Biblia Todo Logo
Bìoball air-loidhne

- Sanasan -




Zyeremii 7:23 - Cebaara Bible 2010

23 Kàjáa syɛ́ɛnree mii joo n gbàn be ma lè toro di nyɛ dee naa, mii n jo: Ye mii jóomi lóʔo, koro ga pye mii í pye yele Kolocɔlɔw, yele si pye mii syɛ́ɛnbèle. Kóloyee ni mii jo yele í da táanri lè, yaa táanri yee bee myɛ ni, jàngó yele í pye dùba pìibēle.

Faic an caibideil Dèan lethbhreac




Zyeremii 7:23
38 Iomraidhean Croise  

Pe ga fɔ̀lɔ ni lúro níì peyɛɛ jɛ́rɛ, pe cányi a foro fundaanri ni, pe yɛ́ɛgèle a foro pe kanidaangèle ni.


Pe tɔ̀nɔ́ o sìnzinmɛ kele kpéʔele í, kàjáa pe i táanri ni yɛlɛgi ní wi kólogi kèlē ní.


Ee Yawe, mii Kolocɔlɔw, kakpoloyi mɔ kpéʔele wolo ma lè, ní kérigèle mɔ tímana wolo nyɔɔmi kéele na lè, ke n nɛʔɛ, yafyɛn a gbǎn tímana ní mɔ ní í. Mii maa ni caa bi joo di kéeli na, bi di kéeli jáari, a di pye ti a gbǎn córo í.


Lǎli bee ni a mii be yaʔa pe i syée be fungbanyi kóloyo ni, a pe i be tiimaa kakɔrirɔgèle kóloyo táanri.


Wi n be pye: «Yele ga ni mii Yawe yele Kolocɔlɔw jóomɔ sámagi ni lúro, ní i gi kpéʔele gee gi sín mii nyɛ́nɛ na lè, níì yele líiyi cáan ni mii kajoodɛɛngèle lúro, níì mii làlwaw kèlē myɛ kɔn ní i ge kpéʔele, yáamee mii cáan Ezyipiti ye na lè, mii a tée bi pàa cáan yele na í. Níì cán mii wi nyɛ Yawe, wee wi yele poori lè.»


A Mowizi jo: «Gee Yawe joo n gbàn lè koro gi nyɛ gee naa, wi n jo: ‹Ki n yɛlɛ mánɛ omɛɛri nyɛ́nnɛ í kɔn bi yaʔa yele nyɛ̀ʔɛna yirigèle wòolo kéele na jàngó yaliiri mii kaan yele ma fìími tára ni, lǎli ni mii yele yirige Ezyipiti tári ni lè, pe ba dee bee nyaa.› »


Ye gi joo yé jo: Syɛɛnsinw i nyɛ dùba pyà, níì cán pe a ba ra wi kapyegèle tɔ̀nɔ líi.


toro dee mii sɛ́bɛ n kaan yele tóolɛɛbèle ma lè lǎli ni mii be yirige lè tunweeli ni, li lè Ezyipiti tári, níì be pye: Ye mii jóomi lóʔo, yáā gi kpéʔele bi yɛlɛ ní gee myɛ ní mii nyuu ni gbàngí yele ma lè.› Lǎli bee ni yele a pye mii syɛ́ɛnbèle, mii si pye yele Kolocɔlɔw.


Níì cán mii maa tɔ̀nɔ n kòro ni yele tóolɛɛbèle sàmí nlaa cángee na mii be yirige Ezyipiti tári ni lè, àlí n baa nan níjanʔa na mii n kòro ni syɛ́ɛnri naa nyuu ni taʔala sìnyére ni, níì jo: Ye mii jóomi lóʔo!


Níì cán àmɛɛ sɛntiiri nyɛ nàɔn sárigéle ni lè, kánmi bee na mii tiimaa da Isirayɛli kpáagi wòolo myɛ ní Zyuda kpáagi wòolo myɛ pwɔɔ niyɛɛ na, Yawe wi jo nya, koro ga pye be pye mii syɛ̀ɛnnɛ, bi pye mii mɛ́ɛgi, ní mii sòololi, ní mii fèreri. Kàjáa pe ga lóʔo í.›


Mii n joo ní mɔ ní lǎli ni mɔ pye lè kasɔngunɔ fun ni, a mɔ i gi nyuu níì jo: ‹Mii a lóʔo í.› Koro gi pye mɔ tánʔaganmi, nlaa yaà mɔ cárimi làla ni, mɔ ga téè mii jóomi lóʔo í.


