Zyeremii 7:8 - Cebaara Bible 2010

⁸ Kàjáa wéle, yele n yeyɛɛ daʔa jànvaa syɛ́ɛnrɛ na, dee di lè ti o yafyɛn nyɔɔgi í.

Zyeremii 7:8 Iomraidhean Croise

Ezayi 28:15

Yele i gi nyuu níì jo: «Wolo n joogaanna kpéʔele ní kùúw ní, wolo n joobɛɛlɛ kpéʔele ní kúbèle tɛɛkòrogo ní. Gàlagíw wɔʔɔgbɔʔɔ ga ni sɔ̀lɔ́ lǎli ni lè, ki a nan wolo na í, níì cán jànvaaw i nyɛ wolo tɛɛlaraga, námaraw n wolo tɔ́n.»

Ezayi 30:10

Pe i gi nyuu kanyaabèle ma níì jo: «Ye a kɔ́ ra nyaagi í.» Ni gi nyuu kanyaajoobèle ma níì jo: «Ye a kɔ́ ra kányɛɛgi nyaagi bàā nyuu wolo ma í. Yaa fáanaga syɛ́ɛnrɛ nyuu wolo ma, yaa námara yanyaayi kéele nyuu wolo ma!

Ezayi 59:4

Wàa faala o kútii kúunri ní sínnɛ ní í, wàa faala o jǐn kútii ni kányɛɛgi na í. Pe i peyɛɛ daari gbanzan syɛ́ɛnrɛ na, ní i jànvaa syɛ́ɛnrɛ nyuu, pe i yèré fǎngi gbànna fícɛnnɛ na, ní i sìnzinmi sii.

Zyeremii 13:25

Wéle, gee bee ki a ba pye mɔ na, lɛɛli mii tímana bi ba kaan mɔ ma lè, loro lii,» Yawe wi jo nya, «níì cán mɔ n fɛ̀ʔɛ mii na, níì mɔ sɔngumi taʔa jànvaa yáriga na.

Zyeremii 23:26

Làla jòorí ki a pye kanyaajoobèle bee fúnyo ni bi kòro bàā jànvaa kanyaajooro kpéʔele bàā be fúnyi námara kanyaajooro kpéʔele?

Zyeremii 23:32

«Mii i cáan ní bele ní pe jànvaa ŋúnɔyi kanyaajooro kpéʔele lè, poro bele be yi nyuu ni tèé lè ní i mii syɛ́ɛnbèle pùuní ní be jànvaaw, ní be nɛ̀ɛgbɔʔɔgi syɛ́ɛnrɛ ní,» Yawe wi jo nya. «Mii na, mii ban wi be tun í. Mii ga yafyɛn joo n gbàn be ma í, pe o nyɛ bi gbǎn yafyɛn nyɔɔ syɛ́ɛnbèle naa na í,» Yawe wi jo nya.

Zyeremii 28:15

A kanyaajoow Zyeremii kanyaajoow Hananya pye: «Ki n yɛlɛ mi lóʔo, Hananya! Yawe ga mɔ tun í, á mɔ gi yaʔa a syɛ́ɛnbèle naa be sɔ̀ngumi taʔa jànvaaw na.

Zyeremii 4:10

A mii jo: «Ee! Kàfɔw Yawe! Mɔ n tɔ̀nɔ n dígi syɛ́ɛnbèle naa, ní Zyerusalɛmi ni, àmɛɛ mɔ da gi joo lè níì jo: ‹Yele a yɛɛ̀nyingi taa!› A ŋɔséew baa nan fwɔɔ wolo sìíw na.»

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Zyeremii 7:4

Yele a kɔ́ yeyɛɛ daʔa jànvaa syɛ́ɛnrɛ na í si jo: Nɛɛ naa Yawe kpɔ̀ʔɔrɔli kpaʔa nyɛ, Yawe kpɔ̀ʔɔrɔli kpaʔa! Yawe kpɔ̀ʔɔrɔli kpaʔa!

Zyeremii 8:10

Koro na mii a be cébèle kaan pèle nikwɔɔlɔ ma, si be séyi kaan bele má pe a yi nɛnɛ syɔɔ be ma lè. Níì cán n séli wobiigèle na n sáà nan wogbolobèle na, pe myɛ i nyɛ tɔ̀nɔcaari kurugo. N séli kanyaajoobèle na n sáà nan be sáriga-wòlobèle na, pe myɛ i námaraw kpéʔele.