Zyeremii 7:20 - Cebaara Bible 2010

²⁰ Gee bee na Kàfɔw Yawe syɛ́ɛnri naa joo níì jo: ‹Wéle, mii fundanʔari, ní mii fundanʔagbɔɔri a too tɛ́ɛgi naa na, syɛ́ɛnbèle, ní yaweeri, ní sìnbirigi tíire, ní tári yasanra na. Ti a ra có bànvigi ni.›

Zyeremii 7:20 Iomraidhean Croise

2 Fànʔafɔbèle 22:17

Níì cán pe n mii yaʔa ní i nùndaanni yárira sórogi kolocɔlɔbèle pèle nikwɔɔlɔ ma bi mii fúngi tanʔa gbanʔama ní be kɔ́yi kapyegèlē myɛ ní. Mii fundanʔagbɔɔri n cò naà tɛ́ɛgi naa kánma na, ti a fígi í.

Ezayi 10:17

Isirayɛli Gbɛ̀ɛ́nmi a ba kàri naà, wi Wojanw si kàri naanyìnge, gee ki a wi wúuri, ní wi wúuri tiipiiye sórigo kwɔ́ɔ lè canʔa nibin ni.

Ezayi 42:25

A wi si wɔ́ɔ̀ wi fundanʔagbanri sòʔo n wo Isirayɛli na n fàra kapɛɛnni gbànma na. A lee bee cò naà wi na kàbanyi myɛ na, gee bee si ga wi tama yafyɛn na í. A li wi sórigo mɛnɛ mɛnɛ. Wi ga yarigaa sɔ̀ngi gee bee na wi fúngi ni í.

Ezayi 66:24

Pe ga yiri lǎli ni lè pe a nǎnbèle kúcere nyaa, poro bele be mii cée lè. Níì cán pe fyɛ́ɛnri a kùu í, pe náagi si a wɔ́ɔ fígi bi nyaa í. Pe a pye syɛ́ɛnbèle myɛ yanibɛɛnmɛgɛ.»

Zyeremii 11:16

Wajànra olivye tíige, gee gi wélemɛ dɛ́nɛ lè ki yasanri nìjanra báriga ni. Mɛ́ɛgi bee Yawe da le mɔ na. Kàfulogbɔʔɔ ni wi a naà le gi na, ki káganbiiri a ní pye yafyɛn í.

Zyeremii 12:4

Làla jòorí tári a kwɔ́ɔ kùu káyaagi na, sìnbirigi myɛ nyàā si wɔ́ɔ waʔa bi kòro nya bi làla jòorí kwɔ́ɔ? Di syɛ́ɛnbèle péemɛ kéele na yaweeri, ní féjɛɛnri i kálagi ni syée. Níì cán pe n jo: «Wi o wolo nyɛ̀ʔɛnaw nyaagi í.»

Zyeremii 14:16

Syɛ́ɛnbèle bele má si be kérigèle nyaagi ni nyuu lè, bele bee a cáan cáan bi màʔa Zyerusalɛmi kàlari-kóloyi ni, kateekpɔɔgi ní ŋɔséew báriga ni. Syɔɔn faala a taa bi nyanya kaan be ma í, poro ma yoo, pe cébèle ma yoo, pe nànbiigèle ní be calipiigèle ma yoo. Mii a be péemi yaʔa pi lúru too be na.

Zyeremii 17:27

Kàjáa yele ga pye yele o lúro mii ma níì cândɛnɛgi canʔa sámaga n yaʔa yacanga í, níì túgori tugolo yaʔa gi ni í, ní i jǐn Zyerusalɛmi kpàánweegèle ni ní di ní cândɛnɛgi canʔa ni, lǎli bee ni mii a naà le kěgi kɔ̀riyɔ na, ki a Zyerusalɛmi kpaakpoloyi sórigo, ki si a ní fígi í.› »

Zyeremii 17:4

Mɔ tiimaw a kɔlɔ̀ láʔa mɔ kɔ́rigi na, gee mii da kaan mɔ ma lè. Mii a mɔ yaʔa mɔ í pye mɔ nigoobèle púlo, táraa ni, dee di lè mɔ ga di cán í. Níì cán yele n mii fundanʔari náa le, ki si a kòro bàā có làla o làla.»

