Zyeremii 7:13 - Cebaara Bible 2010

¹³ Tɔ́ɔliw ni doò, àmɛɛ yele kapyeri bee myɛ kpéʔele lè, Yawe wi jo nya, ní àmɛɛ mii joo ní yele ní lè sìnyére ni, yele si ga lóʔo í, ní àmɛɛ mii yele yeri lè, yele si ga syɔɔ í,

Zyeremii 7:13 Iomraidhean Croise

Kàseegèle 1:24

Amɛɛ mii yeri lè, yele si ga fɔ̀lɔ í, àmɛɛ mii mii kɔ́gi sánʔa lè, syɔɔn faala si ga gi córo í,

Ezayi 50:2

Mii pan lè, nyàʔá na mii ga baa syɔɔn faala nyaa í? Mii yeri lè, nyàʔá na syɔɔn faala ga syɔɔ í? A mii kɔ́gi kpere lé wii n sɔ̀lɔ syɔɔn syɔɔlɔ na? Fànʔa o nyɛ mii ma bi gbǎn syɔɔn syɔɔ wii ì? Mii i mii fúloli téeri ni sólomi lɔ̀ʔɔ waari, mii i cábiyi kàragí fìimɛ tára. Yi fábèle i fɔ́ɔnri lǒgi fɔ̀ngɔ kéele na, pe i kúu lògbaalaagi kéele na.

Ezayi 65:12

mii a yele tórigo ŋɔséew ma, yele myɛ a yégunri cáan, pé yele kɔnɔgi. Níì cán mii n yeri, yele si ga syɔɔ í, mii n joo, yele si ga lóʔo í. Kàjáa a yele gi kpéʔele, gee gi pee mii nyɛ́nɛ na lè, yele n gi nyɛ́nɛ n wòlo, gee ki mii bɛɛn lè.»

Ezayi 66:4

Koro na bi be yaʔa be fóomi ni mii a wɔ́ɔ ra fundaanra kpéʔele, gee na be fɛ̀ɛgí lè mii a gi yaʔa ki nan be na, níì cán mii n yeri syɔɔn faala ga syɔɔ í, níì cán mii n joo, pe si ga lóʔo í. Fwɔɔ a be gi kpéʔele, gee gi pee mii nyɛ́nɛ na lè, pe n peyɛɛ le gee ni ki mii bɛɛn lè.»

Zyeremii 11:7

Níì cán mii maa tɔ̀nɔ n kòro ni yele tóolɛɛbèle sàmí nlaa cángee na mii be yirige Ezyipiti tári ni lè, àlí n baa nan níjanʔa na mii n kòro ni syɛ́ɛnri naa nyuu ni taʔala sìnyére ni, níì jo: Ye mii jóomi lóʔo!

Zyeremii 11:8

Kàjáa pe ga lóʔo í, pe ga líiyi cáan í. A be myɛ nibin nibin taʔa be funbeeyi kasɔngurɔ na. Lǎli bee ni, a mii si wɔ́ɔ̀ joogaanni naa syɛ́ɛnrɛ myɛ foro be na, loro lee kéele mii da joo n gbàn be ma níì jo paa gi kpéʔele àmɛɛ li jo lè, pe si ga fɔ̀lɔ ni gi kpéʔele àmɛɛ li jo lè í.› »

Zyeremii 13:10

Syɛɛnfelegi bee gi pee lè nya, koro gee gi mii syɛ́ɛnri lóʔolo cée lè, gee gi taʔa gi fungbangi kasɔngurɔ na lè, níì kiyɛɛ bwɔɔ kolocɔlɔbèle pèle nikwɔɔlɔ na ni báara be ma, ní i tíri ni tuun be yɛʔɛ̀ ma, ki a pye àmɛɛ sɛntiiriw naa nyɛ lè, wee wi lè wi a ní gbǎn yafyɛn nyɔɔ í.

Zyeremii 13:11

Níì cán àmɛɛ sɛntiiri nyɛ nàɔn sárigéle ni lè, kánmi bee na mii tiimaa da Isirayɛli kpáagi wòolo myɛ ní Zyuda kpáagi wòolo myɛ pwɔɔ niyɛɛ na, Yawe wi jo nya, koro ga pye be pye mii syɛ̀ɛnnɛ, bi pye mii mɛ́ɛgi, ní mii sòololi, ní mii fèreri. Kàjáa pe ga lóʔo í.›

Zyeremii 25:3

Nlaa yaà Amɔn jáaw Zyozyasi fǎngi yɛ̀ʔɛlɛ kɛɛ ní taanri wóli na, wi lè Zyuda fànʔafɔw fwɔɔ n baa nan níjanʔa na, ki yɛ̀ʔɛlɛ toko ní taanri wi wee, àmɛɛ Yawe syɛ́ɛnri nan mii na lè, a mii di joo n taʔala yele ma sìnyére ni yele si ga lóʔo í.

Zyeremii 26:5

ní i mii falipyebèle syɛ́ɛnrɛ lúro í, pe lè kanyaajoobèle, poro bele mii tungu yele ma lè, bele mii tungu yele ma lè sìnyére ni, yele si ga lóʔo be ma í,

Zyeremii 29:19

níì cán pe ga mii syɛ́ɛnri lóʔo í,› Yawe wi jo nya. ‹Poro bele má mii mii falipyebèle tun lè, pe lè kanyaajoobèle, poro bele má mii be tun lè sìnyére ni, yele si ga lóʔo í,› Yawe wi jo nya.

