Zyeremii 8:12 - Cebaara Bible 2010

¹² Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too, Yawe wi jo nya.

Zyeremii 8:12 Iomraidhean Croise

Sélimɛ 19:34

A ki ga pye nyǐndaligi na, a pìilɛɛw gi joo wi cɔnɔw ma níì jo: «Mii n taa n sínɛ ní wolo tóow ní pìlige ni. Ki n yɛlɛ wo ní wɔ́ɔ dùvɛɛnwaa kaan wi ma níjanʔa yébiligi ni, mɔ si sa sínɛ ní wi ní koro ga pye wolo í yòdaʔaya kaan wi ma.»

Ŋúnuyi 52:1

Ŋúnuŋùúbèle kùndigi wóʔo. Tamani ŋúnugo Davidi ŋùu lè.

Ŋúnuyi 52:7

Kolocɔlɔɔ a wɔ́ɔ mɔ kálagi ki kòro nya làla o làla, wi a mɔ cò bi fulolo yirige mɔ fanikpaagi ni, wi a mɔ kɔ́n yirige niweebèle tára ni. Ŋɔ́ndaala

Ezayi 24:2

Sáriga-wòloo a ba pye sèjira ní syɛɛnsanbèle ní, kàfɔlɔ ní wi falipyeo í pye sèjira, kàfɔjɔɔ ní wi falipye-pìcaa í pye sèjira, yapáraɔ ní yasyɔɔɔ í pye sèjira, fwɔɔleo ní fwɔɔkuuɔn í pye sèjira, fwɔ́ɔli tɔ̀nɔ syɔɔfɔlɔ ní fwɔ́ɔli tɔ̀nɔ kaanfɔlɔ í pye sèjira.

Ezayi 3:9

Pe còrimi i séera kpéʔele be kánmi na, pe i be kapeeli jáari àmɛɛ Sodɔmi nyɛ lè, pe o yafyɛn làragí í. Wɔʔɔlɔ i nyɛ be na! Níì cán pe i be tiimaa bɔ̀nɔw sámagi ni yaari.

Zyeremii 10:15

Yi myɛ i nyɛ gbanzan, kataanra yáriya yii. Yi làrigbumɔnni ga baa nan, yi a kwɔ́ɔ láʔa yaà.

Zyeremii 14:15

Koro na Yawe syɛ́ɛnri naa joo kanyaajoobèle kéele na, poro bele be kérigèle nyaagi ni nyuu mii mɛ́ɛgi na lè, bi gi taa mii ga be tun í, pe i gi nyuu níì jo: Ŋɔsée, wàlá kateʔe a too tári naa na í, ŋɔséew, ní kateekpɔɔgi a kanyaajoobèle bee kpóo.

Zyeremii 23:12

«Koro na pe kólogi a ra tàrá, si pye yébilimɛ, pe a be ŋɔrigɔ, pe a too. Níì cán mii a wɔʔɔli yaʔa li too be na, yɛ́ɛlee na mii a keele tɛ́ʔɛ be na lè,» Yawe wi jo nya.

Zyeremii 3:3

Koro na zěyi wɔ́ɔ̀ yére, zěseligi ga too í. Nànjaacɔɔ̀ gbáala n pye mɔ na, ki fɛ̀ɛrɛ ga mɔ taa í.

Zyeremii 44:10

Pe ga peyɛɛ jɛ́rɛ í, fwɔɔ n baa nan níjanʔa na, fyáara ga jée be ni í, pe ga tánʔa mii làlwaw, ní mii làlwaw kèlē na í, gele mii tɛ́ʔɛ yele ní yele tóolɛɛbèle yɛ́ʔɛ ma lè.›

Zyeremii 6:15

Fɛ̀ɛrɛ maa yɛlɛ ti be taa yanɔnʔɔri kéele na be kpéʔele lè, kàjáa fɛ̀ɛrɛ ga téè be taa í, pe ga níì fɛ̀ɛrɛ cán í. Koro na pe a pínɛ da tuun ní bele ní be tuun lè, mii ga yìri be kurugo lǎlee ni lè, pe a kpírige too,» Yawe wi jo nya.

Zyeremii 6:21

Koro na Yawe syɛ́ɛnri naa joo níì jo: «Wéle, mii a kàdɛnɛ-gbírigeye tɛ́ʔɛ syɛ́ɛnbèle naa yɛ́ʔɛ ma, yee na tofɔbèle ní jaafɔbèle, ní kètɛnɛnyɛnbèle, ní tàannyɛnbèle a pínɛ da kpírigi da tuun lè. Pe a ra kúu.»

Ezekyɛli 23:18

Wi n wi nànjaari múgu n yaʔa, wi n wi níborigi múgu n yaʔa. A mii fúngi láʔa wi na, àmɛɛ mii fúngi da láʔa wi senyɛnjew na lè.

Oze sɛ́bɛw 5:9

Efirayimi a ba kálagi kpúmɔnri canʔa na. Kéelee pyele li lè li a sàa í loro mii nyuu lee Isirayɛli syɛɛnfeleyi nínge ni.

Sofonii 3:5

Yawe n sín ki níngi ni, wi o kakologo kpéʔele í. Nyɛ̀ʔɛ nyɔ́ɔ o nyɛ̀ʔɛ nyɔ́ɔ, wi i wi sínni yirigi gbɛ̀ɛ́nmi na, wi o láari gee bee pyele na í. Kàjáa syɛɛnnaa-sìnzinw ga fɛ̀ɛrɛ cán í.

Làlwaw Kaanziin 32:35

Pe tɔ́lɔyi ga wàli n yiri kólogi ni lǎli ni lè, mii wi nyɛ kapeeli gɔ̀lɔ́-wòloo, ní sàraw kaanfɔlɔ. Níì cán pe wɔʔɔli canʔa n nùuni pe kwɔ́ɔganmi i fùurí ni maa.»

Filipikaʔa ye 3:19

Pe kwɔ́ɔmi a ba pye kálagila. Pe fícarigèle ge nyɛ pe kolocɔlɔw. Kérigèle ke da yɛlɛ bi pye be na lè fɛ̀ɛrɛ kèlē, gele bee i nyɛ be ma kpɔɔmɔ kéele. Pe sɔ̀nguri tɔ̀nɔ́ i nyɛ dulunyanw kèlē na.