Zyeremii 18:23

Mɔ si na, Yawe, kérigèle myɛ be tímana mii kéeli na jàngó bi mii taa kpóo lè, mɔ n ge cán. Mɔ a kɔ́ be kolomi kùsulugo syɔɔ í, mɔ a kɔ́ be kapeeli kurugo láʔa yaà mɔ yɛ́ʔɛ ma í! Ki n yɛlɛ pe kpírige too mɔ yɛ́ʔɛ ma! Keele tɛ́ʔɛ be na mɔ fundanʔari làla ni!

Zyeremii 21:12

Davidi kpáagi wòolo! Yawe wi syɛ́ɛnri naa joo níì jo: Yaa kútiiw nyuu ní sínnɛ ní bi séli nyǐngi nyɔ́ɔ na, wee na be fǎngi gbàn lè, ye wi yirige wi wɔʔɔfɔw kɔ́yɔ ni, koro ga pye mii fundanʔari a kɔ́ folo cò àmɛɛ naà nyɛ lè bàā có bi pye syɔɔn a ní gbǎn di fígi í, yele nàʔabeemi kéele na.

Zyeremii 42:18

Níì cán Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Kánmee na mii fundanʔari ní mii fundanʔagbɔɔri baa too Zyerusalɛmi ye na lè, kánmi bee na mii fundanʔagbɔɔri a wɔ́ɔ too yele na, yele ga tíi níì kári Ezyipiti ma. Yele a pye kàliga yáriga, ní funwɔɔrɔ yáriga, ní dánga yáriga, ní yafaʔaga, yele si a ní tɛ́ɛgi naa nyaa í.›

Zyeremii 44:6

Lǎli bee ni a mii fundanʔagbɔɔri, ní mii fundanʔari Zyuda kěyi, ní Zyerusalɛmi kàlari-kóloyi tɔ́n, níì cò naà yi na, yafyɛn ga níì kòro yi ni kapye gurubɛɛtooro ní nyáʔamina ban í, àmɛɛ wo gi nyaagi lè níjanʔa.›

Zyeremii 6:11

Mii n nyìn Yawe fundanʔagbɔɔri na, mii n tɔ̀nɔ n fɔ̀rɔ gbanʔama ti cò-mí-yérigeli na. «Ti wo pìíbèle na kàlari-kóloyi ni, mí wɔ́ɔ gi kpéʔele kánmi bee na wojáribèle gboolo na. Níì cán nǎnw ní céw a cò bi kári, n fàra wolɛɛɔ, ní wee na wi tɔ̀nɔ n lɛɛ n tín lè.

Zyeremii 6:12

Pe kpáayi a kaan pèle nikwɔɔlɔ ma, n fàra séyi, ní cébèle na wɔ́ɔgēle, lǎli ni mii ga mii kɔ́gi sánʔa n taʔa tári syɛ̀ɛnnɛ na lè,» Yawe wi jo nya.

Zyeremii 8:13

«Mii a yaliilaari kéele kwɔ́ɔ nya, Yawe wi jo nya. Ɛrɛzɛn a ní kòro ɛrɛzɛntírigi na í, děsyanʔa a ní pye děsyaantiigi na í, wári a kúlɔlɔ. Mii a be kaan sɔ̀lɔfɔɔlɔ ma.»

Kayaagi Nyɛnigɛ 4:11

Yawe n wi fundanʔagbɔɔri láa n sáà nan di láʔali na. Wi n wi káfugbangi fundanʔara sòʔo n wo. Wi n naà le Siyɔn ni, gee gi wi kàpɔɔnbèle sórigo lè.

