Zyeremii 6:1 - Cebaara Bible 2010

¹ «Ye fàn ye yiri Zyerusalɛmi níngi ni, Bɛnzyamɛ syɛ́ɛnbèle, ye tòmaagi wìi Tekowa ni, ye dìrapo yìrige Bɛti-Hakerɛmi ni! Níì cán wɔʔɔlɔ, ní kálagigbɔɔlɔ n yìri solomɔkulo ma ni maa.

Zyeremii 6:1 Iomraidhean Croise

2 Samyɛli 14:2

A wi tun Tekowa ma, a be sáà cesiciliwaa caa n pan. A wi baa gi joo céw bee ma níì wi pye: «Miyɛɛ bye mɔ a jo mɔ i nyɛ kùu káyaʔa na, mí kùu káyaʔa yalere le. Mɔ si a kɔ́ nùndaanna sìnmɛ tíre í, mí pye mɔ a jo cewaa wii, wee wi nyɛ kùu káyaʔa na n mɔn lè.

2 Cányi kèlē 11:6

Wi n Bɛtilehɛmi, ní Etami, ní Tekowa,

Nehemii 3:14

Erekabi jáaw Malikiya wi lè Bɛti-Hakerɛmi tɛ́nɛmi kùndigi, a woro Kábogi kpàánweele sámaga. Wi n li faan níì li kɔ̀riyi le, n fàra gbóʔoroyi ní yasɔʔɔyi na.

Nehemii 3:5

á Tekowa ye báara poro taana, poro bele mɛ́ɛkpoloyo fɔɔlɔ be lè pe da peyɛɛ gaan be kàfɔbèle fáli ma í.

Zyeremii 10:22

Wo i kàfulogo lúro gee, ki i nyɛ tìngbɔɔmɔ, bee bi yìri solomɔkulo tári ma ni maa lè bi ba Zyuda kěyi kàriga tɛɛ̀kalagiga, ní gbàáyi tɛɛkòrogo.

Zyeremii 25:9

wéle, mii n tun pe sa solomɔkulo syɛ́ɛnbèle myɛ yeri bi pan,» Yawe wi jo nya, «ní Babilɔni fànʔafɔw Nebukadinezari, wi lè mii falipyew, mii a be yaʔa be pan tári naa kánma na, ní di syɛ́ɛnbèle kánma na, ní syɛɛnfeleyi naa myɛ kánma na yi di màʔa lè, bi ba be kálagi kwɔ́ɔ, bi be pye funwɔɔrɔ yáriga, ní faʔara yáriga, ní bàngwɔɔ yakalagiga.

Zyeremii 4:29

Kěgi myɛ i fé syɔ́ɔnyi fɔ̀ɔlɔ, ní sedeŋɔɔbèle kàfulogo na. Pe i jǐn kɔliyi ni, pe i lúru fálayi na. Kěgi myɛ n yaʔa, syɛ̀ɛnnɛ ní o nyɛ gi ni í.

Zyeremii 6:22

Yawe wi syɛ́ɛnri naa joo níì jo: «Syɛɛnfelegaa wéle, gee gi yìri solomɔkulo tári ma ni maa lè, syɛɛnfele-nɛʔɛgɛ, gee gi yìri yaà tári láʔagéle ma lè.

Amɔsi 1:1

Amɔsi wi pye lè Tekowa yaweegboowaa woro syɛ́ɛnri, ní yanyaagi wi nyaa lè Isirayɛli kéeli na, Zyuda fànʔafɔw Ozyasi lǎli ni, ní Isirayɛli fànʔafɔw Zyerobowami lǎli ni wi pye lè Zyowasi jáaw. Koro n pye a gi yɛ̀ʔɛlɛ siin kwɔ́ɔ sáni tári í cɛ̀lɛ lè.

Amɔsi 3:6

A pe i kapɛɛnnɛ tòmaʔa wíi lé kàʔa ni syɛ́ɛnbèle í kòro sìnvyaa ni ? A wɔʔɔgɔ i tuun lé kàʔa na n gi yaʔa ki ga yìri Yawe ma í?

Zakarii 6:6

Syɔɔnwɔɔyee na wòtorowee pwɔɔ lè, yoro i yirigi ni syée solomɔkulo tári kàbaan na. Syɔɔnfiiyi si i yirigi yee bee kurugo, á tɛɛ̀nyɔngɔ-nyɔngɔyi wóyo si i yirigi ni syée wòrogulo kàbangi na.

Zyozuwe 15:63

Yebusi ye pe da pye lè Zyerusalɛmi ni, Zyuda yòdaʔayi ga gbàn n be nɛnɛ n yirige yaà í. Yebusi ye i nyɛ wodɛ́ɛnbéle ní Zyuda yòdaʔayi nínge ni, Zyerusalɛmi ni fwɔɔ n baa nan níjanʔa na.

Jàbɔbèle 1:21

Yebusi ye be pye wodɛ́ɛnbéle ní Zyerusalɛmi ni lè, Bɛnzyamɛ yòdaʔayi ga be nɛnɛ n yirige yaà í, a Yebusi ye tɛ́ɛn Zyerusalɛmi ni ní Bɛnzyamɛ yòdaʔayi ní fwɔɔ n baa nan níjanʔa na.