Zyeremii 7:26 - Cebaara Bible 2010

²⁶ Kàjáa pe ga lóʔo mii ma í, pe ga líiyi cáan í, pe n be nyùngbaabèle kpee, pe n kapeele pye n sɔ̀lɔ pe toolɛɛbèle na.›

Zyeremii 7:26 Iomraidhean Croise

1 Fànʔafɔbèle 14:22

A Zyuda ye i gi kpéʔele gee gi pee Yawe nyɛ́nɛ na lè. A be wi yejaagi yìrige wi ma n sɔ̀lɔ gee na ki lè pe toolɛɛbèle da gi kpéʔele be kapeegèle báriga ni nyáana í.

1 Fànʔafɔbèle 14:9

Mɔ n kapeele pye n sɔ̀lɔ mɔ yɛ́ʔɛ ma wóbèle myɛ na. Mɔ n kári n sáà kolocɔlɔbèle pèle nikwɔɔlɔ sámaga miyɛɛ ma, ní tunmɔgbalara yasunyo jàngó bi mii fúngi tanʔa gbanʔama, níì mii wáa miyɛɛ kàdoʔo ma!

2 Fànʔafɔbèle 17:14

Kàjáa pe ga fɔ̀lɔ n lóʔo í, fwɔɔ a pe be nyúnyi waʔa àmɛɛ be toolɛɛbèle da pye lè, bele be lè pe da tága Yawe be Kolocɔlɔw na í.

2 Fànʔafɔbèle 17:15

A be wi kajoogèle cée, n fàra joogaanni na, lee wi da kpéʔele ní be toolɛɛbèle ní lè, ní kérigèle gele na wi be sàmi lè. A be peyɛɛ daʔa gbanzan yáriyi na, fwɔɔ n peyɛɛ kàriga n pye gbanzan yáriya. Syɛɛnfeleyee yi be màʔa lè, a be i yee bee tɛ́ɛlɛ, bi gi taa Yawe maa be pye pe a kɔ́ ra syɛɛnfeleyi bee tɛ́ɛlɛ í.

2 Cányi kèlē 30:8

Koro na lǎli naa ni, yele a kɔ́ pye líiweepɛɛnnɛ syɛɛnnɛ àmɛɛ yele tóolɛɛbèle da pye lè í. Ye kɔ́yi kaan Yawe ma. Yáā maa wi tɛɛcǎngi ma wi sámaga n yaʔa lè gi kòro beè làla o làla, ye ba ra jǐn gi ni yaa báara Yawe yele Kolocɔlɔw ma, koro ga pye wi fundanʔari káfugbanga í kàri bi láʔa yele na.

2 Cányi kèlē 33:10

A Yawe joo ní Manase, ní wi syɛ́ɛnbèle ní, kàjáa pe ga gi córo í.

2 Cányi kèlē 33:23

Wi ga wiyɛɛ jɛ́rɛ Yawe yɛ́ʔɛ ma àmɛɛ wi tóow Manase baa wiyɛɛ jɛ́rɛ lè í. Níì cán Amɔn n baa kàa fàra wiyɛɛ kolomi na n sɔ̀lɔ.

Nehemii 9:29

Mɔ n be sàmi jàngó pe ní lúru pan mɔ làlwaw ma, kàjáa a be nɛ̀ɛnyɛnɛgɛ kpéʔele, pe ga fɔ̀lɔ mɔ kajoodɛɛngèle na í. Pe n kapeele pye mɔ làlwaw kajoogéle na, koro gele ge sìi kaangi bele ma pe ge có lè. Pe n bòʔogèle nyɛ́ʔɛ níì céemɛ kpéʔele, pe ga fɔ̀lɔ n lóʔo í.

Kàseegèle 29:1

Syɔɔnwee na be fúlo lè, á wi wi nyúngi waʔa, wi a ba pàlá tɔ́nʔɔnɔ tiinmɛ o gi na í.

