Zyeremii 7:11 - Cebaara Bible 2010

¹¹ Kpáagi naa na mii mɛ́ɛgi nyɛ lè, ki o nyɛ yele nyɛ́nɛ na kàyuu-fànʔafɔɔlɔ tɛɛlàraga ì? Anbée mii tiimaa gi nyaagi, Yawe wi jo nya.

Zyeremii 7:11 Iomraidhean Croise

2 Cányi kèlē 6:33

bi mɔ yaʔa wodɛ́ɛɔn ní nyɛ̀ʔɛni na mɔ tɛɛ̀tɛ́ɛnni ni, mi lóʔo wi ma. Kéelee na tári bee syɔ́ɔn mɔ nyɛ́ɛri lè, mi li kpéʔele wi ma koro ga pye tári syɛɛnfeleye myɛ í mɔ mɛ́ɛgi cán, sáā fɛ̀ɛgí mɔ na, àmɛɛ mɔ syɛ́ɛnbèle Isirayɛli ye nyɛ lè, koro ga pye pe gi cán kpáagi mii faan lè gee, mɔ mɛ́ɛgi gi nyɛ gi na.

Ezayi 1:12

Lǎli ni yele ga pan ba yére mii yɛ́ʔɛ ma lè, wìí wi gáà yele pye yaa mii kadàágèle tánʔana yaa máari?

Ezayi 56:7

mii a pan ní bele bee ní mii nyanbejǎngi ma, mii a ba fundaanra kaan be ma mii nyɛ́ɛrigi kpaʔa ni. Mii a ra fɔ̀lɔ́ be sáriga-sórigow, ní be sárigaw na be wóo mii sáriga-wòlo-yafaangi na lè. Níì cán pe a ra mii kpáagi yiri Kolocɔlɔɔ nyɛ́ɛrigɛ kpaʔa, gee ki a pye lè syɛɛnfeleyi myɛ wóʔo.»

Zyeremii 2:34

Tɛɛlɛ fun foomɔfɔbèle sìsyaan n nyaa mɔ buronyɔɔw na n gi yaʔa mɔ ga be cò kàyuugo na í.

Zyeremii 23:24

A wàa a gbǎn làra lé tɛɛlàraga ni mii si kòro wi sìnnyaa ni?» Yawe wi jo nya. «A mii i nyɛ lé mii ga nyɛ̀ʔɛgèle ní tári nyìn í?» Yawe wi jo nya.

Zyeremii 29:23

Níì cán pe n kapeekpɔʔɔ kpéʔele Isirayɛli ni, àmɛɛ pe da ni kanɔnʔɔri kpéʔele ní be syɛɛnnyɛnbèle càbala ní lè, ní wɔ́ɔ i jànvaaw nyuu mii mɛ́ɛgi na, n gi yaʔa mii ban wi gi joo n gbàn be ma níì jo paa gi kpéʔele í. Mii n gi cán ní wɔ́ɔ i nyɛ gi séera,› » Yawe wi jo nya.

Zyeremii 7:10

Koro kàdoʔo ma ní i maa n ba ni yèré mii yɛ́ʔɛ ma kpáagi naa ni, gee na mii mɛ́ɛgi nyɛ lè, ní i gi nyuu níì jo: Wolo n syɔɔ. Koro nyúngi gi nyɛ jàngó yele í da yanɔnʔɔyi bee myɛ kpéʔele!

Ezekyɛli 35:13

Yele n yìri mii kánmi na yele syɛɛnjóori báriga ni, yele n joogbɔɔmɔ joo mii kánmi na, mii tiimaa n di lóʔo.

Danyɛli 9:18

Mii Kolocɔlɔw, líiyi cáan mi lóʔo! Nyapiigèle múgu mi wolo gurubɛɛri wéle, kěgee na mɔ mɛ́ɛgi yeri lè! Wolo o wolo nyɛ́ɛrigboloyi nyɛ́ɛri mɔ ma wolo sínnɛ kapyegèlē kéele na í, mɔ nyinigbɔɔmi kéele na wii.

Matye 21:13

A wi be pye: «Ki maa sɛ́bɛ níì jo: ‹Pe a ra mii kpáagi yiri Kolocɔlɔɔ nyɛ́ɛrigi kpaʔa,› kàjáa yele n baa gi kàriga kàyuubēle tɛɛkòrogo.»

Mariki 11:17

A wi be tama níì jo: «Ki maa sɛ́bɛ níì jo: ‹Pe a ra mii kpáagi yiri Kolocɔlɔɔ nyɛ́ɛrigɛ kpaʔa, gee ki a pye lè syɛɛnfeleyi myɛ wóʔo.› Kàjáa yele n baa gi kàriga kàyuubēle tɛɛkòrogo.»

Zyan 2:16

Níì kàtopárabèle pye: «Ye yele yáriri bee yirige nɛɛ naa, ye a kɔ́ mii Tóow kpaʔa kàriga cédaala í.»

Heburubèle 4:13

Kolocɔlɔɔ yakpéʔelegaa faala a gbǎn làra wi na í, ti myɛ i nyɛ yatɔngɔ fun, ní wɔ́ɔ i nyɛ tɛɛlaraga fun wi yɛʔɛ̀ ma, woro wee má wolo yɛlɛ bàā wolo kérigèle fíligi da nyuu lè.