Zyeremii 7:34 - Cebaara Bible 2010

³⁴ Mii a mugurumi, ní fundaanri ŋúnuyo, ní cefɔɔn fɔ́lɔ, ní cefɔnw ŋúnuyo kwɔ́ɔ Zyuda kěyi, ní Zyerusalɛmi kàlari-kóloyi ni. Níì cán tári a pye kataya.»

Zyeremii 7:34 Iomraidhean Croise

Zyɔbi 3:7

Ɔnhɔ́n, ki n yɛlɛ yébiligi bee í pye sìnzeemɛ wóʔo, fundaanra yákpolo a kɔ́ pye gi ni í.

Ŋúnuyi 78:63

Naà n be nìgɔcaribèle sórigo mɛ́nɛ mɛ́nɛ, cèpɔrigɔ ŋúnugo ga níì lóʔo be pìcaabèle kéele na í.

Ezayi 1:7

Yele tári n kòro syɔɔn fun, naà n yele kěyi sórigo. Nibɔɔnnɔ i yele tári yafálara líi yele nyɛ́nɛ na. Wɔʔɔlɔ lii, àmɛɛ gàlagí nyɛ, wee nibɔɔnnɔ kpéʔele lè.

Ezayi 3:26

Siyɔn kpàánweegèle a ra cɛ́ɛn si pye kùu káyaʔa na. Wi wowaaw a tɛ́ɛn tári na.

Ezayi 6:11

A mii jo: «Fwɔɔ bi ba nan làlìí na Kàfɔw?» A wi mii yari: «Fwɔɔ bi taa kěyi í ba kálagi bi pye syɛɛnnɛ fun, kpáayi í pye syɛ̀ɛnnɛ fun, tári í kálagi péw.

Zyeremii 16:9

Níì cán Nyɛ̀ʔɛni Sùlasiibéle Kafɔlɔ Yawe wi lè Isirayɛli Kolocɔlɔw, woro wi syɛ́ɛnri naa joo níì jo: ‹Wéle! Mii a mugurumi ŋúnuyo, ní fundaanri ŋúnuyo, ní cefɔnw fɔ́lɔ, ní cefɔnw ŋúnuyo ceri tɛ́ɛgi naa ni, yele nyɛ́nɛ na ní yele lǎli ni.›

Zyeremii 22:6

Níì cán Yawe wi syɛ́ɛnri naa joo Zyuda fànʔafɔw kpaʔa kéele na níì jo: «Mɔ i nyɛ mii ma àmɛɛ Galaadi nyɛ lè, ní àmɛɛ Liban ǹjogi nyɛ lè. Kàjáa mii si a tɔ̀nɔ́ mɔ pye fìimɛ tára, ní syɛ̀ɛnnɛ fun keye.

Zyeremii 25:10

Mii a mugurumi ŋúnuyo, ní fundaanri ŋúnuyo, ní nìyiliw ŋúnuyo ní pìcaaw ŋúnuyo kwɔ́ɔ yirige be níngi ni, n fàra tíreyi kàfulogo ní fètinni gbɛ̀ɛnmɛ na.

Zyeremii 27:17

Yele a kɔ́ lóʔo be ma í, yaa báara Babilɔni fànʔafɔw ma, yele a kòro sìi na. Nyàʔá na gi yɛlɛ kěgi naa í ba kàri kataʔa?›

Zyeremii 33:10

Yawe wi syɛ́ɛnri naa joo níì jo: ‹Tɛ́ɛgee kéele na yele gi nyuu lè níì jo: Ki i nyɛ gurubɛɛrɛ syɛ̀ɛnnɛ ní o nyɛ gi ni í, yaweere ní o nyɛ gi ni í, Zyuda kěyi, ní Zyerusalɛmi kàlari-kóloyi ni, yi nyɛ lè wowaaya ní, nànbēle fun ni, syɛ̀ɛnnɛ ní yaweere ní o yaà í, pe a ní da gee naa lúro gi ni,

