Zyeremii 7:12 - Cebaara Bible 2010

¹² Koro na yaa syée mii tɛ́ɛgi Silo ma, beè mii da sélì mii mɛ́ɛgi yaʔa a gi kòro lè, ye sa gi wéle, gee mii kpéʔele gi na lè mii syɛ́ɛnbèle Isirayɛli ye péemi kéele na.

Zyeremii 7:12 Iomraidhean Croise

1 Fànʔafɔbèle 9:7

mii a Isirayɛli ye kwɔ́ɔ láʔa tásaligi na mii kaan be ma lè. Kpáagee mii yaʔa kɔlɔ̀ na niyɛɛ mɛ́ɛgi na lè, mii a gee bee núngo niyɛɛ taana bi wáa léelige. Isirayɛli a pye kàseele yáriga, ní yafaʔala,

Zyeremii 26:6

lǎli bee ni mii a keele tɛ́ʔɛ kpáagi naa na àmɛɛ mii gi pye Silo na lè, si wɔ́ɔ kěgi naa pye dánga yáriga tári syɛɛnfeleye myɛ ma.› »

Zyeremii 7:14

mii a keele tɛ́ʔɛ kpáagi na, gee na mii mɛ́ɛgi nyɛ lè, koro gee na yele yeyɛɛ daʔa lè, ní tɛ́ɛgee mii kaan yele ní yele tóolɛɛbèle ma lè, mii a gi pye bi yɛlɛ ní gee ní mii da tɛ́ʔɛ Silo na lè.

Làlwaw Kaanziin 12:11

Tɛ́ɛgee Yawe yele Kolocɔlɔw a nyɛ́nɛ wòlo lè bi pye wi mɛ́ɛgi tɛɛkòrogo, nɛɛ bee yele a ra syée ní yáriri myɛ ní, dee kéele mii joo n gbàn yele ma lè, ti lè yele sáriga-sórigow, ní yele pínɛnyɛnnɛgi sáriga, ní yele yáʔaw, ní yáriri yele láʔala ni yaari lè n fàra yakaanyi myɛ na yele ga nyɛ́nɛ n wòlo lè, yoro yee nyɔɔfaliga yele ga kpéʔele Yawe ma lè.

Làlwaw Kaanziin 12:5

Kàjáa tɛ́ɛgee Yawe yele Kolocɔlɔw ga nyɛ́nɛ n wòlo lè n pye wi tɛɛkòrogi yele syɛɛnfeleyi myɛ nínge ni, n wi mɛ́ɛgi yaʔa gi kòro beè, nɛɛ bee mɔ a ra syée.

Zyozuwe 18:1

A Isirayɛli syɛ́ɛnmi myɛ piyɛɛ gbóʔoro Silo ma n sáà Syɛ́ɛnmi Tɛɛfaraga fànikpaʔa kóri yaà beè. Tári maa pye be kɔlɔ̀ na n kwɔ́ɔ.

Zyozuwe 18:10

A Zyozuwe gɔ̌nw wáa be ma Silo ni, Yawe yɛ́ʔɛ ma, níì tári lɛɛ lɛɛ Isirayɛli ye na yaà beè n yɛlɛ ní be tílaganmi ní.

Jàbɔbèle 18:31

Yafaangee Mika da sámaga lè, pe maa koro tɛ́ʔɛ yaà, a gi pye be woʔò lǎlee myɛ ni Kolocɔlɔɔ kpáagi pye lè Silo ni.

1 Samyɛli 1:3

Yɛɛlɛ o yɛɛlɛ nǎnw bee maa ni yìrigí wi kěgi ma ni lúru ni syée Silo ma bi sa Nyɛ̀ʔɛni Sùlasiibéle Kafɔlɔ Yawe kpɔ̀ʔɔrɔ, si sáriga wòlo wi ma. Beè Helii jáabèle siin da pye, pe lè Hofinii, ní Fineyasi. Pe maa pye Yawe sáriga-wòlobēle.

1 Samyɛli 4:22

Wi n jo: «Nìjanri n láʔa Isirayɛli na, níì cán Kolocɔlɔɔ kásuw n láa.»