Zyeremii 7:30 - Cebaara Bible 2010

³⁰ Níì cán Zyuda syɛ́ɛnbèle n gi kpéʔele, gee gi pee mii nyɛ́nɛ na lè, Yawe wi jo nya. Pe n be yanɔnʔɔyi tɛ́ʔɛ kpáagi ni, gee na mii mɛ́ɛgi nyɛ lè, koro ga pye bi gi nɔ́nʔɔ.

Zyeremii 7:30 Iomraidhean Croise

2 Fànʔafɔbèle 21:3

Sáriga-wòlo-tɛ́ɛyi wi tóow Ezekyasi da kwɔ́ɔ n yirige yaà lè, a wi níì yee bee faan, níì sáriga-wòlo-yafaanya faan Baali ma, ní wɔ́ɔ̀ Asyera tiikórigo sámaga àmɛɛ Isirayɛli fànʔafɔw Akabi da gi kpéʔele lè. A wi i nyɛ̀ʔɛni ŋɔripiigéle myɛ kpɔ̀ʔɔrɔ́, ní i báara ge ma.

2 Fànʔafɔbèle 21:4

A wi sáriga-wòlo-yafaanya faan Yawe kpáagi ni, bi gi taa Yawe maa jo: «Zyerusalɛmi ni mii a mii mɛ́ɛgi yaʔa gi pye.»

2 Fànʔafɔbèle 21:7

Asyera yasungi wi da sámaga lè, a wi gi tɛ́ʔɛ kpáagi ni koro gee kéele na Yawe da gi joo Davidi, ní wi jáaw Salomɔn ma lè níì jo: «Mii mɛ́ɛgi a pye kpáagi naa, ní Zyerusalɛmi na làla o làla, tɛ́ɛgi bee mii nyɛ́nɛ n wòlo lè Isirayɛli syɛɛnfeleyi myɛ nínge ni.

2 Fànʔafɔbèle 23:12

Sáriga-wòlo-yafaanyee Zyuda fànʔafɔbèle da faan Akazi kpaataʔagi ǹjoʔo ni lè n fàra sáriga-wòlo-yafaanyee na Manase da faan Yawe kpáagi kadàagēle siin na lè, a fànʔafɔw yee bee kpúmɔn n cáan. A wi ga yi tɔ́nʔɔnɔ, a wi yi poomiigi koli n núngo yaà, n sáà wáa Sedurɔn jǐnlɔgi ni.

2 Cányi kèlē 33:15

A wi kolocɔlɔ-nibɔnbèle yirige yaà Yawe kpáagi ni, ní ǹdedangi ní n fàra sáriga-wòlo-yafaanyee myɛ na wi da faan lè Yawe kpáagi nyanbelege na, ní Zyerusalɛmi ni, a wi sáà di wáa kěgi kàdoʔo ma.

2 Cányi kèlē 33:3

Sáriga-wòlo-tɛ́ɛyi wi tóow Ezekyasi da cáan lè, a wi níì yee bee faan, níì sáriga-wòlo-yafaanya faan n yérige Baalibèle ma, níì Asyera tiikóriyo sámaga. A wi i nyɛ̀ʔɛni ŋɔripiigéle myɛ kpɔ̀ʔɔrɔ́, ní i báara ge ma.

2 Cányi kèlē 33:7

Ndedangee wi da sámaga lè, a wi gi tɛ́ʔɛ Kolocɔlɔɔ kpáagi ni. Bi gi taa Kolocɔlɔɔ maa gi joo Davidi, ní wi jáaw Salomɔn ma níì jo: «Mii mɛ́ɛgi a pye kpáagi naa, ní Zyerusalɛmi na làla o làla, tɛ́ɛgi bee mii nyɛ́nɛ n wòlo lè Isirayɛli syɛɛnfeleyi myɛ nínge ni.

Ezayi 66:4

Koro na bi be yaʔa be fóomi ni mii a wɔ́ɔ ra fundaanra kpéʔele, gee na be fɛ̀ɛgí lè mii a gi yaʔa ki nan be na, níì cán mii n yeri syɔɔn faala ga syɔɔ í, níì cán mii n joo, pe si ga lóʔo í. Fwɔɔ a be gi kpéʔele, gee gi pee mii nyɛ́nɛ na lè, pe n peyɛɛ le gee ni ki mii bɛɛn lè.»

Zyeremii 16:18

Mii a sàra tɛ́ɛyɛ siin kaan be ma gbɛnʔɛnɛ, pe kolomi, ní be kapeeli kéele na, níì cán pe n mii tári nɔ́nʔɔ ní be yasunguuyi ní, pe n mii kɔ́rigi nyìn ní be yanɔnʔɔyi ní.»

Zyeremii 23:11

Kanyaajoobèle ní sáriga-wòlobèle n kálagi. Alí mii n be péemi nyaa mii kpáagi ni,» Yawe wi jo nya.

Zyeremii 32:34

Pe n be yanɔnʔɔyi tɛ́ʔɛ kpáagi ni, gee na mii mɛ́ɛgi nyɛ lè jàngó bi gi nɔ́nʔɔ.

Zyeremii 32:35

Pe n sáriga-wòlo-tɛ́ɛyɛ faan Baali ma Bɛn-Hinɔmi jǐnlɔgi ni, bàā be nànbiigèle ní be calipiigèle kaangi Mɔlɔki ma, gee gi lè mii ban wi da gi joo n gbàn níì jo paa gi kpéʔele í, gi sɔ̀ngurɔ da caà jée mii ni í, pe n yanɔnʔɔgi bee félege kpéʔele n Zyuda lége kapeebyeri ni.

Ezekyɛli 7:20

Pe n be nɛ̀ɛnyɛnɛgi pye pe fèrejǎnri, pe n di tàa pye yariyaa niwiriye, yi lè be yanɔnʔɔyi, ní be kapeekpoloyi. Koro na mii a di tàa kpéʔele be ma yafɔnʔɔyɔ.

Ezekyɛli 8:3

A gi kɔlɔ̀ niwirige sánʔa n mii cò ǹjoogannaa na. A pǐli mii yìrige n pye tári ní nyɛ̀ʔɛni nínge ni, níì kári ní mii ní yanyaaya ni, yee yi yìri Kolocɔlɔɔ ma lè, Zyerusalɛmi ma, fungo ma kpàánweeli ma, solomɔkulo kàbangi na, beè yejaagi yasungo nyɛ lè, gee gi yejaagi wáa Yawe na lè.

Danyɛli 11:31

Wi a sùlasiibéle kabiya tórigo pe sa tɛɛcàn-nìrigi nɔ́nʔɔ. Pe a canʔa o canʔa sárigaw kéele sàa, si kálagili kapeekpɔʔɔ sámaga yérige.

Danyɛli 9:27

Li si a bànzaa joogaanna kpéʔele ní syɛɛnnɛʔɛmɛ ní fwɔɔ bi sa nan cégboolo nibin na. Cégbooli tíla kwɔ́ɔlɔ kadoʔo ma, li a sárigaw wòlolo ní yakaanyi kéele yérige. Kálagifɔlɔ a kapeekpoloyo kpéʔele bi sa nan ki dǎnw na, fwɔɔ bi taa kálagili ní kakɔrirɔli í ba too kálagifɔw tiimaa na.»