Zyeremii 7:10 - Cebaara Bible 2010

¹⁰ Koro kàdoʔo ma ní i maa n ba ni yèré mii yɛ́ʔɛ ma kpáagi naa ni, gee na mii mɛ́ɛgi nyɛ lè, ní i gi nyuu níì jo: Wolo n syɔɔ. Koro nyúngi gi nyɛ jàngó yele í da yanɔnʔɔyi bee myɛ kpéʔele!

Zyeremii 7:10 Iomraidhean Croise

1 Fànʔafɔbèle 9:3

A Yawe wi pye: «Mii n mɔ nyɛ́ɛrigi ní mɔ nyɛ́ɛrigbɔɔgi lóʔo. Kpáagi naa mɔ faan lè, mii n gi yaʔa kɔlɔ̀ na niyɛɛ ma, koro gee na mɔ mii mɛ́ɛgi taʔa lè gi kòro gi na làla o làla. Mii nyɛ́nɛ ní mii fúngi a pye gi na làla o làla.

2 Fànʔafɔbèle 21:4

A wi sáriga-wòlo-yafaanya faan Yawe kpáagi ni, bi gi taa Yawe maa jo: «Zyerusalɛmi ni mii a mii mɛ́ɛgi yaʔa gi pye.»

2 Cányi kèlē 33:4

A wi sáriga-wòlo-yafaanya faan Yawe kpáagi ni, bi gi taa Yawe maa jo: «Zyerusalɛmi má mii mɛ́ɛgi a pye làla o làla.»

2 Cányi kèlē 33:7

Ndedangee wi da sámaga lè, a wi gi tɛ́ʔɛ Kolocɔlɔɔ kpáagi ni. Bi gi taa Kolocɔlɔɔ maa gi joo Davidi, ní wi jáaw Salomɔn ma níì jo: «Mii mɛ́ɛgi a pye kpáagi naa, ní Zyerusalɛmi na làla o làla, tɛ́ɛgi bee mii nyɛ́nɛ n wòlo lè Isirayɛli syɛɛnfeleyi myɛ nínge ni.

Kàseegèle 15:8

Syɛɛnpeebèle sáriga i nyɛ yanɔnʔɔgɔ Yawe ma, kàjáa syɛɛnsinbèle nyɛ́ɛrigɛ n wi dɛ́nɛ.

Ezayi 48:2

Níì cán pe i kècǎngi mɛ́ʔɛ yiri peyɛɛ na, níì télege Isirayɛli Kolocɔlɔw na, wee mɛ́ʔɛ gi nyɛ lè Nyɛ̀ʔɛni Sùlasiibéle Kafɔlɔ Yawe.

Zyeremii 32:34

Pe n be yanɔnʔɔyi tɛ́ʔɛ kpáagi ni, gee na mii mɛ́ɛgi nyɛ lè jàngó bi gi nɔ́nʔɔ.

Zyeremii 34:15

Yele si na, níjanʔa, yele maa lúru n pan, yele maa gi kpéʔele a gi sín mii nyɛ́nɛ na, àmɛɛ yele myɛ nibin nibin yele syɛɛnnyɛnbèle yaʔala kéele jáari lè, níì joogaanna kpéʔele mii yɛ́ʔɛ ma kpáagi ni, gee na mii mɛ́ɛgi nyɛ lè.

Zyeremii 44:9

A yele fɛ̀ʔɛ lé yele tóolɛɛbèle kapeeye, ní Zyuda fànʔafɔbèle wóyo, ní be cébèle wóyo, ní yele kapeeyi, ní yele cébèle wóyo na, yee be kpéʔele lè Zyuda tári, ní Zyerusalɛmi kàlari-kóloyi ni?

Zyeremii 7:11

Kpáagi naa na mii mɛ́ɛgi nyɛ lè, ki o nyɛ yele nyɛ́nɛ na kàyuu-fànʔafɔɔlɔ tɛɛlàraga ì? Anbée mii tiimaa gi nyaagi, Yawe wi jo nya.

Zyeremii 7:14

mii a keele tɛ́ʔɛ kpáagi na, gee na mii mɛ́ɛgi nyɛ lè, koro gee na yele yeyɛɛ daʔa lè, ní tɛ́ɛgee mii kaan yele ní yele tóolɛɛbèle ma lè, mii a gi pye bi yɛlɛ ní gee ní mii da tɛ́ʔɛ Silo na lè.

Zyeremii 7:30

Níì cán Zyuda syɛ́ɛnbèle n gi kpéʔele, gee gi pee mii nyɛ́nɛ na lè, Yawe wi jo nya. Pe n be yanɔnʔɔyi tɛ́ʔɛ kpáagi ni, gee na mii mɛ́ɛgi nyɛ lè, koro ga pye bi gi nɔ́nʔɔ.

Ezekyɛli 20:39

Yele si na, Isirayɛli kpáagi wòolo, Kàfɔw Yawe wi syɛ́ɛnri naa joo níì jo: Yaa syée, ye myɛ nibin nibin n yɛlɛ ye sa ra ye yasunyo sungu! Kàjáa koro kàdoʔo ma wo a gi wéle kapye yele a ní ba ra lúro mii ma í! Yele a ní mii mɛ́ɛcǎngi faʔa ní yele sárigaw yakaanya, ní yele yasunyi ní í.

Ezekyɛli 23:29

Pe a mɔ cò ní paraga ní. Pe a mɔ fáliw tɔ̀nɔ myɛ láa, si mɔ yaʔa níbori, níbori fée. Mɔ nanjaari nɔ́nʔɔrɔ a nyaa, toro di nyɛ mɔ nɔ́nʔɔri ní mɔ kapeekpɔɔgi.

