Zyeremii 7:9 - Cebaara Bible 2010

⁹ Nyàʔá! Yele i yúu ní wɔ́ɔ i syɛ́ɛnbèle kúu, ní i nyɛ kanɔnʔɔbyebèlē, ní i jànvaa kàliyi kɛ̀ɛ́, ní i nùndaanni yáriga sórogi Baali ma, níì yeyɛɛ daʔa kolocɔlɔbèle pèle nikwɔɔlɔ na, bele be lè yele ga be cán í!

Zyeremii 7:9 Iomraidhean Croise

1 Fànʔafɔbèle 18:21

A Elii sɛ̀ʔɛrɛ syɛ́ɛnbèle myɛ ma níì jo: «Làlìí ni yele a láʔa nya fíige-màʔaw na kàbanyi siin na? Kapye Yawe wi nyɛ Kolocɔlɔw wodeleo, ki n yɛlɛ ye taʔa woro na, ki si ga pye Baali wii, ye taʔa woro na.» Syɛ́ɛnbèle ga yafyɛn joo wi ma í.

Yirile 20:3

Ki ga yɛlɛ kolocɔlɔwaa í ní kɔ́ pye mɔ ma mii yɛ́ʔɛ ma í.

Ezayi 1:13

Ye a ní kɔ́ ra maa ní gbanzan yakaanyi ní í. Nùndaanni yasorigogo i nyɛ mii ma yanɔnʔɔgɔ. Yevɔnyi, ní cândɛnɛyi, ní kpóʔorogèle ga mii dɛ́nɛ í. Kakoloyi, ní kpóʔorojǎngèle n nyáʔami tiyɛɛ ni.

Ezayi 58:2

Pe i mii caa canʔa o canʔa, pe i caa poro í mii kóloyi cán. Pe n peyɛɛ bye àmɛɛ syɛɛnfelegaa nyɛ, gee gi sínni sámaga n cò lè, ki si ga téè gi Kolocɔlɔw kútii kéele yaʔa í, pe i kútiisinw kéele yíbe mii ma, pe i caa Kolocɔlɔɔ í nùuni naa.

Zyeremii 1:16

Mii a mii kútiiw kúun be na pe péemi myɛ kéele na níì cán pe n mii yaʔa ní sa ni nùndaanni yáriga sórogi kolocɔlɔbèle pèle nikwɔɔlɔ ma, ní i tuun ni kpùmɔnɔ́ be kɔ́yi fáli yɛ́ʔɛ ma.

Zyeremii 11:13

Níì cán mɔ kolocɔlɔbèle n nɛʔɛ àmɛɛ mɔ keyi nyɛ lè, Zyuda! Sáriga-wòlo-yafaanya i mɔ ma, yee yi nɛʔɛ n pye àmɛɛ mɔ kalari-kóloyi nyɛ lè Zyerusalɛmi, sáriga-wòlo-yafaanya, bàā nùndaanni yáriga sórogi yi na fɛ̀ɛ́ri yáriga Baali ma.›

Zyeremii 11:17

Yawe wi lè Nyɛ̀ʔɛni Sùlasiibéle Kafɔlɔ, woro wee wi mɔ cɔ́rɔ lè, wi n wɔʔɔgɔ kéele joo mɔ kánmi na, kapeegi kéele na, gee Isirayɛli kpáagi wòolo, ní Zyuda kpáagi wòolo kpéʔele peyɛɛ na lè n mii fúngi tanʔa nùndaanni yáriga wololo kéele na sáriga Baali ma.

Zyeremii 13:10

Syɛɛnfelegi bee gi pee lè nya, koro gee gi mii syɛ́ɛnri lóʔolo cée lè, gee gi taʔa gi fungbangi kasɔngurɔ na lè, níì kiyɛɛ bwɔɔ kolocɔlɔbèle pèle nikwɔɔlɔ na ni báara be ma, ní i tíri ni tuun be yɛʔɛ̀ ma, ki a pye àmɛɛ sɛntiiriw naa nyɛ lè, wee wi lè wi a ní gbǎn yafyɛn nyɔɔ í.

Zyeremii 18:15

A mii syɛ́ɛnbèle si fɛ̀ʔɛ mii na, pe i nùndaanni yáriga kaangi yasunyo ma. Koro n be kaan a be tàra n yiri be kóloyi ni, pe kolɛɛyi ni jàngó bi kobiigèlē láa, koloyaa yee yi lè yi ga kpoori í.

