Zyeremii 6:8 - Cebaara Bible 2010

⁸ Zyerusalɛmi, ki n yɛlɛ mi fɔ̀lɔ tamani na, koro ga pye mii a kɔ́ láʔa mɔ na í, si mɔ kàriga fìimɛ tára, mɔ í pye syɔɔn fun í.»

Zyeremii 6:8 Iomraidhean Croise

Ŋúnuyi 2:10

Tɔ́ɔliw ni, yele fànʔafɔbèle, ki n yɛlɛ ye cìlige! Tári kútiijoobéle, ki n yɛlɛ ye tamani cò!

Ŋúnuyi 50:17

bi gi taa ki ga mɔ dɛ́nɛ pe mɔ kàriga í, á mɔ wɔ́ɔ̀ mii syɛ́ɛnri wáa miyɛɛ kàdoʔo ma?

Ŋúnuyi 94:12

Syɔɔnwee mɔ kpúmɔn ni kàragí lè, wi i nyɛ dùba pyà, ee Yawe! Woro wee mɔ tama mɔ lalwaw na lè,

Kàseegèle 19:20

Ki n yɛlɛ mi lálii syɛ́ɛnri lóʔo mí fɔ̀lɔ tamani na, jàngó ki kàdogi í ba pye mɔ í pye sícilio.

Kàseegèle 4:13

Ki n yɛlɛ mi tamani sámaga mi cò, mɔ a kɔ́ li yaʔa í, tan li na, níì cán loro li nyɛ mɔ siiw.

Zyeremii 17:23

Kàjáa pe ga lóʔo í, pe ga líiyi cáan í, fwɔɔ a pe be nyùngbaabèle kpee, jàngó poro a kɔ́ lóʔo si fɔ̀lɔ tamani na í.

Zyeremii 2:15

Càarabiiye i kaana wi na, ni yákpogèle wáa, ní i wi tári kálagi. Wi kěyi n sógi. Syɛ̀ɛnnɛ ní o yi ni í.

Zyeremii 31:19

Mii kolo-lúrugwɔɔli kàdoʔo ma, a mii kàdoʔo wáa mii kapeegèle ma. Amɛɛ mii niyɛɛ ján lè, a mii i mii ceekpɔɔli kpúmɔn, mii maa nyìn fɛ̀ɛ́ri ní fyáari na, Níì cán mii cárimi làla faʔara i nyɛ mii na tugoro.›

Zyeremii 32:33

Pe n kàdoyi wáa mii ma, yɛ́ɛyi ban í. Mii n be tama, mii n be tama sìnyére ni. Kàjáa pe ga lóʔo í, koro ga pye bi fɔ̀lɔ tamani na í.

Zyeremii 4:14

Péemi pɛ́ɛ mi yirige mɔ fúngi ni, Zyerusalɛmi, koro ga pye mɔ í syɔɔ! Làla jòorí mɔ a kwɔ́ɔ nya wodɛ́ɛɔn ní mɔ fúngi sɔ̀ngubeere ni?

Zyeremii 7:20

Gee bee na Kàfɔw Yawe syɛ́ɛnri naa joo níì jo: ‹Wéle, mii fundanʔari, ní mii fundanʔagbɔɔri a too tɛ́ɛgi naa na, syɛ́ɛnbèle, ní yaweeri, ní sìnbirigi tíire, ní tári yasanra na. Ti a ra có bànvigi ni.›

Zyeremii 7:28

Koro na gi joo be ma mí be pye: ‹Syɛɛnfelegaa gi nyɛ gee naa, gee gi lè ki o Yawe gi Kolocɔlɔw jóomɔ lúro í, ki wɔ́ɔ o caa bi fɔ̀lɔ tamana na í. Kányɛɛgi ní o beè í, ki n kwɔ́ɔ n láʔa pe nyɔ́ɔyi na.›

Zyeremii 7:34

Mii a mugurumi, ní fundaanri ŋúnuyo, ní cefɔɔn fɔ́lɔ, ní cefɔnw ŋúnuyo kwɔ́ɔ Zyuda kěyi, ní Zyerusalɛmi kàlari-kóloyi ni. Níì cán tári a pye kataya.»

Zyeremii 9:11

Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Ezekyɛli 23:18

Wi n wi nànjaari múgu n yaʔa, wi n wi níborigi múgu n yaʔa. A mii fúngi láʔa wi na, àmɛɛ mii fúngi da láʔa wi senyɛnjew na lè.

Oze sɛ́bɛw 2:5

Kapye koro ban í, mii a wi waragi péw, bi wi pye wi canzeegi cére na. Mii a wi kàriga àmɛɛ fìími tára nyɛ lè, bi wi pye àmɛɛ lɔ̀ʔɔ fun tára nyɛ lè, si lògbaalaagi yaʔa ki wi kpóo.

Oze sɛ́bɛw 9:12

Alí pe ga ni be pìíbèle gbóo, mii a be bɔ̀nɔ be ni sáni pe lɛɛ bi nìri lè, mii ga kàdoʔo wáa be ma lǎli ni lè, wɔʔɔli a pye be na.

Levii ye sáriga-wòlori 26:34

Lǎli bee ni, lǎlee myɛ yele a kwɔ́ɔ lè yele nigoobèle tára ni, tári si kòro wowaara ní, tári a di ŋɔ́ndaali yɛ̀ʔɛlɛ taa, tári a ŋɔ́n daa bi di ŋɔ́ndaali yɛ̀ʔɛlɛ taa.

Sofonii 3:7

Mii maa ni gi nyuu níì jo: Mɔ mi tɛ́nɛ maa fɛ̀ɛgí mii na, mí fɔ̀lɔ kpúmɔn-mí-kàrigali na! Kánmi bee na kérigèle myɛ mii tɛ́ʔɛ n wi sàmi lè, mii màko a dée pye bi wi kálagi í. Kàjáa a be sèʔê tɔlɔyɔ wári be kálagimi kapyere kurugo.

Làlwaw Kaanziin 32:29

Pe ga maa pye sícilibēle, gee pe a dée cán wàli lè, koro gi nyɛ, pe mǎà dée pe nyɛ̀ʔɛnaw kéele cán.