Ezekyɛli 23:37

Níì cán pe n peyɛɛ gaan kanɔnʔɔri ma, á sìsyaan si i nyɛ be kɔ́yi na, pe n kanɔnʔɔri kpéʔele ní be yasunyi ní. N fàra gee bee na, pe nànbiigèle pe da see mii ma lè, pe n ge kaan yi ma jàngó yi ge lìi.

Ezekyɛli 23:39

Pe n be nànbiigèle kpóo pe yasunyi na, níì kári cángi bee wonijanga mii tɛɛcǎngi ma bi sa gi nɔ́nʔɔ. Gee bee be kpéʔele mii kpáagi nínge ni téw.

Ezekyɛli 33:25

Awá, ki joo be ma mí be pye: ‹Kàfɔw Yawe wi syɛ́ɛnri naa joo níì jo: Yele i yele lìíli líi ní sìsyaanw ní, yele n nyapiigèle yìrige ni yele yasunyi wéle, yele i sìsyaanw ŋuu. Yele si tári fáliga taa lé?

Ezekyɛli 33:31

Pe i kpóʔoro ni maa mɔ ma syɛɛnnɛʔɛmɛ, mii syɛ́ɛnbèle i tɛ̀ɛ́n mɔ yɛ́ʔɛ ma. Pe i mɔ syɛ́ɛnri lúro, kàjáa pe o táanri di na í, pe i gi kpéʔele ní syɛɛntaanra ní pe nyɔ́ɔyi na, á tɔ̀nɔpeew kári ní be fúnyi ní.

Ezekyɛli 5:11

Kàfɔw Yawe n jo: «Koro na mii woweew mɛ́ʔɛ na, àmɛɛ mɔ mii tɛɛcǎngi nɔ́nʔɔ lè ní mɔ katoolɛɛri myɛ, ní mɔ yanɔnʔɔyi myɛ ní, mii a wɔ́ɔ láʔa mɔ na, mii a tée mɔ nyaa nyinimɛ wóo ní í, mii wɔ́ɔgēle, mii a gi kpéʔele nyinimɛ fun.

Danyɛli 9:18

Mii Kolocɔlɔw, líiyi cáan mi lóʔo! Nyapiigèle múgu mi wolo gurubɛɛri wéle, kěgee na mɔ mɛ́ɛgi yeri lè! Wolo o wolo nyɛ́ɛrigboloyi nyɛ́ɛri mɔ ma wolo sínnɛ kapyegèlē kéele na í, mɔ nyinigbɔɔmi kéele na wii.

Oze sɛ́bɛw 6:9

Amɛɛ kàyuu-fànʔafɔɔlɔ làrá ni syɔɔn sige lè, ànbée sáriga-wòlobèle kabiga syɛ́ɛnbèle sige ni kúu Sisyɛmi kólogi na. Gee bee i nyɛ kapeekpɔʔɔ!

Amɔsi 4:5

Yaa yele bariga kaanni sáriga wóo ní levé ní! Yaa yele kínidɛnɛgi yakaanya kéele nyuu yaa jáari! Níì cán koro gi yele dɛ́nɛ, yele Isirayɛli yòdaʔayi,» Kàfɔw Yawe wi jo nya.

Sofonii 1:5

ní bele be tuun nyɛ̀ʔɛni ŋɔripiigéle yɛ́ʔɛ ma kpáayi ǹjoyo ni lè, ní bele be tíri ni tuun ní i kɛ̀ɛ́ Yawe na lè, ní wɔ́ɔ i kɛ̀ɛ́ Milikɔmi na lè,

Malasyii 3:15

Tɔ́ɔliw ni wolo i gi tímana n jo nɛ̀ɛgbɔʔɔgi fɔ̀ɔlɔ i nyɛ dùba pìibēle. Kányɛʔɛ na, bele be péemi kpéʔele lè, kàa i taari be na. Pe tɔ̀nɔ́ i Kolocɔlɔɔ pingi ni wéle, yafyɛn si o be taagi í!› »

Matye 23:13

«Wɔʔɔli a pye yele na, làlwaw sɛ́bɛwelebéle ní Farisibèle, yele bele ye nyɛ lè syɛɛnjóotɛɛyi siin joofɔɔlɔ! Níì cán yele n nyɛ̀ʔɛni fànʔa tɔ́n syɛ́ɛnbèle na. Yele o jǐn gi ni í, yele si ga wɔ́ɔ̀ fɔ̀lɔ n bele yaʔa pe i jǐn gi ni í. [

Zyan 13:18

Mii o dee naa nyuu yele myɛ kéeli na í. Bele mii nyɛ́nɛ n wòlo lè, mii n be cán. Kàjáa fwɔɔ Kolocɔlɔɔ syɛɛnsɛbɛri í foro, dee di jo lè: ‹Wee wi líi ní mii ní lè, woro wi kàri mii nigoow.›

Zyan 18:28

A be yiri Kayifu tɛ́ɛgi ni n kári ní Zyezu ní fànʔafɔw tɛɛkòrogo ma, ki maa pye nyǐngi nyɔ́ɔ na. Pe ga fɔ̀lɔ n jée fànʔafɔw tɛɛkòrogo ni í, ní i sɔ̀ngí poro a kɔ́ nɔ́nʔɔ, níì cán pe maa ni caa bi Sɔ̀lɔ-mí-yaʔali séri lìile lìi.