Zyeremii 33:11

koro gi nyɛ bariga kaanni ŋúnuyo, ní fundaanri ŋúnuyo, ní nìyiliw ŋúnuyo, ní pìcaaw ŋúnuyo, ní bele ŋúnuyo, bele be gi nyuu lè níì jo: Yaa Yawe sòoló, wi lè Nyɛ̀ʔɛni Sùlasiibéle Kafɔlɔ, níì cán Yawe n nyɔɔ, níì cán wi funjǎngi a tée kwɔ́ɔ í. Ní bele be bariga kaanni sáriga wóo lè, poro ŋúnuyi Yawe kpáagi ni. Níì cán tári wòolo be cò n kári lè, mii a be lúrugo pan, pe a ba pye àmɛɛ ki da pye lè booma ni,› Yawe wi jo nya.

Zyeremii 4:26

A mii i wéle, n gi nyaa a tíiri séye kàri fìimɛ tára, a di kěyi myɛ kálagi Yawe yɛ́ʔɛ ma, wi fundanʔari káfugbanga yɛ́ʔɛ ma.

Zyeremii 4:27

Níì cán Yawe n jo: «Tári myɛ a kálagi, kàjáa mii a di kálagi kwɔ́ɔ péw í.

Zyeremii 44:6

Lǎli bee ni a mii fundanʔagbɔɔri, ní mii fundanʔari Zyuda kěyi, ní Zyerusalɛmi kàlari-kóloyi tɔ́n, níì cò naà yi na, yafyɛn ga níì kòro yi ni kapye gurubɛɛtooro ní nyáʔamina ban í, àmɛɛ wo gi nyaagi lè níjanʔa.›

Kayaagi Nyɛnigɛ 5:14

Wolɛɛbèle n kpàánweeli yaʔa, nìgɔcaribèle n be ŋúnuyi yaʔa.

Ezekyɛli 26:13

Mii a mɔ ŋúnuyi ŋùumɔ kàfulogo kwɔ́ɔ, syɔɔn a ní mɔ kɔríbèle kpúmɔnmɔ lóʔo í.

Ezekyɛli 7:11

Tanʔari n yìri n pye sàbinnɛ péemi ma, yafyɛn ga níì kòro be ma í, pe nɛʔɛmɛ kafulogo a ní pye beè í, pe nɛʔɛmi ní gi myɛ ní wàa a ní kòro be ni í! Pe o nyaan ni peele be kéeli na í!

Oze sɛ́bɛw 2:11

Gee bee na mii a lúru pan ba mii bilew syɔɔ wi lǎli ni, ní mii dùvɛɛnfɔnw, wi lǎli ni, mii a mii bàsiiri, ní mii lɛnw syɔɔ wi na, dee ti da ni wi níboriw tɔ́ngi lè.

Oze sɛ́bɛw 2:13

Mii a wi fundaanri myɛ kwɔ́ɔ, ní wi fɛ́tiibèle, ní wi yevɔnyi, ní wi cândɛnɛyi, ní wi kpóʔorojǎngèle myɛ ní.

Levii ye sáriga-wòlori 26:33

Mii a yele cariga bi tórigo syɛɛnfeleyi nínge ni, si ŋɔséew kɔ́n bi taʔa yele na. Yele tári a kòro wowaara ní. Yele kèkpoloyi a kòro kataya.

Misye 7:13

Tári a kálagi di syɛ́ɛnbèle kéele na, koro a pye be kapyegèle tɔ̀nɔ kéele na.

Tɛ̀ɛnnɛ 18:23

fètinnɛ gbɛ̀ɛnmɛ a ní pye mɔ ni nyáana í, pe a ní cefɔɔn fɔ́lɔ, wàlá cefɔɔn yákpolo lóʔo mɔ ni nyáana í. Níì cán mɔ jagiwáabèle maa pye dulunyanw syɛɛnkpolobéle, mɔ maa ni syɛɛnfeleyi myɛ fáana ni pùuní ní mɔ dɛɛgi ní.»