Zyeremii 19:4

Níì cán pe n mii yaʔa, pe n tɛ́ɛgi naa kàriga tɛɛgaa gee ni syɔɔn pùuní lè. Pe i nùndaanni yáriga kaangi kolocɔlɔbèle pèle nikwɔɔlɔ ma gi ni, bele be lè pe tiimaw, ní be toolɛɛbèle, ní Zyuda fànʔafɔbèle da be cán í. Pe n tɛɛlɛ fun syɛ́ɛnbèle sìsyaan tɛ́ʔɛ n tɛ́ɛgi naa nyìn.

Zyeremii 32:29

Kalide ye be too kěgi naa na lè pe a jée gi ni, pe a naà le kěgi naa na bi gi sórigo, n fàra kpáayi na, yee ǹjoyo ni pe da ni nùndaanni yáriga sórogi Baali ma lè, ní i sáriga-yólogow ŋuu kolocɔlɔbèle pèle nikwɔɔlɔ ma jàngó bi mii fúngi tanʔa.

Zyeremii 44:3

kapeegi kéele na, gee be kpéʔele bi mii fúngi tanʔa lè, àmɛɛ be kári n sa ni nùndaanni yáriga sórogi, ní i kpɔ̀ʔɔrɔli kpéʔele kolocɔlɔbèle pèle nikwɔɔlɔ ma lè, bele be lè poro ní yele, ní yele tóolɛɛbèle da be cán í.

Zyeremii 44:8

Nyàʔá na yele mii fúngi taanri ní yele kɔ́yi kapyegèlē ní, àmɛɛ yele nùndaanni yáriga sórogi kolocɔlɔbèle pèle nikwɔɔlɔ ma lè Ezyipiti tári ni, dee ni yele pan n baa tɛ́ɛn lè, jàngó bi yeyɛɛ kwɔ́ɔ yirige yaà, si ba pye tári syɛɛnfeleye myɛ ma dánga, ní kataanra yáriga?

Zyeremii 44:9

A yele fɛ̀ʔɛ lé yele tóolɛɛbèle kapeeye, ní Zyuda fànʔafɔbèle wóyo, ní be cébèle wóyo, ní yele kapeeyi, ní yele cébèle wóyo na, yee be kpéʔele lè Zyuda tári, ní Zyerusalɛmi kàlari-kóloyi ni?

Zyeremii 48:35

«Mii i caa bi kwɔ́ɔ ní Mowabi ní nya,» Yawe wi jo nya, «ní wee ní wi lúru sáriga-wòlo-tɛ́ɛyi ni lè, ní i nùndaanni yáriga sórogi wi kolocɔlɔw ma lè.

Zyeremii 5:2

Alí pe ga ni gi nyuu níì jo: ‹Yawe woweew mɛ́ʔɛ na!› Jànvaa kàliga be kɛ̀ɛ́.»

Zyeremii 5:7

«Mɛ̀ɛ́ mii a mɔ kusulugi syɔɔ bi sɛ́ɛ? Mɔ piibèle n mii yaʔa, ní i kɛ̀ɛ́ yariyaa na, yee yi lè yi o nyɛ Kolocɔlɔɔ í. Mii maa be tín yáriri na, pe si i kanɔnʔɔri kpéʔele. Pe i kpóʔoro saʔa nànjaacew kpaʔa ni.

Zyeremii 7:6

yele ga pye yele o fǎngi gbàngí nibɔnw ní círiw, ní lɔgucew na í, yele ga pye yele o tɛɛlɛ fun sìsyaanw ŋuu tɛ́ɛgi naa ni í, yele ga pye yele ga yeyɛɛ daʔa kolocɔlɔbèle pèle nikwɔɔlɔ na í, n wɔʔɔgɔ caa n kaan yeyɛɛ ma í,

Ezekyɛli 18:18

Wi tóow wi da pye fǎngi gbànvɔlɔ, ní i wi senyɛnbèle yúu, ní i gi kpéʔele wi syɛ́ɛnbèle nínge ni, gee gi lè ki ga nyɔɔ í, woro wi a kùu wi kolomi kéele na.

Ezekyɛli 20:30

Koro na ki joo Isirayɛli kpáagi wòolo ma mí be pye: ‹Kàfɔw Yawe wi syɛ́ɛnri naa joo níì jo: Yele o yeyɛɛ nɔ́ɔnri àmɛɛ yele tóolɛɛbèle nyɛ lè ì, ní wɔ́ɔ̀ yeyɛɛ gbéʔele kanɔnʔɔbyebèlē àmɛɛ yele taʔa pe yanɔnʔɔyi na lè ì?

