi, wi lè pe yaweeyiligèle, ní be yaweekpologèle, ní be nànbiigèle ní be calipiigèle.

Zyeremii 30:16

Koro na bele myɛ pe mɔ káa lè, pe a be káa, mɔ wɔʔɔfɔbèle myɛw, pe myɛ a kári púlori na. Bele pe mɔ kɔ́lɔ yáriri syoo mɔ na lè, pe kɔlɔ̀ yáriri a wɔ́ɔ syɔɔ be na, bele myɛ pe mɔ yáriri koli lè, mii a wɔ́ɔ gi yaʔa pe yáriri í koli.

Zyeremii 30:5

«Yawe wi syɛ́ɛnri naa joo níì jo: ‹Wolo i nyáʔamina supiiwáara lúro, fyáakpɔɔrɔ dii, bɛ̀ɛlɛ ban í.

Zyeremii 4:24

A mii nyanbeleyi wéle, n gi nyaa a yi i cɛ̀lɛ́, a dǎndamayi myɛ i cúngu.

Zyeremii 4:7

Càaraw n ye n yiri wi tɛɛlàragi ni, syɛɛnfeleyi kálagifɔlɔ i nyɛ n kwɔ́ɔ tánʔani na, wi n yiri n kwɔ́ɔ wi tɛɛkòrogi ni bi mɔ tári kálagi. Mɔ keyi a pye kataya, syɛ̀ɛnnɛ a ní pye yi ni í.

Zyeremii 47:3

wi fànnɛʔɛgɛ syɔ́ɔnyi fèriye kàfulogo kéele na, ní wi kapɛɛnkpumɔn-wòtorobèle tìnmɛ na, ní wi sàkoyi fúlomɔ na. Tofɔbèle ní o wéle be pìíbèle ma í, àmɛɛ kɔ́yi fànʔa kwɔ́ɔ lè.

Zyeremii 5:17

Ki a mɔ yaliilaari ní mɔ búruw lìi, ki a mɔ nanbiigèle ní mɔ calipiigèle lìi, ki a mɔ yaweeyiligèle ní mɔ yaweekpologèle lìi, ki a mɔ ɛrɛzɛn tíriri ní mɔ děsyaantiiri lìi, ki a mɔ keniriyi kálagi ní ŋɔséew ní, yee na mɔ mɔ sɔngumi taʔa lè.

Zyeremii 50:42

Pe i sedeyi, ní tàbaabèle yìrigí ǹjoʔo ma. Pe n pee n sɔ̀lɔ, ní i nyɛ nyínimɛ fun. Pe yákpogèle kàfulogo i nyɛ àmɛɛ sólomi lɔ̀ʔɔ wóʔo nyɛ lè. Pe n lúgu syɔɔnyɔ na, níì peyɛɛ zámaga àmɛɛ nàɔn nibin nyɛ lè bi kapɛɛnni kpúmɔn mɔ kánmi na, calipili Babilɔni!

Zyeremii 51:29

Tári n cúngo, ti n cɛ̀lɛ, lǎli ni Yawe katimanani foro Babilɔni kánmi na lè, n Babilɔni tári kàriga lè tɛɛ̀kalagiga, syɛ̀ɛnnɛ fun.

Zyeremii 6:23

Pe n sedeyi ní ŋáayi yìrige ǹjoʔo ma. Pe n pee n sɔ̀lɔ ní i nyɛ nyinimɛ fun. Pe yákpogèle kàfulogo i nyɛ àmɛɛ sólomi lɔ̀ʔɔ wóʔo nyɛ lè. Pe n lúgu syɔɔnyɔ na, níì peyɛɛ zámaga kapɛɛnni kánma na àmɛɛ nàɔn nibin nyɛ lè, mɔ kánmi na, calipili Siyɔn!»

Nahumi 3:2

Sapili folomɔ, ní sàkoyi tìngbɔɔmɔ i lúro, syɔ́ɔnyi i fé, kapɛɛnkpumɔn-wòtorobèle i yegi.

Habakuki 3:10

Nyanbeleyi i mɔ nyaagi a yi i cɛ̀lɛ́, lòkpɔʔɔ n kabi ni sɔ̀lɔ́, weecurugi i gi yákpoli wáa li i lúro, ní i gi kɔ́yi yìrigí ǹjogi ni.

1 Korɛnti ye 10:26

Níì cán «tári ní di yáriri myɛ i nyɛ Kàfɔw wóro.»

1 Korɛnti ye 10:28

Kàjáa wàa ga yele sàmi níì jo, «dee naa i nyɛ yasungo káara,» yele a kɔ́ di káa í yele sàmifɔw bee fûngabalaga kéele na.

Jàbɔbèle 18:29

A be kěgi mɛ́ʔɛ le ni gi yiri Dan, pe tofɔlɛɛgi Dan mɛ́ɛgi na, woro wee Isirayɛli da see lè. Bi gi taa kěgi bee pe da ni yiri Layisyi.

Jàbɔbèle 20:1

A Isirayɛli ye myɛw peyɛɛ gbóʔoro n pye àmɛɛ nàɔn nibin nyɛ lè Yawe yɛ́ʔɛ ma Misipa ni. Pe maa yìri yaà n séli Dan na fwɔɔ n sáà nan Bɛɛri-Syeba na n fàra Galaadi tári na.

Jàbɔbèle 5:22

Lǎli bee ni a syɔ́ɔnyi fèriye kàfulogo i yirigi. Yi i fé, wi syɔ́ɔnyi i fé.