Zyeremii 52:9 - Cebaara Bible 2010

⁹ A be fànʔafɔw Sedesyasi cò n kári Babilɔni fànʔafɔw ma Iribila ma, Hamati tári ni, a wi sáà kútiiw kúun yaà beè wi na.

Zyeremii 52:9 Iomraidhean Croise

1 Fànʔafɔbèle 8:65

Lǎli bee ni a Salomɔn fɛ́tiiw kpéʔele woro ní Isirayɛli ye myɛw ní. A syɛɛnnɛʔɛmɛ yìri yaà n séli Lebo-Hamati ma n sáà nan Ezyipiti lòcoologi na n pan n baa kpóʔoro Yawe wolo Kolocɔlɔw yɛ́ʔɛ ma canya kɔrɔsiin fúngo ni, ní níì yàa kɔrɔsiin fàra yaà, a yi pye canya kɛɛ ní sicɛrɛ.

2 Fànʔafɔbèle 23:33

A Faraɔnw Neko wi le nyɔ̀ʔɔmɔ na Iribila ni, Hamati tári ni, jàngó wi a ní kɔ́ pye fànʔafɔlɔ Zyerusalɛmi ni í. A wi wálifiio cúlobéle selebinnɛ ní saala kagunɔ wáa tári na n fàra tɛɛ̀ cúlobéle toko ní kpɔrigɔ na.

2 Fànʔafɔbèle 25:6

A be fànʔafɔw Sedesyasi cò n kári Babilɔni fànʔafɔw ma Iribila ma. A be sáà kútiiw kúun yaà beè wi na.

2 Cányi kèlē 33:11

Lǎli bee ni a Yawe Asirii fànʔafɔw kapɛɛnkpumɔn-kùndigibéle yaʔa a be pan be kánmi na. A pe baa Manase cò n cɔ̀ʔɔlɔyɔ le wi na, níì kanyɛɛnrɛ nyɔ̀ʔɔmɔ tɛ́ʔɛ n wi pwɔɔ n kári Babilɔni ma.

2 Cányi kèlē 8:3

A Salomɔn kári Hamati kánmi na ki lè Soba wógi n sáà gi fálimi syɔɔ n taa.

Zyeremii 21:7

Koro kàdoʔo ma Zyuda fànʔafɔw wi lè Sedesyasi, ní wi falipyebèle, ní syɛ́ɛnbèle bele pe ga kòro kěgi naa ni lè káfalagi yáama, ní ŋɔséew, ní kateekpɔɔgi kàdoʔo ma, mii a be le Babilɔni fànʔafɔw Nebukadinezari kɔ́yi ni, ní be nigoobèle kɔ́yɔ ni, ní bele kɔ́yɔ ni pe be sìikwɔɔri caa lè. Wi a be kpúmɔn kpóo ní ŋɔséew nyɔ́ɔ ní, nyinimɛ fun, ní cɔɔnrimɔ fun, ní tɔʔɔlɔmɔ fun,› Yawe wi jo nya.

Zyeremii 39:5

Kàjáa Kalide ye kapɛɛnkpumɔnbèle maa taʔa be na ni nɛnɛ, ní sáà Sedesyasi nɛnɛ n taa Zyeriko tɛɛfiigi na. A be wi cò n lúgu n kári ní wi ní Iribila ma Babilɔni fànʔafɔw Nebukadinezari ma, Hamati tári ma. A woro sáà wi kútiiw joo yaà beè.

Kayaagi Nyɛnigɛ 4:20

Wee wi da pye lè wolo sìíw, wi lè Yawe wonyɛnɛ-wòlow, woro n cò pe weecuruyi ni, woro wee kéele na wolo da ni gi nyuu lè níì jo: «Wi nyínmi ni wolo a kòro sìi na syɛɛnfeleyi nínge ni.»

Ezekyɛli 11:10

Ŋɔséew a yele kpóo cáan, mii a kútiiw kúun yele na Isirayɛli láʔagologi na, yele a gi cán bi cán mii wi nyɛ Yawe.

Ezekyɛli 23:24

Pe i maa mɔ kánmi na ní kapɛɛnkpumɔn-yárira ní, ní kapɛɛnkpumɔn-wòtorobéle, ní tugolaa-yafanya ní, ní syɛɛnfeleye syɛɛnnɛʔɛmɛ ní. Pe a tunmɔzige-yakpoloyo, ní wobiigéle, ní tunmɔrɔ nyùndɔnyɔ láa mɔ kánmi na bi yìri kàbanyi myɛ na, mii n kútiiw kéele le be kɔ́yi ni, pe a kútiiw kúun mɔ na bi yɛlɛ ní be làlwabèle ní.

Córolo 13:21

A be kári n sáà tári saanri n wéle, n séli Sɛn fìími tára na n kári fwɔɔ n sáà nan Erehɔbi na, ki lè Lebo-Hamati tɛɛ̀jeeli nyɔ́ɔ na.

Córolo 34:11

Láʔagologi a séli Syefami ma bi tìgi fala Iribila ma, Ayɛn canʔafolomɔ kabangi na, si ní tìgi bi fala sa nan Kinerɛti sólomi lɔ̀ʔɔ nyɔ́ɔ na, canʔafolomɔ ma.

Zyozuwe 13:5

Gibilii ye tári, ní Liban canʔafolomɔ kabangi myɛ, nlaa Baali-Gadi tári ma yaà nyanbelegi tìgimɛ ni ki lè Hɛrimɔn, níì kári fwɔɔ n sáà nan Lebo-Hamati na,