Zyeremii 8:10 - Cebaara Bible 2010

¹⁰ Koro na mii a be cébèle kaan pèle nikwɔɔlɔ ma, si be séyi kaan bele má pe a yi nɛnɛ syɔɔ be ma lè. Níì cán n séli wobiigèle na n sáà nan wogbolobèle na, pe myɛ i nyɛ tɔ̀nɔcaari kurugo. N séli kanyaajoobèle na n sáà nan be sáriga-wòlobèle na, pe myɛ i námaraw kpéʔele.

Zyeremii 8:10 Iomraidhean Croise

Zyɔbi 31:10

ki n yɛlɛ mii céw í sa ra tire nànwaa nikwɔɔ ma, pèle nikwɔɔlɔ í da sìnɛ́ ní wi ní.

Ezayi 28:7

Kàjáa poro wɔ́ɔ i dùvɛɛnw gbo ni fági, a singbǎnmi i be pùuní. Sáriga-wòloo ní kanyaajooo i fági singbǎnmi báriga ni, dùvɛɛnw n be cò, singbǎnmi i be pùuní. Pe yɛ́ɛyi i wóo n be yaʔa kanyaajoori na. Pe i curugu pe kajoo-mí-cerigèle ni.

Ezayi 57:17

Mii fúngi maa tanʔa Isirayɛli kurugo wi kanaa-sìnzinri kéele na, a mii wi kpúmɔn. Mii fundanʔaratɔw n niyɛɛ làriga. Wi si maa pye sìnloʔoo, wi maa ni syée wi tiimaa funzɔngumi kólogo ni.

Zyeremii 14:14

A Yawe mii pye: «Jànvaaw kanyaajoobèle nyaagi ni nyuu mii mɛ́ɛgi na. Mii ga be tun í, mii ga syɛ́ɛnrɛ joo n gbàn be ma í, mii ga téè joo be ma í. Jànvaaw yanyaaya, ní jànvaaw kanyaajooro, ní yasunzunri, ní be funzɔnguri di syɔɔn fáana ni pùuní lè, toro be nyuu yele ma.

Zyeremii 14:18

Mii ga ni syée sìnbirigi ni, mii n nànbēle nyaa, bele ŋɔséew fúrugu n cáan lè. Mii ga jée kěgi ni, mii n syɛ̀ɛnnɛ nyaa, bele kateegi kàriga lè yaabèlē, àlí kanyaajoobèle, ní sáriga-wòlobèle i tári fé ni máari pe o yafyɛn cángi í.› »

Zyeremii 17:11

Syɔ́ɔnwee wi lɔ́ri taagi lè sìnzinmɛ na, wi i nyɛ móō sìndyoò wii, wee wi kùru lè cɛ̀nɛ na, gele ge lè woro ban wi ge cáan í. Wi a fɔ̀n di ni wi cányi nínge ni, wi kwɔ́ɔmi na, wi a pye nilabalaga.

Zyeremii 22:17

«Kàjáa mɔ nyapiigèle ní mɔ fúngi o nyɛ yafyɛn na mɔ tɔnɔtaari kàdoʔo na í, mɔ i tɛɛlɛ fun sìsyaanw ŋuu, ní wɔ́ɔ i fǎngi gbàngí peemɛ ni.»

Zyeremii 32:32

kapeeyi myɛ kéele na, yee Isirayɛli pìíbèle ní Zyuda pìíbèle kpéʔele bi mii fúngi tanʔa lè, poro, ní be fànʔafɔbèle, ní be syɛɛnkpolobèle, ní be sáriga-wòlobèle, ní be kanyaajoobèle, ní Zyuda nǎnbèle, ní Zyerusalɛmi ye.

