Zyeremii 6:7 - Cebaara Bible 2010

⁷ Amɛɛ kɔ̀lɔ́ wi lǒgi púlo lè, kánmi bee na wi wi péemi púlo. Kàfulogaa nikwɔɔ o nyɛ wi ni kapye péemi ní gàlagíw wóʔo ban í. Yáami ní kpàliyi yi nyɛ mii yɛ́ʔɛ ma làla o làla kwɔ́ɔmɔ fun.

Zyeremii 6:7 Iomraidhean Croise

Kàseegèle 4:23

Da mɔ fúngi kɔ̀rɔsíi mi sɔ̀lɔ yáriri myɛ na, níì cán fúngi ni syɔɔn siiw kèlē myɛ yirigi.

Ezayi 1:6

N séli yédaagèle na n sáà nan nyǔngi na, yaama fun tɛ́ɛlɛ o yaà í, fwɔɔ kpàliyi, ní kpumɔnnamiyi, ní namikaayi, tiinmɛ ga pye yi na í. Yi ga pwɔɔ í, sìnmɛ ga taʔa yi na í.

Ezayi 57:20

Kàjáa syɛɛnpeebèle i nyɛ àmɛɛ sólomi lɔ̀ʔɔ nyɛ, gee gi tugu ni yìrigí lè, gee gi lè ki a gbǎn sínɛ sági í, gee lòyo yi yanɔnʔɔri féleye myɛ lée ni wáa lè.

Ezayi 59:6

Pe fànitiinw a gbǎn burogo wólo nyɔɔ í, pe a gbǎn peyɛɛ dɔ́n ní be kɔ́yi fáli ní í. Pe kapyegèle i nyɛ sìnzinmɛ kapyegèlē, a péemi kapyere wɔ́ɔ i nyɛ be kɔ́yi ni.

Zyeremii 20:8

Mii ga ni nyuu lǎlee faala ni lè, fwɔɔ mii í da yákpoli wáa, fwɔɔ mii í da gi nyuu si jo: «Tanʔara ní kálagila!» Pe i mii faari ní i mii kpàná canbogi myɛ ni Yawe syɛ́ɛnri kéele na.

Zyeremii 30:12

Yawe wi syɛ́ɛnri naa joo níì jo: ‹Mɔ kpaligi i nyɛ kpàlinaa-sìnbɔʔɔgɔ, mɔ námigi i nyɛ namipeʔe.

Zyeremii 30:13

Wàa faala ga taa bi mɔ kéeli yáa í, koro ga pye bi mɔ námigi pwɔɔ í. Tiindaanma a taa mɔ kéeli na í.

Zyeremii 30:15

Nyàʔá na mɔ yákpoli wáa mɔ kpaligi kéele na, ní mɔ yayaanaa-sìnbɔʔɔgi kéele na? Mɔ kakolobyeri nɛʔɛnɛ kéele, ní mɔ kapeegèle péemɛ kéele na mii koro kpéʔele mɔ na.

Zyeremii 32:31

Kěgi naa tɔ̀nɔ́ i nyɛ mii ma fundanʔara ní fundanʔagbɔɔrɔ sábabu nlaa yaà ki canvaangi na fwɔɔ n baa nan níjanʔa na, n baa nan mii í gi yirige yaà niyɛɛ yɛ́ʔɛ ma,

Zyeremii 8:22

Céyaa-sìnmɛ ní o nyɛ Galaadi ni ì? Lɔ̀ʔɔtɔrɔɔ ní o yaà ì? Nyàʔá na kàa o taari mii calipili pɔʔɔlɔ na í li lè mii syɛ́ɛnbèle?

Ezekyɛli 21:29

Awá, gee bee na Kàfɔw Yawe n jo: ‹Amɛɛ yele sɔ̀ngí ni taagi yele kolomi na lè, níì yele céemi kèlē múgu n yaʔa n yele kapeegèle tɛ̀ɛn yele kapyegèle myɛ báriga ni lè, àmɛɛ yele sɔ̀ngí ni taagi gee bee na lè, wi kɔ́gi a yele cò.

Ezekyɛli 24:7

Níì cán sìsyaanw gi wo lè, wi n kòro ki níngi ni. Ki n wi taʔa fálawaʔa na, ki ga wi wo tári na si wi tɔ́n ní támiige ní í.

Ezekyɛli 45:9

«Kàfɔw Yawe wi syɛ́ɛnri naa joo níì jo: ‹Wobyegwɔɔgi n yɛlɛ nya, Isirayɛli fànʔafɔbiigèle! Ye yele péemi ní yele yanɛnɛ-mí-syɔɔri kéele yérige nya, yáā táanri kányɛɛgi ní sínni na, ye láʔa nya mii syɛ́ɛnbèle nɔ̀ʔɔrɔlɔ na. Kàfɔw Yawe wi jo nya.

Ezekyɛli 7:11

Tanʔari n yìri n pye sàbinnɛ péemi ma, yafyɛn ga níì kòro be ma í, pe nɛʔɛmɛ kafulogo a ní pye beè í, pe nɛʔɛmi ní gi myɛ ní wàa a ní kòro be ni í! Pe o nyaan ni peele be kéeli na í!

Ezekyɛli 7:23

Nyɔ̀ʔɔdiriye sámaga! Níì cán tári n nyìn syɛɛnkpoori kútii na, kěgi n nyìn kaŋágabyeri na.

Sofonii 3:1

Wɔʔɔli a pye kèceegi na gi nɔ́nʔɔ lè, koro gee gi nyìn fǎngi gbànvɔɔlɔ na lè!