Zyeremii 7:16 - Cebaara Bible 2010

¹⁶ «Mɔ si na, mɔ a kɔ́ ra nyɛ́ɛri bàā kaangi syɛ́ɛnbèle naa ma í, mɔ a kɔ́ ra yákpolo wáa wàlá bàā nyɛ́ɛrigɛ kpéʔele be kéeli na í, mɔ a kɔ́ ra nyɛ́ɛri mii yɛ́ʔɛ ma be kéeli na í. Níì cán mii a lóʔo mɔ ma í.

Zyeremii 7:16 Iomraidhean Croise

2 Samyɛli 8:18

Yehoyada jáaw Benayahu wi da pye Kerɛti ye ní Pelɛti ye nyúngi na. Davidi jáabèle si maa pye fǎngi kacɔɔnribéle.

Yirile 32:10

Tɔ́ɔliw ni mii yaʔa sáan, mii fundanʔari a cò naà be kánmi na, mii a pe myɛ kálagi yirige yaà péw, si mɔ kpéʔele syɛɛnfele-nɛʔɛgɛ.»

Ezayi 1:15

Yele ga yele kɔ́yi sánʔa lǎlee ni lè, mii n mii nyapiigèle yirige yele ni. Alí yele ga yele nyɛ́ɛriyi nɛʔɛ, mii o yi lúro í. Yele kɔ́yi n nyìn sìsyaanw na.

Zyeremii 11:14

Mɔ si na, mɔ a kɔ́ ra nyɛ́ɛri da kaangi syɛ́ɛnbèle naa ma í, mɔ a kɔ́ ra yákpoli wáa, wàlá bàā nyɛ́ɛri be kéeli na í. Níì cán lǎli ni pe ga mii nyɛ́ɛri pe wɔʔɔgi nínge ni lè, mii a lóʔo be ma í.

Zyeremii 15:1

Yawe n mii pye: «Alí Mowizi, ní Samyɛli ga baa yére mii yɛ́ʔɛ ma, mii fúngi a tée pye ní syɛ́ɛnbèle naa ní í. Pe nɛnɛ mi núngo mii yɛ́ʔɛ ma, mi tórigo léelige, ki n yɛlɛ paa syée!

Zyeremii 15:6

Mɔ n mii yaʔa, Yawe wi jo nya, mɔ n lúru kàdoʔo ma, kàjáa mii n mii kɔ́gi sánʔa n taʔa mɔ na bi mɔ kálagi, mii n kɔ́ɔ̀ fɔ̀rɔ nya ní mɔ ní.

Zyeremii 18:20

A gi yɛlɛ lé be kapeʔe tɛ́ʔɛ bi kacànna sàra? Níì cán pe n weecurugo túgu bi mii bɔ̀nɔ mii sìíw ni. Sɔ̀ngi mi taa gi na àmɛɛ mii yére mɔ yɛ́ʔɛ ma lè níì joo ní mɔ ní pe nyɔɔmi kéele na, níì mɔ fundanʔagbɔɔri lúrugo be kurugo.

Zyeremii 4:28

Gee bee kéele na tári a pye kùu káyaʔa na, nyɛ̀ʔɛgèle ge lè ǹjogi ni, ke a pye yébilimɛ. Níì cán mii wi gi jo, koro mii kɔ̀rirɔ n tímana, ki pyeli si a ní ba wári mii na í, mii a ní lúru bi gi sàa í.»

Zyeremii 7:17

Gee be kpéʔele Zyuda kěyi, ní Zyerusalɛmi kàlari-kóloyi ni lè mɔ o gi nyaagi ì?

Misye 3:4

Lǎli bee ni, pe a ra yákpogèle wáa Yawe kurugo, kàjáa wi a lóʔo be ma í. Wi a wi yɛ́ɛgi làriga be na lǎli bee ni. Níì cán pe n kapeeye kpéʔele.

Làlwaw Kaanziin 9:14

Ki yaʔa mii í be kálagi bi be mɛ́ɛgi kwɔ́ɔ yirige yaà nyɛ̀ʔɛgèle láara ni. Mii si mɔ kpéʔele syɛɛnfelegaa, gee fànʔa ki a kpɔ́ʔɔ lè, ki wɔ́ɔ nɛʔɛ bi sɔ̀lɔ syɛ́ɛnbèle naa na.›

1 Zyan 5:16

Syɔɔnwaa ga wi senyɛnnɛ nyaa wi i kapeelaa kpéʔele li si o nyɛ kùu wólo í, ki n yɛlɛ wi nyɛ́ɛri Kolocɔlɔɔ ma wi kéeli na, Kolocɔlɔɔ a sìi kaan senyɛnw bee ma. Gee naa a gbǎn pye bele má be kapeegèle kpéʔele lè, ke si o nyɛ kùu wòʔolo í. Kapeelaa i yaà, li i nyɛ kùu wólo, mii ga jo syɔɔn í da nyɛ́ɛri lee bee kéele na í.