Ezayi 48:4

Mii maa gi cán mɔ n gbàn n sɔ̀lɔ, mɔ yátiigi i nyɛ tunmɔganaga, mɔ gbáali si i nyɛ kanyɛɛnrɛ.

Ezayi 5:4

Nyàʔá ki da yɛlɛ mii í ní kpéʔele mii ɛrɛzɛn ségi ma, mii si ga gi kpéʔele gi ma í? Mii sɔ̀ngumi maa pye ɛrɛzɛncàɔn na gi ma, nyàʔá na si gi yasanbeere san?

Zyeremii 11:8

Kàjáa pe ga lóʔo í, pe ga líiyi cáan í. A be myɛ nibin nibin taʔa be funbeeyi kasɔngurɔ na. Lǎli bee ni, a mii si wɔ́ɔ̀ joogaanni naa syɛ́ɛnrɛ myɛ foro be na, loro lee kéele mii da joo n gbàn be ma níì jo paa gi kpéʔele àmɛɛ li jo lè, pe si ga fɔ̀lɔ ni gi kpéʔele àmɛɛ li jo lè í.› »

Zyeremii 16:12

‹Yele si na, yele n ní baa kapeʔe pye n sɔ̀lɔ yele tóolɛɛbèle na. Wéle, yele myɛ nibin nibin n yeyɛɛ daʔa yele péemi zɔ̀ngbaɔn na, yele ga lóʔo mii ma í.

Zyeremii 17:23

Kàjáa pe ga lóʔo í, pe ga líiyi cáan í, fwɔɔ a pe be nyùngbaabèle kpee, jàngó poro a kɔ́ lóʔo si fɔ̀lɔ tamani na í.

Zyeremii 19:15

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyi myɛ kéele mii joo kěgi naa kánma na lè, mii a yi yaʔa yi too gi na, ní kěyee myɛ na, yee yi nyɛ gi taana lè. Níì cán pe n be nyùngbaabèle kpee jàngó poro a kɔ́ mii syɛ́ɛnri lóʔo í.› »

Zyeremii 22:21

Mii n joo ní mɔ ní lǎli ni mɔ pye lè kasɔngunɔ fun ni, a mɔ i gi nyuu níì jo: ‹Mii a lóʔo í.› Koro gi pye mɔ tánʔaganmi, nlaa yaà mɔ cárimi làla ni, mɔ ga téè mii jóomi lóʔo í.

Zyeremii 25:3

Nlaa yaà Amɔn jáaw Zyozyasi fǎngi yɛ̀ʔɛlɛ kɛɛ ní taanri wóli na, wi lè Zyuda fànʔafɔw fwɔɔ n baa nan níjanʔa na, ki yɛ̀ʔɛlɛ toko ní taanri wi wee, àmɛɛ Yawe syɛ́ɛnri nan mii na lè, a mii di joo n taʔala yele ma sìnyére ni yele si ga lóʔo í.

Zyeremii 25:7

kàjáa yele ga lóʔo mii ma í,» Yawe wi jo nya, «koro ga pye bi mii fúngi tanʔa ní yele kɔ́yi fáli ní, jàngó bi wɔʔɔgɔ taʔa yeyɛɛ na.»

Zyeremii 26:5

ní i mii falipyebèle syɛ́ɛnrɛ lúro í, pe lè kanyaajoobèle, poro bele mii tungu yele ma lè, bele mii tungu yele ma lè sìnyére ni, yele si ga lóʔo be ma í,

Zyeremii 29:19

níì cán pe ga mii syɛ́ɛnri lóʔo í,› Yawe wi jo nya. ‹Poro bele má mii mii falipyebèle tun lè, pe lè kanyaajoobèle, poro bele má mii be tun lè sìnyére ni, yele si ga lóʔo í,› Yawe wi jo nya.

Zyeremii 3:13

Ki n yɛlɛ mɔ í tɛ́nɛ mɔ kolomi cán. Ki cán Yawe mɔ Kolocɔlɔw kánma na mɔ céemi kpéʔele. Mɔ n fàn n kári kàbanyi myɛ na nibɔnbèle kurugo, tiipiriyi myɛ láara ni, yele ga téè mii jóomi lóʔo í.› » Yawe wi jo nya.

