Zyeremii 8:1 - Cebaara Bible 2010

¹ Yawe n jo: «Lǎli bee ni pe a Zyuda fànʔafɔbèle kacere, ní wi syɛɛnkpolobèle kacere, ní sáriga-wòlobèle kacere, ní kanyaajoobèle kacere, ní Zyerusalɛmi ye kaceri waari bi wòlo be nyányi ni.

Zyeremii 8:1 Iomraidhean Croise

1 Fànʔafɔbèle 13:2

A wi yákpoli wáa sáriga-wòlo-yafaangi kánma na n yɛlɛ ní Yawe syɛ́ɛnri ní, níì jo: «Sáriga-wòlo-yafanʔa! Sáriga-wòlo-yafanʔa! Yawe wi syɛ́ɛnri naa joo níì jo: ‹Wéle pe a nànbile see Davidi kpáagi ni, li mɛ́ɛgi a pye Zyozyasi. Sáriga-wòlo-tɛ́ɛyi sáriga-wòlobēle be nùndaanni yárira sórogi mɔ na lè, wi a ba bele bee wòlo sáriga mɔ na. Pe a syɛ̀ɛnnɛ kaceleye sórigo mɔ na.› »

2 Fànʔafɔbèle 23:16

Kɔ̀ɔ́ngèle ge pye yaà lè nyanbelegi na, a Zyozyasi kàri n wéle n koro nyaa, a wi tun a be sáà kaceri wòlo kɔ̀ɔ́ngèle ni n baa sórigo sáriga-wòlo-yafaangi na n gi nɔ́nʔɔ. A gi kpéʔele n yɛlɛ ní Yawe syɛ́ɛnri ní dee Kolocɔlɔɔ syɔ́ɔnw da joo lè. Toro wi da tɔ̀nɔ n joo.

2 Fànʔafɔbèle 23:20

Sáriga-wòlo-tɛ́ɛyi sáriga-wòlobēle be pye yaà lè a wi poro myɛ kɔnɔgi n sórigo sáriga-wòlo-yafaanyi na. Koro kàdoʔo ma a wi lúru n kári Zyerusalɛmi ma.

2 Fànʔafɔbèle 9:37

Zyezabɛli kúceri a pye kariga sìnbirigi ni Zyizireyɛli kàjegi ni fwɔɔ ki a ba pye syɔɔn a ní gi joo í si jo: Zyezabɛli wi nyɛ wee naa í.› »

Ŋúnuyi 53:5

Kakolobyebèle ga yarigaa cán wii ì? Pe i mii syɛ́ɛnbèle káa, pe i be líi àmɛɛ búru nyɛ lè, pe o Kolocɔlɔɔ mɛ́ɛgi yeri í.

Zyeremii 14:16

Syɛ́ɛnbèle bele má si be kérigèle nyaagi ni nyuu lè, bele bee a cáan cáan bi màʔa Zyerusalɛmi kàlari-kóloyi ni, kateekpɔɔgi ní ŋɔséew báriga ni. Syɔɔn faala a taa bi nyanya kaan be ma í, poro ma yoo, pe cébèle ma yoo, pe nànbiigèle ní be calipiigèle ma yoo. Mii a be péemi yaʔa pi lúru too be na.

Ezekyɛli 37:1

Yawe kɔ́gi maa pye mii na, a Yawe mii láa n yirige wi Pǐli báriga ni n sáà tɛ́ʔɛ jǐnlɔgi nínge ni, koro gee ki da nyìn kacere na lè.

Ezekyɛli 6:4

Yele sáriga-wòlo-yafaanyi a kálagi. Yele nùndaanni yasorigoro pɛ́ɛgéle a tɔ́nʔɔnɔ, mii si yele woguubèle cáan yele yasunyi yɛ́ʔɛ ma.

Ezekyɛli 6:5

Mii a Isirayɛli ye woguubèle cáan be yasunyi yɛ́ʔɛ ma, mii a yele kaceri cariga bi yele sáriga-wòlo-yafaanyi màʔa.

Amɔsi 2:1

Yawe wi gee naa joo níì jo: «Mowabi ye kapeeyi taanri kéele na, àlí yi caa i nyɛ sicɛrɛ, gee mii joo n ceri lè mii a gi sàa í. Níì cán pe n Edɔmi fànʔafɔw kaceleye sórigo n kpóo n kàriga míige.