Zyeremii 7:3 - Cebaara Bible 2010

³ Nyɛ̀ʔɛni Sùlasiibéle Kafɔlɔ Yawe wi lè Isirayɛli Kolocɔlɔw, woro wi syɛ́ɛnri naa joo níì jo: Ye yele kóloyi, ní yele nàʔami fàli, mii si yele yaʔa yele í kòro tɛ́ɛgi naa ni.

Zyeremii 7:3 Iomraidhean Croise

2 Fànʔafɔbèle 17:13

Yawe maa wi kanyaajoobèle myɛ, ní kanyaabèle myɛ tun a be Isirayɛli ye ní Zyuda ye sàmi níì jo: «Ye láʔa yele kobeeyi na yé mii tundunri ní mii kajoogèle sámaga ye cò, yaa gi kpéʔele téw bi yɛlɛ ní làlwaw ní mii joo n gbàn yele tóolɛɛbèle ma lè, ní wɔ́ɔ̀ wi tórigo yele ma mii falipyebèle báriga ni pe lè kanyaajoobèle.»

Ɛsidirasi 10:11

Tɔ́ɔliw ni ki n yɛlɛ ye yére yele kapeegèle ni Yawe yele tóolɛɛbèle Kolocɔlɔɔ yɛ́ʔɛ ma, ye wi nyɛnɛ kéeli kpéʔele. Ye yeyɛɛ wàli ye láʔa tári syɛɛnfeleye, ní syɛɛnfeleyi càbala na.»

Kàseegèle 28:13

Wee wi wi kolomi kèlē làragí lè, wi kérigèle o nyɔɔgi í. Kàjáa wee wi ge nyuu ni tèé lè, ní i láari ge na, nyinimɛ i taagi wi na.

Ezayi 55:7

Syɛɛnpeew n yɛlɛ wi wi kólogi yaʔa, syɛɛnnaa-sìnzinw n yɛlɛ wi wi sɔ̀ngubeeri yaʔa, wi lúru Yawe ma, woro wee wi a nyinimɛ taa wi na lè, wi lúru wolo Kolocɔlɔw ma, woro wee wi kùsulugi syoo lè saʔa.

Zyeremii 17:25

lǎli bee ni fànʔafɔbèle, ní fànʔafɔbiigèle a ra lúru wòtorobéle, ní syɔɔnyɔ na baa jǐn kěgi naa kpàánweegéle ni, poro bele be tɛ́ɛn Davidi fàngoli na lè, poro ní be fànʔafɔbiigèle, ní Zyuda nǎnbèle, ní Zyerusalɛmi ye. Syɛ̀ɛnnɛ a pye kěgi naa ni làla o làla.

Zyeremii 18:11

Ki joo tɔ́ɔliw ni Zyuda nǎnbèle, ní Zyerusalɛmi ye ma, mí be pye: ‹Yawe wi syɛ́ɛnri naa joo níì jo: Wéle, mii i wɔʔɔgɔ sámagi yele kánmi na, mii i yele kálagila kéele tímana. Ki n yɛlɛ ye myɛ nibin nibin í láʔa ye kóbeeyi na. Ye yele kóloyi ní yele nàʔami fàli.›

Zyeremii 18:8

kàjáa syɛɛnfelegi bee kéele na mii ga joo lè, ki ga láʔa ki péemi na, lǎli bee ni mii n kàdoʔo wáa kapeegi pyele ma, gee mii da joo mii a kpéʔele gi na lè.

Zyeremii 26:13

Tɔ́ɔliw ni, ye yele kóloyi, ní yele nàʔaganmi fàli, ye Yawe jóomi lóʔo wi lè yele Kolocɔlɔw. Yawe a wi sɔ̀ngumi láʔa kapeegi na, gee wi joo yele kéeli na lè.

Zyeremii 35:15

Mii n mii falipyebèle myɛ tun yele ma, pe lè kanyaajoobèle, mii n be tun yele ma sìnyére ni pe ba gi joo yele ma si jo: Yele myɛ nibin nibin n yɛlɛ bi láʔa yele kobeeyi na sáā maa. Ye yele nàʔami fàli, yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, ye kòro kánmi bee na tári ni mii kaan yele ma lè, ní yele tóolɛɛbèle ma lè wɔ́ɔgēle. Kàjáa yele ga líiyi cáan í, yele ga lóʔo mii ma í.

Zyeremii 35:16

Kányɛʔɛ na Yonadabi wi lè Erekabi jáaw, woro jáabèle n be tóow syɛ́ɛnrɛ cò, dee wi joo n gbàn be ma lè, syɛ́ɛnbèle naa si o lúro mii ma í.›

Zyeremii 4:1

Yawe n jo: «Isirayɛli, mɔ ga lúru ni maa, mii má gi yɛlɛ mɔ í lúru pan. Mɔ ga mɔ yanɔnʔɔyi láa n núngo yaà mii yɛ́ʔɛ ma, mɔ si ní o curugu ni máari í,

Zyeremii 6:16

Yawe wi syɛ́ɛnri naa joo níì jo: «Ye yére kóloyi na, yáā wéle. Ye yíbege kpéʔele kolɛɛyi kéele na. Gìí gi pye kojǎngi? Yaa táanri nya koro ni, yele sìíw si ŋɔ́ndaala taa. Kàjáa pe i syɛɛnlurugori kaangi níì jo: ‹Wolo a tánʔa gi ni í.›

Zyaki 4:8

Ki n yɛlɛ ye nùuni Kolocɔlɔɔ na, wi a wɔ́ɔ nùuni yele na. Yele bele ye nyɛ lè kapeebyebèle, ye yele kɔ́yi jée ye yirige yele kapeegèle ni, yele bele ye nyɛ lè fúnyi siin-ziin fɔɔlɔ, ye yele fúnyi sámaga yi pye funviiye.