Zyeremii 32:23

Pe n pan, pe n baa di fáligi taa, kàjáa pe ga mɔ jóomi lóʔo í, pe ga tánʔa n yɛlɛ ní mɔ lalwaw ní í. Gee myɛ mɔ da joo n gbàn be ma níì jo paa gi kpéʔele lè, pe ga gi kpéʔele í. Lǎli bee ni a mɔ wɔʔɔyi bee myɛ cáan be na!

Zyeremii 34:14

Yɛ̀ʔɛlɛ kɔrɔsiin wóli na, syɔɔn o syɔɔn n yɛlɛ yele ni bi wi Heburu-senyɛnnɛ yaʔa waa syée wɔ́rɔɔ, wee wi baa wiyɛɛ pára wi ma lè. Wi a báara mɔ ma yɛ̀ʔɛlɛ kɔrɔni, mɔ si wi yirige mɔ tɛ́ɛgi ni bi yaʔa waa syée wɔ́rɔɔ. Kàjáa yele tóolɛɛbèle ga lóʔo mii ma í, pe ga líiyi cáan mii kàbangi na í.

Zyeremii 35:15

Mii n mii falipyebèle myɛ tun yele ma, pe lè kanyaajoobèle, mii n be tun yele ma sìnyére ni pe ba gi joo yele ma si jo: Yele myɛ nibin nibin n yɛlɛ bi láʔa yele kobeeyi na sáā maa. Ye yele nàʔami fàli, yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, ye kòro kánmi bee na tári ni mii kaan yele ma lè, ní yele tóolɛɛbèle ma lè wɔ́ɔgēle. Kàjáa yele ga líiyi cáan í, yele ga lóʔo mii ma í.

Zyeremii 35:17

Koro na, Yawe wi lè Kolocɔlɔw, wi nyɛ lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyee myɛ kéele mii joo lè Zyuda ye, ní Zyerusalɛmi ye myɛ kánmi na lè, mii a yi yaʔa yi too be na. Níì cán mii n joo ní be ní, pe ga lóʔo í, mii n be yeri, pe ga syɔɔ í.› »

Zyeremii 44:16

«Syɛ́ɛnri mɔ nyuu wolo ma Yawe mɛ́ɛgi na lè, wolo o caa bi di lóʔo í.

Zyeremii 5:3

Kányɛɛgi ban mɔ nyapiigèle caa bi nyaa ì, Yawe? Mɔ n be kpúmɔn, ki ga yafyɛn pye be na í. Mɔ n naà taʔa be na, pe ga fɔ̀lɔ tamani na í. Pe n be yɛ́ɛyi waʔa n sɔ̀lɔ fálaya na, pe ga fɔ̀lɔ n kàri í.

Zyeremii 6:10

Wìí ní mii a joo? Wìí mii a pye séera jàngó be lóʔo? Wéle, pe líiweegèle ga kɛ́nɛ í, pe fanʔa o nyɛ bi gbǎn lóʔo í. Wéle, Yawe syɛ́ɛnri n pye yafaʔala be ma, pe ga kanidaanna faala nyaa di ni í.

Zyeremii 6:17

Mii n kɔ̀rɔsiifɔɔlɔ yìrige yele ma, ye yákirii yaʔa tòmaagi wìimɛ na. Kàjáa pe i syɛɛnlurugori kaangi níì jo: ‹Wolo a yákirii yaʔa í.›

Zyeremii 7:24

Kàjáa pe ga lóʔo í, pe ga líiyi cáan í, fwɔɔ a be peyɛɛ daʔa láliiw, ní be funbeeyi kasɔngurɔ na. Pe n lúru kàdoʔo ma, pe ga kári yɛʔɛ ma í.

Zyeremii 9:13

Fwɔɔ a be taʔa be fungbanyi kasɔngurɔ na, ní Baalibèle na wɔ́ɔgēle, bele be toolɛɛbèle da tɛ̀ɛn be na lè.»

