Zyeremii 7:6 - Cebaara Bible 2010

⁶ yele ga pye yele o fǎngi gbàngí nibɔnw ní círiw, ní lɔgucew na í, yele ga pye yele o tɛɛlɛ fun sìsyaanw ŋuu tɛ́ɛgi naa ni í, yele ga pye yele ga yeyɛɛ daʔa kolocɔlɔbèle pèle nikwɔɔlɔ na í, n wɔʔɔgɔ caa n kaan yeyɛɛ ma í,

Zyeremii 7:6 Iomraidhean Croise

2 Fànʔafɔbèle 21:6

A wi wi jáaw kaan a be sórigo sáriga náagi ni. A wi i cɛ́lɛ ní i dɛ̀ɛ́mi kèlē kpéʔele, níì syɛ́ɛnbèle pèle télege poro i kúbèle yíbe ní i nyɛ̀ʔɛna kérigèle nyaagi ni nyuu. Gee gi pee Yawe nyɛ́nɛ na lè a wi i koro kpéʔele n baa sɔ̀lɔ n tɔ̀nɔ n wi fúngi tanʔa.

2 Fànʔafɔbèle 24:4

Ní tɛɛlɛ fun sìsyaanw kéele na wɔ́ɔgēle, wee Manase da wo lè, tɛɛlɛ fun sìsyaanw wi da tɛ́ʔɛ n Zyerusalɛmi nyìn lè. Yawe ga fɔ̀lɔ n kùsulugi syɔɔ í.

Ŋúnuyi 106:38

Pe n tɛɛlɛ fun sìsyaanw wo, wi lè pe nanbiigèle ní be calipiigèle sìsyaan, pe n ge wòlo sáriga Kanaan syɛ́ɛnbèle yasunyo ma, a sìsyaanw tári nɔ́nʔɔ.

Kàseegèle 23:10

Mɔ a kɔ́ láʔago-lɛ́ɛgi kàriga í, mɔ si a kɔ́ jée círibèle séʔe ni í.

Ezayi 59:7

Pe tɔ́lɔyi i fé ni syée kapeebyeri kurugo, pe fúnyi n wári tɛɛlɛ fun sìsyaanw wolo kurugo. Pe sɔ̀nguri i nyɛ sìnzinmɛ sɔngurɔ, kálagili ní nyáʔamini i nyɛ be kóloyi ni.

Zyeremii 13:10

Syɛɛnfelegi bee gi pee lè nya, koro gee gi mii syɛ́ɛnri lóʔolo cée lè, gee gi taʔa gi fungbangi kasɔngurɔ na lè, níì kiyɛɛ bwɔɔ kolocɔlɔbèle pèle nikwɔɔlɔ na ni báara be ma, ní i tíri ni tuun be yɛʔɛ̀ ma, ki a pye àmɛɛ sɛntiiriw naa nyɛ lè, wee wi lè wi a ní gbǎn yafyɛn nyɔɔ í.

Zyeremii 19:4

Níì cán pe n mii yaʔa, pe n tɛ́ɛgi naa kàriga tɛɛgaa gee ni syɔɔn pùuní lè. Pe i nùndaanni yáriga kaangi kolocɔlɔbèle pèle nikwɔɔlɔ ma gi ni, bele be lè pe tiimaw, ní be toolɛɛbèle, ní Zyuda fànʔafɔbèle da be cán í. Pe n tɛɛlɛ fun syɛ́ɛnbèle sìsyaan tɛ́ʔɛ n tɛ́ɛgi naa nyìn.

Zyeremii 2:30

Mii n yele jáabèle kpúmɔn koro ga yafyɛn nyɔɔ í. Pe ga fɔ̀lɔ tamani na í. Yele ŋɔséew n yele kanyaajoobèle lìi, àmɛɛ càaraɔ nyɛ wee wi gàlagí kpéʔele lè.

Zyeremii 2:34

Tɛɛlɛ fun foomɔfɔbèle sìsyaan n nyaa mɔ buronyɔɔw na n gi yaʔa mɔ ga be cò kàyuugo na í.

Zyeremii 26:15

Gee si gi nyɛ gi ni lè, koro gi nyɛ ki n tɔ̀nɔ n yɛlɛ ye gi cán yele ga mii kpóo, yele n tɛɛlɛ fun sìsyaan kapeele túgoro taʔa yele, ní kěgi naa, ní gi syɛ́ɛnbèle na. Níì cán kányɛʔɛ na Yawe wi mii tun yele ma mii í ba syɛ́ɛnri naa myɛ joo bi le yele líiweegèle ni.»

Zyeremii 26:23

A be sáà Uriyahu cò n yirige Ezyipiti ni n pan ní wi ní fànʔafɔw Yehoyakimi ma, a wi baa wi kpúmɔn n kpóo ní ŋɔséew ní, níì wi kúceri wáa syɛ́ɛnmi nyangbaa ni.

Zyeremii 35:15

Mii n mii falipyebèle myɛ tun yele ma, pe lè kanyaajoobèle, mii n be tun yele ma sìnyére ni pe ba gi joo yele ma si jo: Yele myɛ nibin nibin n yɛlɛ bi láʔa yele kobeeyi na sáā maa. Ye yele nàʔami fàli, yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, ye kòro kánmi bee na tári ni mii kaan yele ma lè, ní yele tóolɛɛbèle ma lè wɔ́ɔgēle. Kàjáa yele ga líiyi cáan í, yele ga lóʔo mii ma í.