Ezekyɛli 23:39

Pe n be nànbiigèle kpóo pe yasunyi na, níì kári cángi bee wonijanga mii tɛɛcǎngi ma bi sa gi nɔ́nʔɔ. Gee bee be kpéʔele mii kpáagi nínge ni téw.

Ezekyɛli 5:11

Kàfɔw Yawe n jo: «Koro na mii woweew mɛ́ʔɛ na, àmɛɛ mɔ mii tɛɛcǎngi nɔ́nʔɔ lè ní mɔ katoolɛɛri myɛ, ní mɔ yanɔnʔɔyi myɛ ní, mii a wɔ́ɔ láʔa mɔ na, mii a tée mɔ nyaa nyinimɛ wóo ní í, mii wɔ́ɔgēle, mii a gi kpéʔele nyinimɛ fun.

Oze sɛ́bɛw 2:13

Mii a wi fundaanri myɛ kwɔ́ɔ, ní wi fɛ́tiibèle, ní wi yevɔnyi, ní wi cândɛnɛyi, ní wi kpóʔorojǎngèle myɛ ní.

Oze sɛ́bɛw 6:9

Amɛɛ kàyuu-fànʔafɔɔlɔ làrá ni syɔɔn sige lè, ànbée sáriga-wòlobèle kabiga syɛ́ɛnbèle sige ni kúu Sisyɛmi kólogi na. Gee bee i nyɛ kapeekpɔʔɔ!

Amɔsi 4:5

Yaa yele bariga kaanni sáriga wóo ní levé ní! Yaa yele kínidɛnɛgi yakaanya kéele nyuu yaa jáari! Níì cán koro gi yele dɛ́nɛ, yele Isirayɛli yòdaʔayi,» Kàfɔw Yawe wi jo nya.

Sofonii 1:5

ní bele be tuun nyɛ̀ʔɛni ŋɔripiigéle yɛ́ʔɛ ma kpáayi ǹjoyo ni lè, ní bele be tíri ni tuun ní i kɛ̀ɛ́ Yawe na lè, ní wɔ́ɔ i kɛ̀ɛ́ Milikɔmi na lè,

Malasyii 3:5

«Mii a nùuni yele na kútiiw kéele na, mii a séera kpéʔele kelekele dɛ̀ɛ́bèle ní kanɔnʔɔbyebèle kánma na, ní bele be jànvaaw kàliya kɛ̀ɛ́ lè, ní bele be fǎngi gbàngí sàra-na-falipyeo, ní lɔgucaa ní círio na lè, ní wɔ́ɔ i kolomɔ kútiiw nyuu nibɔɔn na, pe si o fɛ̀ɛgí mii na í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Wɔrɔmi ye 2:2

Wolo n gi cán bele be kérigèle bee félege kpéʔele lè, kútiiwee Kolocɔlɔɔ nyuu bele bee kéele na lè, wi i nyɛ kányɛʔɛ be na.

Làlwaw Kaanziin 32:17

Pe i sárigaw wóo màdebèle ma pe lè pe o nyɛ Kolocɔlɔɔ í. Ní kolocɔlɔbèle pèle ma, bele be lè pe ga be cán í. Wovɔnbèle be pan lè, ki ga mɔn í, pe lè yele tóolɛɛbèle da ni be córo í.

Tɛ̀ɛnnɛ 21:8

Kàjáa fyáari fɔ̀ɔlɔ, ní sìndagabèle, ní syɛɛn-nɔ́nʔɔbèle, ní syɛɛnkpoobèle, ní kanɔnʔɔbyebèle, ní dɛ̀ɛ́bèle, ní yasunzunbèle, ní jànvaafɔbèle myɛ tɛɛkòrogo a pye naakpɔɔgi ni, gee ni dìrigíw sóori lè, gee bee gi nyɛ kùu siin wów.»

Tɛ̀ɛnnɛ 22:15

Bele si be kòro lè kàfugi na, poro be nyɛ pɔ́nbèle, ní dɛ̀ɛ́bèle, ní kanɔnʔɔbyebèle, ní syɛɛnkpoobèle, ní yasunzunbèle ní, n fàra bele myɛ na jànvaaw dɛ́nɛ lè, a be i finɛ.

Jàbɔbèle 5:8

Pe maa kolocɔlɔ-fɔ́nbéle nyɛ́nɛ n wòlo. Lǎli bee ni a kapɛɛnni pye kpàánweegèle na, tunmɔzige-yariga wàlá tàbaa da nyaa wàa ma syɛ̀ɛnnɛ sirakamayɛ siin nínge ni Isirayɛli ni í.