Zyeremii 32:33

Pe n kàdoyi wáa mii ma, yɛ́ɛyi ban í. Mii n be tama, mii n be tama sìnyére ni. Kàjáa pe ga lóʔo í, koro ga pye bi fɔ̀lɔ tamani na í.

Zyeremii 35:14

‹Pe n Erekabi jáaw Yonadabi syɛ́ɛnri cò, woro wee wi da gi joo n gbàn wi jáabèle ma lè níì jo pe a kɔ́ dùvɛɛn gbaa í, pe ga wɔ́ɔ̀ wàa gbaa í, fwɔɔ n baa nan níjanʔa na. Pe n be tóow syɛ́ɛnrɛ lóʔo, dee wi joo n gbàn lè. Mii si na, mii n joo ní yele ní sìnyére ni, yele si ga lóʔo mii ma í.

Zyeremii 35:15

Mii n mii falipyebèle myɛ tun yele ma, pe lè kanyaajoobèle, mii n be tun yele ma sìnyére ni pe ba gi joo yele ma si jo: Yele myɛ nibin nibin n yɛlɛ bi láʔa yele kobeeyi na sáā maa. Ye yele nàʔami fàli, yele a kɔ́ yeyɛɛ bwɔɔ kolocɔlɔbèle pèle na bàā kpɔ̀ʔɔrɔli kpéʔele be ma í, ye kòro kánmi bee na tári ni mii kaan yele ma lè, ní yele tóolɛɛbèle ma lè wɔ́ɔgēle. Kàjáa yele ga líiyi cáan í, yele ga lóʔo mii ma í.

Zyeremii 35:17

Koro na, Yawe wi lè Kolocɔlɔw, wi nyɛ lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Wéle, wɔʔɔyee myɛ kéele mii joo lè Zyuda ye, ní Zyerusalɛmi ye myɛ kánmi na lè, mii a yi yaʔa yi too be na. Níì cán mii n joo ní be ní, pe ga lóʔo í, mii n be yeri, pe ga syɔɔ í.› »

Zyeremii 44:23

Níì cán yele n nùndaanni yáriga sórigo níì kapeele pye Yawe na àmɛɛ gi nyɛ lè yele ga Yawe jóomi lóʔo í, yele ga tánʔa n yɛlɛ ní wi làlwaw, ní wi làlwaw kèlē, ní wi kajoogèle ní í. Koro na wɔʔɔgi naa nan yele na, àmɛɛ gi nyɛ lè níjanʔa.»

Zyeremii 44:4

Mii n mii falipyebèle myɛ tun yele ma, pe lè kanyaajoobèle, mii n be tun sìnyére ni pe sa yele pye: Yele a kɔ́ yanɔnʔɔgi bee kpéʔele, gee gi mii bɛɛn lè í.

Zyeremii 5:21

Ye gee naa lóʔo, syɛɛnfele-labalaga, ní funvɔ̀nbēle! Nyapiigèlē i be na, pe si o nyaagi í, líiweegéle i be na pe si o lúro í.

Zyeremii 6:10

Wìí ní mii a joo? Wìí mii a pye séera jàngó be lóʔo? Wéle, pe líiweegèle ga kɛ́nɛ í, pe fanʔa o nyɛ bi gbǎn lóʔo í. Wéle, Yawe syɛ́ɛnri n pye yafaʔala be ma, pe ga kanidaanna faala nyaa di ni í.

Zyeremii 7:25

Nlaa cángee na yele tóolɛɛbèle yiri lè Ezyipiti tári ni n baa nan níjanʔa na, mii falipyebèle myɛ pe lè kanyaajoobèle, mii n be tun yele ma canʔa o canʔa sìnyére ni.

Oze sɛ́bɛw 11:2

Bele si pe da ni be yiri lè, a be i canʔana bele bee na. Pe n sárigaw wòlo Baalibèle ma, níì nùndaanni yáriga sórigo yasunyi ma.

Oze sɛ́bɛw 11:7

Mii syɛ́ɛnbèle n peyɛɛ daʔa námaraw na. Pe i be yiri ǹjoʔo ma, kàjáa pe wàa faala ga yìri í.

Oze sɛ́bɛw 9:17

Mii Kolocɔlɔw a be cée, níì cán pe ga lóʔo wi ma í, pe a ra curugu da máari syɛɛnfeleyi nínge ni.

Zakarii 7:13

«Lǎli ni mii da ni be yeri lè, pe ga lóʔo í, kánmi bee na ki wɔ́ɔ baa pye lǎli ni pe ba ni yiri lè, mii ga lóʔo í,» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Matye 23:37

«Zyerusalɛmi, Zyerusalɛmi, mɔ wee wi kanyaajoobèle kúu lè ní i bele wábagi ní kàdɛnɛri ní, bele be tungu mɔ ma lè, làrigēle saʔa ni mii maa ni caa bi mɔ piibèle kpóʔoro àmɛɛ gònɔɔ gáà wi gòpiigèle kpóʔoro lè wi fókaanyi láara ni, yele si ga fɔ̀lɔ í.