Zyeremii 5:28

Pe n sìnmɛ le, pe yɛ́ɛyi i daragi, pe kapeeyi n sɔ̀lɔ gi tɛɛ̀yéregi na. Pe o kútii nyuu kányɛɛgi na í, pe o círio kútii nyuu kányɛɛgi na jàngó wi tànʔa taa í. Pe o foomɔfɔbèle kútii nyuu kányɛɛgi na í.

Zyeremii 7:5

Yele ga yele kóloyi, ní yele nàʔami fàli kányɛʔɛ na, yele ga ni síngi yeyɛɛ ma kányɛʔɛ na,

Zyeremii 7:9

Nyàʔá! Yele i yúu ní wɔ́ɔ i syɛ́ɛnbèle kúu, ní i nyɛ kanɔnʔɔbyebèlē, ní i jànvaa kàliyi kɛ̀ɛ́, ní i nùndaanni yáriga sórogi Baali ma, níì yeyɛɛ daʔa kolocɔlɔbèle pèle nikwɔɔlɔ na, bele be lè yele ga be cán í!

Kayaagi Nyɛnigɛ 4:13

Koro n pye wi kanyaajoobèle kapeegéle kéele na, ní wi sáriga-wòlobèle kolomɔ kéele na, poro bele be syɛɛnsinbèle sìsyaan wo wi fúngi ni lè.

Ezekyɛli 18:6

wee wi lè wi o líi nyanbeleyi na í, wi si o wi nyapiigèle yìrigí ni Isirayɛli kpáagi wòolo yasunyo wéle í, wi si o wi syɛɛnnyɛnnɛ cɔ́ɔ yúu í, wi si o nùuní cɔlɔɔ na wi lòweligi nɔ́nʔɔrɔ lala ni í,

Ezekyɛli 22:7

Pe i tofɔbèle ní nafɔbèle faari mɔ ni. Pe i nibɔɔn wɔʔɔ ní fungbanga ní mɔ níngi ni. Pe i círio, ní lɔgucaa nɔ̀ʔɔrɔ́ ni líi mɔ ni.

Levii ye sáriga-wòlori 19:33

Nibɔɔn ga baa tɛ́ɛn ní yele ní yele tári ni, yele a kɔ́ ra wi nɔ̀ʔɔrɔ́ í.

Levii ye sáriga-wòlori 25:17

Yele wàa faala a kɔ́ wi felegefɔ-nyɛ́nnɛ nɔ̀ʔɔrɔ í. Ki si n yɛlɛ mɔ í da fɛ̀ɛgí mɔ Kolocɔlɔw na. Mii wi nyɛ Yawe yele Kolocɔlɔw.

Malasyii 3:5

«Mii a nùuni yele na kútiiw kéele na, mii a séera kpéʔele kelekele dɛ̀ɛ́bèle ní kanɔnʔɔbyebèle kánma na, ní bele be jànvaaw kàliya kɛ̀ɛ́ lè, ní bele be fǎngi gbàngí sàra-na-falipyeo, ní lɔgucaa ní círio na lè, ní wɔ́ɔ i kolomɔ kútiiw nyuu nibɔɔn na, pe si o fɛ̀ɛgí mii na í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 27:25

A syɛ́ɛnbèle myɛ gi joo wi ma níì jo: «Wi sìsyaanw yàkɛɛ n yɛlɛ wi kòro wolo ní wolo pìíbèle na.»

Matye 27:4

níì jo: «Mii n kapeele pye, níì cán mii n tɛɛlɛ fun sìsyaan le yele kɔ́yi ni.» A be wi yari: «Wolo nyàʔá gi nyɛ gee bee ni? Mɔ kéele li loro.»

Làlwaw Kaanziin 11:28

Yele si ga pye yele o Yawe yele Kolocɔlɔw kajoodɛɛngēle lúro í, kólogee kéele mii joo n gbàn yele ma lè níjanʔa, yele ga wàli n yiri gi ni n taʔa kolocɔlɔbèle pèle nikwɔɔlɔ na, bele be lè yele da be cán í, koro gi nyɛ dángaw.

Làlwaw Kaanziin 24:17

«Mɔ a kɔ́ nibɔɔn wàlá círio kútii kálagi í. Mɔ a kɔ́ lɔgucaa búrogo syɔɔ wi ma bi tɛ́ʔɛ fwɔɔlɔ lariga ni í.

Làlwaw Kaanziin 27:19

‹Wee wi ga nibɔɔn wàlá círio, wàlá lɔgucaa kútii kálagi lè, ki n yɛlɛ wi dánga!› Syɛ́ɛnbèle myɛ a gi joo si jo: Amiina!

Làlwaw Kaanziin 8:19

Mɔ si ga tɔ̀nɔ n fɛ̀ʔɛ Yawe mɔ Kolocɔlɔw na, níì miyɛɛ daʔa kolocɔlɔbèle pèle nikwɔɔlɔ na ni báara poro ma, ní i kpùmɔnɔ́ pe yɛʔɛ̀ ma, mii a gi joo fílige yele ma níjanʔa si yele pye, yele a tɔ̀nɔ́ kwɔ́ɔ yiri yaà.

Zyaki 1:27

Wee wi Kolocɔlɔɔ kólogi táanri ni síngi lè kolomɔ fun wolo Tóow Kolocɔlɔɔ ma, woro wi nyɛ wee wi syée lè n sa ni círibèle ní lɔgucebèle wéle ní i be dɛ̀ɛmɛ́ pe fɔ̀rɔyi kèlē na, ní wɔ́ɔ i wiyɛɛ kɔ̀rɔsíi péemi kèlē na ge nyɛ lè dulunyanw ni.