Ezekyɛli 22:22

Amɛɛ wálifiio gbàlá tunweele nínge ni lè kánmi bee na yele a gbàla gi níngi ni, yele a gi cán bi cán mii Yawe n mii fundanʔagbɔɔri yàli yele na.› »

Ezekyɛli 7:12

Lǎli i maa, cángi i nùuní! Yasyɔɔw ga yɛlɛ waa fundaanra kpéʔele í, yapáraw ga yɛlɛ waa kùu káyaʔa kpéʔele í! Níì cán fundanʔari fànʔa n folo n yiri kěgi syɛɛnnɛʔɛmɛ myɛ kánma na.

Ezekyɛli 7:14

Pe i búruw wíi, kérigèle myɛ n sámaga n yaʔa, kàjáa wàa faala o syée kapɛɛnni na í. Níì cán mii fundanʔari fànʔa n folo n yiri be syɛɛnnɛʔɛmi kánma na.

Danyɛli 9:11

Isirayɛli ye myɛ n mɔ lalwaw kálagi, níì kólogi yaʔa, pe ga mɔ jóomi lóʔo í. Lǎli bee ni dángaw kèlē ní kàligi kèlē ge sɛ́bɛ Kolocɔlɔɔ falipyew Mowizi làlwaw ni lè, a koro si wolo tɔ́n, níì cán wolo n kapeele pye mɔ na.

Levii ye sáriga-wòlori 26:28

lǎli bee ni mii fundanʔaratɔw a wɔ́ɔ ra cáan ní yele ní. Mii a yele kóro ki tɛɛyɛ kɔrɔsiin yele kapeegèle kéele na.

Nahumi 1:6

Wìí wi a gbǎn soro yére bi wi fundanʔagbɔɔri sige? Wìí wi a gbǎn yére bi wi fundanʔari naagbanga sige? Wi fundanʔari i caragi àmɛɛ naà nyɛ lè, wi i fálayi jabagi.

Sofonii 1:2

Yawe n jo: «Mii a yáriri myɛ kwɔ́ɔ bi láʔa tásaligi na.

Sofonii 1:3

Mii a syɛ́ɛnbèle ní yaweeri kwɔ́ɔ bi láʔa yaà, mii a nyɛ̀ʔɛni féjɛɛnrɛ ní sólomi lɔ̀ʔɔ fàala kwɔ́ɔ bi láʔa yaà, ní kérigèle ge syɔɔn pùuní lè, bi koro ní syɛɛnpeebèle kwɔ́ɔ bi láʔa yaà, mii a syɔɔn ye kwɔ́ɔ bi láʔa yaà tásaligi na,» Yawe wi jo nya.

Zakarii 7:12

Pe n be zɔ̌nbèle nìri àmɛɛ jaman nyɛ lè, koro ga pye poro a kɔ́ ra làlwaw syɛ́ɛnrɛ lúro í, ní syɛ́ɛnri Nyɛ̀ʔɛni Sùlasiibéle Kafɔlɔ Yawe tórigo naa poro ma wi Pǐli báriga ni lè, dee wi kaan wi kanyaajoo-sélibèle ma a be joo lè. A koro pye sábabu á Nyɛ̀ʔɛni Sùlasiibéle Kafɔlɔ Yawe fúngi tanʔa gbanʔama.

Matye 3:12

Wi ségbanni i yaà wi kɔ́gi ni. Wi a wi yaliiri sámaga pɛ́ɛ wi kàsyɔɔgi na si di fɛɛ bi sa kɔn wi gbòdunni ni, si yaliisigiri le bànvigi náagi ni bi di sórigo.»

Tɛ̀ɛnnɛ 14:10

wee bee a wɔ́ɔ Kolocɔlɔɔ fundanʔari dùvɛɛn gbaa, wee wi sòʔo lè sìnnyaʔami ni wi fundanʔari yagbaala ni, wi a ra wɔʔɔ náagi ní dìrigíw ni, nyɛ̀ʔɛni tundunjanbéle ní Bàpili yɛ́ʔɛ ma.