Ezekyɛli 12:2

«Syɔɔn-pya, mɔ i nyɛ wodɛ́ɛɔn ní niceebéle narigbaʔa nínge ni, bele na nyapiigèlē nyɛ lè paa nyaagi, pe si o nyaagi í, bele na líiweegéle nyɛ lè paa lúro, pe si o lúro í. Níì cán niceebéle narigbaʔa gii.

Ezekyɛli 12:3

Mɔ, syɔɔn-pya, ki n yɛlɛ mi yirile túgoro sámaga àmɛɛ wojo-mí-káriɔ wóro nyɛ lè, mí yiri canviitelege ni pe nyɛnɛ na! Núngo tɛ́ɛgi ni mɔ nyɛ lè, maa syée tɛ́ɛgaa nikwɔɔ ma pe nyɛnɛ na, dɔ̀ʔɔ́ pe a gi nyaa bi cán poro i nyɛ niceebéle narigbaʔa.

Ezekyɛli 20:30

Koro na ki joo Isirayɛli kpáagi wòolo ma mí be pye: ‹Kàfɔw Yawe wi syɛ́ɛnri naa joo níì jo: Yele o yeyɛɛ nɔ́ɔnri àmɛɛ yele tóolɛɛbèle nyɛ lè ì, ní wɔ́ɔ̀ yeyɛɛ gbéʔele kanɔnʔɔbyebèlē àmɛɛ yele taʔa pe yanɔnʔɔyi na lè ì?

Danyɛli 9:6

Mɔ falipyebèle be lè kanyaajoobèle, poro bele pe da ni nyuu wolo fànʔafɔbèle, ní wolo kùndigibèle, ní wolo tóolɛɛbèle, ní wolo tári syɛ̀ɛnnɛ myɛ ma mɔ mɛ́ɛgi na lè, wolo ga lóʔo be ma í.

Oze sɛ́bɛw 11:7

Mii syɛ́ɛnbèle n peyɛɛ daʔa námaraw na. Pe i be yiri ǹjoʔo ma, kàjáa pe wàa faala ga yìri í.

Zakarii 7:11

Kàjáa a be cée, pe ga fɔ̀lɔ bi lóʔo í, a be céemɛ fókaannyunyo nyɛ́ʔɛ níì be líiweegèle pɛɛn jàngó poro a kɔ́ lóʔo í.

Malasyii 3:7

Nlaa yaà yele tóolɛɛbèle canya na, yele n láʔa mii làlwaw kèlē na, yele ga ge cò í. Ye lúru mii ma, mii a wɔ́ɔ lúru yele ma.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. A yele si i gi nyuu níì jo: «Mɛ̀ɛ́ wo níì yɛlɛ bi lúru sɛ́ɛ?»

Matye 21:38

A ɛrɛzɛn sefalabèle ga jaafɔw wéle n nyaa wi i maa, a be jo: ‹Wee naa wi nyɛ wi kɔriliiw. Ye tíi wo wi kpóo, kɔ́rigi si kòro wolo wóʔo.›

Matye 23:32

Ki n yɛlɛ ye yele tóolɛɛbèle kapyegèlē foro!

Kapyegèle 7:51

Yele nyùngbowaayi syɛ̀ɛnnɛ, yele bele ye nyɛ lè sìngɛnɛbéle yele fúnyi ni, ní yele líiweegèle kàbaan na, ní wɔ́ɔ i Pìicǎnni kábala làla o làla, àmɛɛ yele tóolɛɛbèle da pye lè, ànbée yele wɔ́ɔ̄ nyɛ.

Wɔrɔmi ye 2:5

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Làlwaw Kaanziin 8:20

Syɛɛnfeleyee Yawe a kwɔ́ɔ yirige yaà yele yɛ́ʔɛ ma lè, yele a kwɔ́ɔ yiri yaà yee bee kwɔ́ɔganma na, níì cán yele ga fɔ̀lɔ n lóʔo Yawe yele Kolocɔlɔw ma í.