Zyeremii 7:7 - Cebaara Bible 2010

⁷ lǎli bee ni mii a yele yaʔa yele í kòro tɛ́ɛgi naa ni, tári ni, dee mii kaan yele tóolɛɛbèle ma lè di pye be worò làla o làla kwɔ́ɔmɔ fun.

Zyeremii 7:7 Iomraidhean Croise

2 Cányi kèlē 33:8

Mii a ní Isirayɛli ye yirige tásaligi ni í, gee mii kaan yele toolɛɛbèle ma lè, pe ga tɛ́nɛ̀ gi sámaga n cò bàā gi kpéʔele gee myɛ mii joo n gbàn be ma lè n yɛlɛ ní làlwaw myɛ, ní làlwaw kèlē, ní kajoodɛɛngèle ní be taa Mowizi ma lè.»

Yirile 22:22

Mɔ ga ni be wɔʔɔ, á be yákpogèle wáa mii kurugo, mii a tɔ̀nɔ́ be yákpowáari lóʔo.

Ezayi 1:19

Yele ga gi kɔ̀rirɔ n tímana ni lúro, yele a ra tári yacanra líi.

Zyeremii 25:5

Pe maa ni gi nyuu níì jo: «Ye myɛ nibin nibin n yɛlɛ bi láʔa yele kóbeeyi na, ní yele nàʔabeemi na, yele si kòro tári ni, dee Yawe kaan yele ma, ní yele tóolɛɛbèle ma lè, di kòro yele wóro làla o làla kwɔ́ɔmɔ fun.

Zyeremii 26:13

Tɔ́ɔliw ni, ye yele kóloyi, ní yele nàʔaganmi fàli, ye Yawe jóomi lóʔo wi lè yele Kolocɔlɔw. Yawe a wi sɔ̀ngumi láʔa kapeegi na, gee wi joo yele kéeli na lè.

Zyeremii 3:18

Cányi bee ni Zyuda kpáagi ní Isirayɛli kpáagi wòolo a pínɛ da táanri, pe a pínɛ yìri solomɔkulo tári ma bi pan táree má mii kaan yele tóolɛɛbèle ma lè kɔrigɔ.

Zyeremii 35:15

Mii n mii falipyebèle myɛ tun yele ma, pe lè kanyaajoobèle, mii n be tun yele ma sìnyére ni pe ba gi joo yele ma si jo: Yele myɛ nibin nibin n yɛlɛ bi láʔa yele kobeeyi na sáā maa. Ye yele nàʔami fàli, yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, ye kòro kánmi bee na tári ni mii kaan yele ma lè, ní yele tóolɛɛbèle ma lè wɔ́ɔgēle. Kàjáa yele ga líiyi cáan í, yele ga lóʔo mii ma í.

Zyeremii 4:1

Yawe n jo: «Isirayɛli, mɔ ga lúru ni maa, mii má gi yɛlɛ mɔ í lúru pan. Mɔ ga mɔ yanɔnʔɔyi láa n núngo yaà mii yɛ́ʔɛ ma, mɔ si ní o curugu ni máari í,

Sofonii 3:7

Mii maa ni gi nyuu níì jo: Mɔ mi tɛ́nɛ maa fɛ̀ɛgí mii na, mí fɔ̀lɔ kpúmɔn-mí-kàrigali na! Kánmi bee na kérigèle myɛ mii tɛ́ʔɛ n wi sàmi lè, mii màko a dée pye bi wi kálagi í. Kàjáa a be sèʔê tɔlɔyɔ wári be kálagimi kapyere kurugo.

Làlwaw Kaanziin 4:40

Wi làlwaw kèlē, ní wi kajoodɛɛngèle mii nyuu mɔ ma lè gele níjanʔa, ge kɔn koro ga pye mɔ ní mɔ yodaʔayi í fundaanra taa, mɔ siiw canya si nɛʔɛ tásaligi na, gee Yawe mɔ Kolocɔlɔw kaan mɔ ma lè gi pye mɔ wóʔo làla o làla.»