Yawe wi syɛ́ɛnri naa joo níì jo: Yaa táanri kányɛɛgi, ní sínni na. Wee na be fǎngi gbàn lè, ye wi yirige wi wɔʔɔfɔw kɔ́yɔ ni. Yele a kɔ́ ra nibɔnw ní círiw, ní lɔgucew náari ní fungbanga ní í. Yele a kɔ́ ra peemɛ kpéʔele í, yele a kɔ́ ra tɛɛlɛ fun sìsyaanw ŋuu tɛ́ɛgi naa ni í.


Mii a funyo kaan be ma jàngó pe gi cán bi cán mii wi nyɛ Yawe. Pe a pye mii syɛ́ɛnbèle, mii si pye be Kolocɔlɔw, níì cán pe a lúru pan mii ma ní be fúnyi myɛ ní.


«Kàjáa joogaanni mii a kpéʔele ní Isirayɛli kpáagi wòolo ní lè cányi bee kàdoʔo ma, loro li nyɛ lee naa,» Yawe wi jo nya, «mii a mii làlwaw lége be fúnyi ni, mii a wi sɛ́bɛ pe zɔ̌nbèle na, ki a ní pye kàdɛnɛgɛ kàlagorigēle na í. Mii a pye be Kolocɔlɔw, pé pye mii syɛ́ɛnbèle.


Pe n pan, pe n baa di fáligi taa, kàjáa pe ga mɔ jóomi lóʔo í, pe ga tánʔa n yɛlɛ ní mɔ lalwaw ní í. Gee myɛ mɔ da joo n gbàn be ma níì jo paa gi kpéʔele lè, pe ga gi kpéʔele í. Lǎli bee ni a mɔ wɔʔɔyi bee myɛ cáan be na!


A Zyeremii wi yari: «Pe a mɔ le be kɔ́yi ni í. Ki n yɛlɛ mi Yawe jóomi lóʔo bi yɛlɛ ní gee ní mii nyuu mɔ ma lè, koro ki a pɔ́rɔ mɔ ma, mɔ siiw si syɔɔ.


A gi pye kacànga yoo, kapeʔe yoo, wolo a Yawe wolo Kolocɔlɔw jóomɔ lóʔo, woro wee má wolo mɔ tun lè. Kánmi bee na ki a pye wolo ma fundaanra, àmɛɛ wolo a Yawe wolo Kolocɔlɔw jóomɔ lóʔo lè.»


Ki o joomɔ faala lúro í, ki o fɔ̀lɔ́ kpúmɔn-mí-kàrigala na í, ki o kiyɛɛ daari Yawe na í, ki o nùuní gi Kolocɔlɔw na í.


Bele be léeli lè, poro a pan bi ba ra báara Yawe kpɔ̀ʔɔrɔli kpaʔa faanna na. Yele a gi cán bi cán Yawe wi lè Nyɛ̀ʔɛni Sùlasiibéle Kafɔlɔ, woro wi mii tun yele ma. Yele ga tɔ̀nɔ n kòro ni Yawe yele Kolocɔlɔw jóomɔ lúro, gee bee a kpéʔele.› »


Syɛ́ɛnri bee ban Yawe da joo kanyaajoo-sélibèle ma a be joo ì, lǎli ni syɛ̀ɛnnɛ pye lè wodɛ́ɛnbéle ní Zyerusalɛmi ni, kí i nyɛ sági n fàra gi kěyi na yi gi màʔa lè, á syɛ̀ɛnnɛ wɔ́ɔ̀ pye wòrogulo kàbangi tára, ní tɛɛfiigi ni lè ì?»


ní si baa li tɛ̀ɛn tɔ́ɔliw ni kanyaajoobèle syɛɛnsɛbɛrɛ báriga ni n yɛlɛ ní bàngwɔɔ Kolocɔlɔɔ kajooli ní, koro ga pye syɛɛnfeleyi myɛ í di lóʔo si fɔ̀lɔ́ tága,


n fàra yáriri myɛ na di tiyɛɛ nyɛ́nɛ lè Kolocɔlɔɔ cánni kéele na, ní wɔ́ɔ̀ sɔ̀nguri myɛ jáa ni di kàragí jàngó taa lúro Kirisi ma.


Yele ga ni Yawe yele Kolocɔlɔw kajoodɛɛngēle lúro, gele mii nyuu yele ma lè níjanʔa, koro gi nyɛ dùbaw.


mɔ a kɔ́ kanyaajoow bee wàlá kanyaaw bee syɛ́ɛnrɛ lóʔo í. Níì cán Yawe yele Kolocɔlɔw wi yele sɛʔɛ ní wéle, bi gi cán kapye Yawe yele Kolocɔlɔw kéele n yele dɛ́nɛ yele zɔ̌nbèle myɛ, ní yele fúnyi myɛ ni.


