Zyeremii 7:18 - Cebaara Bible 2010

¹⁸ Jaafɔbèle i kàjeri caa, tofɔbèle si i náagi nii, cébèle si i míimi pírigi bi kàgbalaya sámaga nyɛ̀ʔɛni fànʔafɔjaa ma, si sáriga-yólogow wòlo kolocɔlɔ-nibɔnbèle ma, jàngó bi mii fúngi tanʔa.

Zyeremii 7:18 Iomraidhean Croise

1 Fànʔafɔbèle 14:9

Mɔ n kapeele pye n sɔ̀lɔ mɔ yɛ́ʔɛ ma wóbèle myɛ na. Mɔ n kári n sáà kolocɔlɔbèle pèle nikwɔɔlɔ sámaga miyɛɛ ma, ní tunmɔgbalara yasunyo jàngó bi mii fúngi tanʔa gbanʔama, níì mii wáa miyɛɛ kàdoʔo ma!

1 Fànʔafɔbèle 16:2

«Mii n mɔ yìrige n yirige támiigi ni n mɔ kpɔ́ʔɔ, níì mɔ kpéʔele mii syɛ́ɛnbèle Isirayɛli ye kùndigiw, á mɔ ba ni táanri Zyerobowami kôdanʔagi ni níì mii syɛ́ɛnbèle Isirayɛli ye lége kapeegèle ni n mii fúngi tanʔa gbanʔama ní be kapeegèle ní,

Ŋúnuyi 16:4

Pe i be yasunyi nɛʔɛgi, pe i fé ni syée kolocɔlɔbèle pèle nikwɔɔlɔ kurugo. Mii a be sìsyaanw sáriga-yólogoo wòlo í, mii a be mɛ́ɛyi yeri mii nyɔ́ɔgi ni í.

Ezayi 3:8

Kányɛʔɛ na, Zyerusalɛmi i kpírigi, Zyuda si i tuun, níì cán pe nyɔɔsyɛɛnri, ní be kapyegèle i nyɛ Yawe kánmi na, ni nànma kpéʔele wi kpɔ́ɔmi yɛ́ʔɛ ma.

Ezayi 57:6

Lòcooloyi kàdɛnɛ-wɔlɔgɔyɔ wéle, yoro na mɔ sɔngumi nyɛ, yoro yi nyɛ mɔ lɛɛli, yoro ma mɔ sáriga-yólogow ŋuu, yoro má mɔ yakaanyi kaangi. A gee bee myɛ pyele a gbǎn mii fúngi nyíngi lé?

Ezayi 65:11

Kàjáa yele na, yele bele ye Yawe cée lè, yele bele ye fɛ̀ʔɛ mii nyanbejǎngi na lè, ní i yaliire kaangi Gadi ma, ní i yagbaala nyìngí dùvɛɛnnyaʔamiɔ na ni kaangi Menii ma lè,

Ezayi 65:3

syɛɛnfelegaa ma, gee gi mii fúngi taanri lè sìnlaʔa ni mii nyɛ́nɛ na, ní i sárigaw wóo nángwɔɔbèle ni, ní i nùndaanni yáriga sórogi jùfaaw na.

Zyeremii 1:16

Mii a mii kútiiw kúun be na pe péemi myɛ kéele na níì cán pe n mii yaʔa ní sa ni nùndaanni yáriga sórogi kolocɔlɔbèle pèle nikwɔɔlɔ ma, ní i tuun ni kpùmɔnɔ́ be kɔ́yi fáli yɛ́ʔɛ ma.

Zyeremii 11:17

Yawe wi lè Nyɛ̀ʔɛni Sùlasiibéle Kafɔlɔ, woro wee wi mɔ cɔ́rɔ lè, wi n wɔʔɔgɔ kéele joo mɔ kánmi na, kapeegi kéele na, gee Isirayɛli kpáagi wòolo, ní Zyuda kpáagi wòolo kpéʔele peyɛɛ na lè n mii fúngi tanʔa nùndaanni yáriga wololo kéele na sáriga Baali ma.

Zyeremii 17:2

Kánmi bee na be pìíbèle a ra sɔ̀ngí da taagi pe sáriga-wòlo-yafaanyi, ní be Asyera tiikóriyi na, yi lè tiipiriyi taana, ní dǎndama-tɔ́nɔyi ǹjoyo ni.

Zyeremii 19:13

Zyerusalɛmi kpáayi, ní Zyuda fànʔafɔbèle kpaaya a pye yanɔnʔɔyɔ àmɛɛ Tofɛti nyɛ lè, kpáayi bee myɛ, yoro yee ǹjoyo ni pe da ni nùndaanni yáriga kaangi nyɛ̀ʔɛni ŋɔ́ripiigéle myɛ ma lè, ní i sáriga-yólogow wóo kolocɔlɔbèle pèle nikwɔɔlɔ ma.› »

Zyeremii 25:7

kàjáa yele ga lóʔo mii ma í,» Yawe wi jo nya, «koro ga pye bi mii fúngi tanʔa ní yele kɔ́yi fáli ní, jàngó bi wɔʔɔgɔ taʔa yeyɛɛ na.»