Zyeremii 38:22

Wi n jo: ‹Cébèle bele myɛ be kòro Zyuda fànʔafɔw kpaʔa ni lè, pe a cò bi kári Babilɔni fànʔafɔw syɛɛnkpolobéle ma, cébèle a ra ŋúnugi naa ŋúu bàā syée si jo: Bele be yɛɛ̀nyingi kéele joo mɔ ma lè, pe n mɔ curugo, pe n mɔ pùuni. Lǎli ni mɔ tɔ́lɔyi jée n cɔ̀ɔnri fárigi ni lè, a be kári.›

Zyeremii 42:1

Kapɛɛnkpumɔn-kùndigibèle myɛ, n fàra Kareya jáaw Yohanan, ní Hosyaya jáaw Yezanya na, ní syɛ́ɛnbèle myɛ, n séli wobiigèle na n sáà nan wogbolobèle na, a be pan

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Kayaagi Nyɛnigɛ 4:13

Koro n pye wi kanyaajoobèle kapeegéle kéele na, ní wi sáriga-wòlobèle kolomɔ kéele na, poro bele be syɛɛnsinbèle sìsyaan wo wi fúngi ni lè.

Ezekyɛli 33:31

Pe i kpóʔoro ni maa mɔ ma syɛɛnnɛʔɛmɛ, mii syɛ́ɛnbèle i tɛ̀ɛ́n mɔ yɛ́ʔɛ ma. Pe i mɔ syɛ́ɛnri lúro, kàjáa pe o táanri di na í, pe i gi kpéʔele ní syɛɛntaanra ní pe nyɔ́ɔyi na, á tɔ̀nɔpeew kári ní be fúnyi ní.

Amɔsi 5:11

Amɛɛ yele wɔ́ɔ̀ foomɔfɔw tánʔana lè, ní àmɛɛ yele bile syɔɔ wi ma lè námara kpɔ́ʔɔrɔ, kpáayi yele faan ní kàdɛnɛgboloyi ní lè yele a jée yi ni í, ɛrɛzɛn tíricǎnri yele cɔ́rɔ lè yele a gbaa ti dùvɛɛnw na í.

Misye 2:4

Cángi bee na, pe a kútii joo ceri yele na, pe a ra funbɛɛnrɛ ŋúnugo ŋúu, bàā gi nyuu si jo: «Wolo n tɔ̀nɔ n kálagi péw! Wi i mii syɛ́ɛnbèle lɛɛlɛ lee! Ee! Wi i li syoo mii ma dɛ́! Wi i wolo séyi kaangi niceeye ma!»

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Misye 3:5

Yawe wi syɛ́ɛnri naa joo kanyaajoobèle kéele na, poro bele be mii syɛ́ɛnbèle fáana ni pùuní lè, pe gǎngèle ga yarigaa taa bàā sànʔá, pe n ni yɛɛ̀nyingi kéele nyuu, wee ga pye wi ga yarigaa le pe nyɔ́ɔyi ni lè í, pe n ni kapɛɛnni kéele nyuu ni wáa wee bee na.

Habakuki 1:6

Wéle, mii i Kalide ye yìrigí bele! Syɛ́ɛnbèle bee be nyɛ lè nyinimɛ fun níì wári, poro bele be tátɛɛyi forogi ni máari lè bàā tɛɛkòroyi nɛnɛ da syoo, yoro yee yi lè yi o nyɛ pe woyò í.

Sofonii 1:13

Pe lɔ́ri a fuguri láa, pe kpáayi a kòro wowaaya ní. Pe a kpaaya faan, pe si a tɛ́ɛn yi ni í, pe a ɛrɛzɛn tírire cɔ́rɔ, pe si a gbaa di dùvɛɛnw na í.

Tiiti 1:11

Fwɔɔ wo be nyɔ́ɔyi tɔ́n, níì cán pe i narigbaapoyaa nyáʔami àmɛɛ be yi syɛ́ɛnbèle tama lè kérigèle kèle na gele ge lè ke ga yɛlɛ í, pe i gee bee kpéʔele tɔ̀nɔw kánma na wee wi pee lè.

Tiiti 1:7

Níì cán àmɛɛ yɛɛ̀kiniw nyɛ lè Kolocɔlɔɔ fáliw kacɔɔnriɔ, fwɔɔ wi pye kajoolo fun, ki ga yɛlɛ wi pye nyùnwaʔafɔlɔ í, wàlá wi fúngi í tanʔama dɛ́nɛ í, wàlá wi wiyɛɛ gaan sínmi ma í, wàlá wi pye kàsiikuuɔn í, wàlá wi pye tɔ̀nɔpeew caafɔlɔ í.