Ye tan Yawe yele Kolocɔlɔw na, yáā fɛ̀ɛgí wi na, yé wi kajoodɛɛngèle myɛ cò, yáā lúro wi ma, woro yele a ra kpɔ̀ʔɔrɔ́, si yeyɛɛ bwɔɔ wi na.


mɔ ga lúru n pan Yawe mɔ Kolocɔlɔw ma, mɔ ga ni lúro wi ma ní mɔ zɔnw myɛ, ní mɔ fúngi myɛ ní, gee bee n jo mɔ ní mɔ jáabèle, n yɛlɛ ní gee myɛ ní mii nyuu ni gbàngí mɔ ma lè níjanʔa,


mí Yawe mɔ Kolocɔlɔw kéele yaʔa li mɔ dɛ́nɛ máā lúro wi ma, mí tan wi na. Níì cán woro wi nyɛ mɔ siiw, wi a mɔ cányi nɛʔɛ, koro ga pye mɔ í tɛ́ɛn tári ni, dee kéele na Yawe kàli mɔ tofɔlɛɛyi Abirahami, ní Izaaki, ní Zyakɔbi ma lè, níì jo woro a di kaan be ma.»


Mɔ si na, mɔ a lúru pan, mɔ a ba ra lúro Yawe ma. Kajoodɛɛngèle mii nyuu mɔ ma lè níjanʔa, mɔ a ba ra ke myɛ kpéʔele.


Sɔ̀ngi mi taa cángi na, gee ni mɔ yére Yawe mɔ Kolocɔlɔw yɛ́ʔɛ ma lè Horebi ma, lǎli ni Yawe mii pye lè: ‹Syɛ́ɛnbèle kpóʔoro mii taana, jàngó mii í gi yaʔa pe mii syɛ́ɛnri lóʔo. Koro ga pye pe gi tama bàā fɛ̀ɛgí mii na làlee myɛ ni pe a kwɔ́ɔ lè sìi na tári na, pé wɔ́ɔ ra be jáabèle tama di na.›


Wi làlwaw kèlē, ní wi kajoodɛɛngèle mii nyuu mɔ ma lè gele níjanʔa, ge kɔn koro ga pye mɔ ní mɔ yodaʔayi í fundaanra taa, mɔ siiw canya si nɛʔɛ tásaligi na, gee Yawe mɔ Kolocɔlɔw kaan mɔ ma lè gi pye mɔ wóʔo làla o làla.»


Da mɔ tóow ní mɔ nɔ́ɔw kpɔ̀ʔɔrɔ́ àmɛɛ Yawe mɔ Kolocɔlɔw gi joo n gbàn mɔ ma lè koro ga pye mɔ siiw canya í nɛʔɛ, mɔ si wɔ́ɔ pye fundaanra na tári ni, dee Yawe mɔ Kolocɔlɔw a kaan mɔ ma lè.


Ee! Ki maa yɛlɛ be fúnyi í dée kòro kánmi naa na làla o làla, paa fɛ̀ɛgí mii na si mii kajoodɛɛngèle myɛ sámaga cò, koro ga pye be kòro fundaanra na kwɔ́ɔmɔ fun, poro ní be pìíbèle ní.


Kólogee kéele Yawe yele Kolocɔlɔw joo n gbàn yele ma lè, yaa gi táanri gi tánʔaganmi na, jàngó yele í kòro sìi na, si pye fundaanra na, si cannɛʔɛyɛ kwɔ́ɔ tári ni, dee yele a taa lè di pye yele wóro.


Koro na di lóʔo Isirayɛli, máā di kɔ̀rɔsíi, mí di sámaga mi cò, jàngó mɔ í kòro fundaanra na, yele sáā nɛʔɛgi gbanʔama tári ni, dee di nyìn nɔ́nɔw ní sárigi na ni fóo lè, àmɛɛ Yawe mɔ tóolɛɛbèle Kolocɔlɔɔ ki nyɔɔfaligi kpéʔele mɔ ma lè.


Amɛɛ si Kolocɔlɔɔ wi sámaga n foro lè, a wi baa pye bàngwɔɔ syɔɔlɔ sábabu bele myɛ ma be lúro wi ma lè.


A Samyɛli jo: «A sáriga-sórigow ní sárigasanw kéele Yawe dɛ́nɛ lé n sɔ̀lɔ Yawe jóomi lóʔolo na? Wéle, lóʔoli n pɔ́rɔ n sɔ̀lɔ sárigaw na. Bi miyɛɛ jɛ́rɛw n pɔ́rɔ n sɔ̀lɔ bàpɔbèle sìnmɛ na.


Lean sinn:

Sanasan


Sanasan