Zyeremii 32:29

Kalide ye be too kěgi naa na lè pe a jée gi ni, pe a naà le kěgi naa na bi gi sórigo, n fàra kpáayi na, yee ǹjoyo ni pe da ni nùndaanni yáriga sórogi Baali ma lè, ní i sáriga-yólogow ŋuu kolocɔlɔbèle pèle nikwɔɔlɔ ma jàngó bi mii fúngi tanʔa.

Zyeremii 44:25

Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Yele ní yele cébèle, yele nyɔ́ɔyi n gi joo, a yele kɔ́yi wɔ́ɔ̀ gi kpéʔele, gee yele joo lè níì jo: Wolo i caa bi nyɔɔfaliyi foro, yee wolo kpéʔele lè, gee bee n joo bàā nùndaanni yáriga sórogi nyɛ̀ʔɛni fànʔafɔjaa ma, sáā sáriga-yólogow wóo wi ma. Koro na ye tɔ̀nɔ ye yele nyɔɔfaliyi foro, gee nyɔ́ɔ yele fàli lè, ye gi kpéʔele ye foro.

Zyeremii 44:4

Mii n mii falipyebèle myɛ tun yele ma, pe lè kanyaajoobèle, mii n be tun sìnyére ni pe sa yele pye: Yele a kɔ́ yanɔnʔɔgi bee kpéʔele, gee gi mii bɛɛn lè í.

Zyeremii 7:17

Gee be kpéʔele Zyuda kěyi, ní Zyerusalɛmi kàlari-kóloyi ni lè mɔ o gi nyaagi ì?

Kayaagi Nyɛnigɛ 5:13

Nìgɔcaribéle n tírebinni láa, nànbiigéle n kpírige kàjere túgoro láara ni.

Ezekyɛli 16:26

Mɔ n miyɛɛ gbéʔele nànjaaɔ ní Ezyipiti nǎnbèle ní, pe lè mɔ tɛ́ɛnnyɛnbèle, pe lè fànnɛʔɛgi fɔ̀ɔlɔ, mɔ n kàa fàra mɔ nanjaari na jàngó bi mii fúngi tanʔa.

Ezekyɛli 20:28

Mii n be tórigo tári ma, dee kéele na mii da kɔ́gi yìrigi lè níì kàli níì jo mii a di kaan be ma lè, a pe be nyapiigèle le dǎndama-tɔ́nɔyi myɛ, ní tiitɔnyi myɛ ni. Nɛɛ bee pe be sárigaw wòlo n be sárigaw yakaanya kaan yaà, yee yi da ni mii fúngi taanri lè, n be nùndaanni sáriga wòlo yaà, n be sáriga-yólogow wòlo yaà.

Ezekyɛli 8:16

A wi mii kɔ́ri n jée Yawe kpáagi fungoma kàcoolo ni. Wéle, nànbēle toko ní kagunɔ félege n pye yaà Yawe kpɔ̀ʔɔrɔli kpaʔa kpaaweele na, kpáali ní sáriga-wòlo-yafaangi nínge ni, a be kàdoyi wáa Yawe kpɔ̀ʔɔrɔli kpaʔa ma níì yɛ́ɛyi wáa canʔafolomɔ ma ní i tíri ni tuun tári na canʔafolomɔ ma, cángi yɛ́ʔɛ ma.

Ezekyɛli 8:17

A wi mii pye: «A mɔ gi nyaa lé syɔɔn-pya? Yanɔnʔɔyi Zyuda kpáagi wòolo kpéʔele lè nɛɛ naa ni mii fúngi taanri, yoro ga nɛʔɛ n yɛlɛ nya ì? A gi si níì yɛlɛ lé be tári nyìn péemi na, si kòro bàā mii fúngi yìrigí? Wéle, pe i kágangi nùuní fínaagèle na.

1 Korɛnti ye 10:22

A yele caa lé wo nyabɛɛnnɛ wáa Kàfɔw na? Ba wolo nìri lé wi na?

Làlwaw Kaanziin 32:16

Pe i kolocɔlɔ-nibɔnbèle téeri ni yejaʔa yìrigí wi ma. Pe i wi fúngi taanri gbanʔama ní yanɔnʔɔri kpéʔelele ní.

Làlwaw Kaanziin 32:21

Yárigee gi lè ki o nyɛ Kolocɔlɔɔ í, pe n gee bee kéele tɛ́ʔɛ n yejaʔa yìrige mii ma. Pe n mii fúngi tanʔa gbanʔama ní be gbanzan yasunyi ní. Mii si na, mii a gbanzan syɛɛnfelegaa kéele tɛ́ʔɛ bi nyabɛɛnnɛ wáa be na. Mii a syɛɛnfele-nilabalaga kéele tɛ́ʔɛ bi be fúnyi tanʔa gbanʔama.

Làlwaw Kaanziin 4:19

Mi wɔ́ɔ maa miyɛɛ kɔ̀rɔsíi, koro ga pye mɔ ga mɔ nyapiigèle yìrige n le nyɛ̀ʔɛni ni, níì cángi, ní yégi, ní ŋɔripiigèle nyaa, ti lè nyɛ̀ʔɛni yárira myɛw, mɔ a kɔ́ miyɛɛ yaʔa di kpɔ̀ʔɔrɔ láaw í mɔ taa mɔ í da kpùmɔnɔ́ di yɛʔɛ̀ ma í. Yawe mɔ Kolocɔlɔw n dee bee kaan nyɛ̀ʔɛni láara syɛɛnfeleye myɛ bìnɛw ma.