Zyeremii 6:6 - Cebaara Bible 2010

⁶ Níì cán Yawe wi lè Nyɛ̀ʔɛni Sùlasiibéle Kafɔlɔ, wi n jo: «Ye tíiri kpúmɔn, ye tɛɛ̀lúguyo sámaga Zyerusalɛmi kánmi na! Kěgi naa n tɔ̀nɔ n yɛlɛ ní wɔʔɔlɔ ní. Gee myɛ gi nyɛ gi ni lè, koro gi nyɛ fǎngi gbànna.

Zyeremii 6:6 Iomraidhean Croise

Ezayi 37:33

Koro na syɛ́ɛnri naa Yawe joo Asirii fànʔafɔw kéele na, níì jo: ‹Wi a jée kěgi naa ni í, wi a ŋaʔa wáa gi ni í. Wi a yìri gi kánmi na ní tunmɔzige-yariga ní í. Wi a tɛɛ̀lúgugo sámaga gi taana í.

Zyeremii 20:8

Mii ga ni nyuu lǎlee faala ni lè, fwɔɔ mii í da yákpoli wáa, fwɔɔ mii í da gi nyuu si jo: «Tanʔara ní kálagila!» Pe i mii faari ní i mii kpàná canbogi myɛ ni Yawe syɛ́ɛnri kéele na.

Zyeremii 22:17

«Kàjáa mɔ nyapiigèle ní mɔ fúngi o nyɛ yafyɛn na mɔ tɔnɔtaari kàdoʔo na í, mɔ i tɛɛlɛ fun sìsyaanw ŋuu, ní wɔ́ɔ i fǎngi gbàngí peemɛ ni.»

Zyeremii 32:24

Wéle, yalúguyi n yérige n kwɔ́ɔ kěgi taana bi gi syɔɔ taa. Kěgi n le Kalide ye kɔ́yi ni, poro bele be túngu ní gi ní lè, pe n gi jáa ŋɔséew, ní kateekpɔɔgi, ní káfalagi yáama báriga ni. Syɛ́ɛnri mɔ joo lè toro di nan dee, a mɔ i gi nyaagi.

Zyeremii 32:31

Kěgi naa tɔ̀nɔ́ i nyɛ mii ma fundanʔara ní fundanʔagbɔɔrɔ sábabu nlaa yaà ki canvaangi na fwɔɔ n baa nan níjanʔa na, n baa nan mii í gi yirige yaà niyɛɛ yɛ́ʔɛ ma,

Zyeremii 33:4

Níì cán Yawe wi lè Isirayɛli Kolocɔlɔw, woro wi syɛ́ɛnri naa joo kěgi naa kpaaya kéele na, ní Zyuda fànʔafɔbèle kpaaya kéele na, yoro yee pe a círi cáan lè yalúguyi ní ŋɔséew báriga ni,

Zyeremii 39:1

Zyuda fànʔafɔw Sedesyasi fǎngi yɛ̀ʔɛlɛ kpanjɛrɛ wólo na, yɛ́ɛli yeye kɛɛ wóʔo na, a Babilɔni fànʔafɔw Nebukadinezari pan ní wi kapɛɛnkpumɔnbèle myɛ ní Zyerusalɛmi kánmi na, ní baa tɛ́ɛn gi taana kapɛɛnni kánma na.

Zyeremii 5:29

Mii si kòro lé kàa sìnbye ni kérigèle bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Zyeremii 5:9

Mii si kòro lé kàa sìnbye ni kapyeri bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Ezekyɛli 4:2

Mí gi pye pèle í tɛ́ɛn gi taana kapɛɛnni kánma na, mí bǒboliyo sámaga gi kánmi na, mí tɛɛ̀lúguyo yérige gi kánmi na, mí kapɛɛnkpumɔnbéle télege gi taana, mí tòjaa-mazinbéle tɛ́ʔɛ mi gi màʔa.

Ezekyɛli 5:5

Kàfɔw Yawe wi syɛ́ɛnri naa joo níì jo: «Zyerusalɛmi wii, mii maa wi télege tári syɛɛnfeleye nínge ni, ní tátɛɛyi yi wi màʔa lè,

Danyɛli 11:15

Solomɔkulo kàbangi fànʔafɔlɔ a pan ba tɛɛlúguyo sámaga bi kènirige syɔɔ taa. Wòrogulo kàbangi fànʔafɔlɔ kapɛɛnkpumɔnbéle, ní wi jàbɔbèle a gbǎn yére wi sige í, pe a fànʔa taa bi yére wi sige í.

Sofonii 3:1

Wɔʔɔli a pye kèceegi na gi nɔ́nʔɔ lè, koro gee gi nyìn fǎngi gbànvɔɔlɔ na lè!

Luki 19:43

Làlaa i maa mɔ nigoobèle a ba yafanʔa faan bi mɔ màʔá kpàra bi mɔ tɛɛyiriyi myɛ syɔɔ mɔ na, si mɔ kpɛnʔɛri kàbanyi myɛ na.