Zyeremii 7:14 - Cebaara Bible 2010

¹⁴ mii a keele tɛ́ʔɛ kpáagi na, gee na mii mɛ́ɛgi nyɛ lè, koro gee na yele yeyɛɛ daʔa lè, ní tɛ́ɛgee mii kaan yele ní yele tóolɛɛbèle ma lè, mii a gi pye bi yɛlɛ ní gee ní mii da tɛ́ʔɛ Silo na lè.

Zyeremii 7:14 Iomraidhean Croise

2 Fànʔafɔbèle 25:9

A wi baa Yawe kpáagi, ní fànʔafɔw kpaʔa, ní Zyerusalɛmi kpáayi myɛ sórigo. Wi maa naà le kùndigibèle kpaaya myɛ na.

2 Cányi kèlē 7:21

Kpáagi naa gi sámaga n pye lè gee ǹjoʔo ma, syɔɔn o syɔɔn wi ga ba ni sɔ̀lɔ́ gi taana lè, wi a ra káama si jo: ‹Nyàʔá na Yawe gee naa kpéʔele tári naa, ní kpáagi naa na?›

Ŋúnuyi 78:60

Wi n Silo kpáagi yaʔa, fànikpaagi bee wi da yérige syɔɔn ye níngi ni lè.

Ezayi 64:11

Gee bee myɛ fúngo ni, ee Yawe, mɔ a sèʔé gi kpàraco lé? A mɔ a sèʔé kòro lé pyèrio, si wolo faʔa fwɔɔ bi ba sɔ̀lɔ ki dǎnw na?

Zyeremii 12:7

«Mii n mii kpáagi yaʔa, mii n mii kɔ́rigi cée n yaʔa, wee kéele li da mii dɛ́nɛ mii fúngi ni lè, mii n wi le wi nigoobèle kɔ́yɔ ni.

Zyeremii 23:39

Gee bee kéele na, ye wéle, mii a tɔ̀nɔ́ yele yaʔa péw, mii a tɔ̀nɔ́ yele yirige niyɛɛ yɛ́ʔɛ ma bi wáa léelige, yele, ní kěgi, gee mii da kaan yele ní yele tóolɛɛbèle ma lè.

Zyeremii 26:18

«Mika wi pye lè Moresyɛti ye wów, wi maa ni kérigèle nyaagi ni nyuu Zyuda fànʔafɔw Ezekyasi lǎli ni, ní i gi nyuu Zyuda syɛ́ɛnbèle myɛ ma, níì jo: ‹Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: Siyɔn a fála àmɛɛ seʔe nyɛ lè. Zyerusalɛmi a pye kàdɛnɛgboolo, kpɔ̀ʔɔrɔli kpaʔa nyanbelege si pye dǎndamaga, gee kɔligɔ tɔ́n lè.›

Zyeremii 26:4

Mɔ a be pye: ‹Yawe wi syɛ́ɛnri naa joo níì jo: Yele ga pye yele ga lóʔo mii ma í, ní i táanri ni yɛlɛgi ní mii làlwaw ní mii tɛ́ʔɛ yele yɛ́ʔɛ ma lè í,

Zyeremii 7:10

Koro kàdoʔo ma ní i maa n ba ni yèré mii yɛ́ʔɛ ma kpáagi naa ni, gee na mii mɛ́ɛgi nyɛ lè, ní i gi nyuu níì jo: Wolo n syɔɔ. Koro nyúngi gi nyɛ jàngó yele í da yanɔnʔɔyi bee myɛ kpéʔele!

Zyeremii 7:12

Koro na yaa syée mii tɛ́ɛgi Silo ma, beè mii da sélì mii mɛ́ɛgi yaʔa a gi kòro lè, ye sa gi wéle, gee mii kpéʔele gi na lè mii syɛ́ɛnbèle Isirayɛli ye péemi kéele na.

Zyeremii 7:4

Yele a kɔ́ yeyɛɛ daʔa jànvaa syɛ́ɛnrɛ na í si jo: Nɛɛ naa Yawe kpɔ̀ʔɔrɔli kpaʔa nyɛ, Yawe kpɔ̀ʔɔrɔli kpaʔa! Yawe kpɔ̀ʔɔrɔli kpaʔa!

Kayaagi Nyɛnigɛ 2:7

Kàfɔw n wi sáriga-wòlo-yafaangi yaʔa, wi n wi sáriga-wòlo-tɛ́ɛgi córo yanɔnʔɔgɔ, wi n Siyɔn kpaacanyi gúnyo le nigoobèle kɔ́yɔ ni. Yákpowáara i yirigi yaà Yawe kpáagi ni móō fɛ́tii canʔa gii.

Kayaagi Nyɛnigɛ 4:1

Hàán! Tɛ́ɛw ní o daragi í! Tɛɛtelew n kálagi! Tɛɛcǎngi kàdɛnɛyɛ n cariga kàlari-kóloyi kàbanya myɛ na!

Ezekyɛli 23:31

Mɔ n tánʔa mɔ senyɛnjew kólogo ni, mii si a wi yagbaali le mɔ kɔ́gi ni.

Ezekyɛli 24:21

‹Ki joo Isirayɛli kpáagi wòolo ma mí be pye: Kàfɔw Yawe wi syɛ́ɛnri naa joo níì jo: Wéle, mii a mii tɛɛcǎngi kálagi, ki lè yele nɛ̀ɛgbɔʔɔgi fànʔa, ní yele nyapiigèle yanidaanmaga, ní yele fúnyi tàmaga yáriga. Yele nànbiigèle ní yele calipiigèle yele kári níì yaʔa lè, ŋɔséew a ge kpóo cáan.

Làlwaw Kaanziin 12:5

Kàjáa tɛ́ɛgee Yawe yele Kolocɔlɔw ga nyɛ́nɛ n wòlo lè n pye wi tɛɛkòrogi yele syɛɛnfeleyi myɛ nínge ni, n wi mɛ́ɛgi yaʔa gi kòro beè, nɛɛ bee mɔ a ra syée.

Làlwaw Kaanziin 28:52

Ki a sa tɛ́ɛn mɔ taana kapɛɛnni kánma na kěyi myɛ ni mɔ nyɛ lè fwɔɔ bi taa tòdɔnɔ-nìriyee na mɔ a mɔ sɔngunmi taʔa lè yee bee í too mɔ tári tɛ́ɛyɛ myɛ ni. Ki a tɛ́ɛn mɔ taana kapɛɛnni kánma na kěyi myɛ ni mɔ nyɛ lè tári ni, dee Yawe mɔ Kolocɔlɔw a kaan mɔ ma lè.