Zyeremii 52:8 - Cebaara Bible 2010

⁸ Kàjáa Kalide ye kapɛɛnkpumɔnbèle maa fànʔafɔw Sedesyasi kɔ́ri n láa, ní sáà wi nɛnɛ n taa Zyeriko tɛɛfiigi na. A wi kapɛɛnkpumɔnbèle myɛ fàn n cariga n léeli wi na.

Zyeremii 52:8 Iomraidhean Croise

Zyeremii 21:7

Koro kàdoʔo ma Zyuda fànʔafɔw wi lè Sedesyasi, ní wi falipyebèle, ní syɛ́ɛnbèle bele pe ga kòro kěgi naa ni lè káfalagi yáama, ní ŋɔséew, ní kateekpɔɔgi kàdoʔo ma, mii a be le Babilɔni fànʔafɔw Nebukadinezari kɔ́yi ni, ní be nigoobèle kɔ́yɔ ni, ní bele kɔ́yɔ ni pe be sìikwɔɔri caa lè. Wi a be kpúmɔn kpóo ní ŋɔséew nyɔ́ɔ ní, nyinimɛ fun, ní cɔɔnrimɔ fun, ní tɔʔɔlɔmɔ fun,› Yawe wi jo nya.

Zyeremii 32:4

Zyuda fànʔafɔw Sedesyasi a syɔɔ Kalide ye fǎngi ma í, kàjáa wi a tɔ̀nɔ́ le Babilɔni fànʔafɔw kɔ́yɔ ni, wi a joo ní wi ní pe yɛɛcɔɔgèle le peyɛɛ ni.

Zyeremii 34:21

Mii a Zyuda fànʔafɔw Sedesyasi, ní wi syɛɛnkpolobèle le pe nigoobèle kɔ́yɔ ni, bele kɔ́yɔ ni pe be sìikwɔɔri caa lè, mii a be le Babilɔni fànʔafɔw kapɛɛnkpumɔnbéle kɔ́yɔ ni, poro bele pe wírè núngo yele taana n kári lè.

Zyeremii 37:17

A fànʔafɔw Sedesyasi tun a be sáà wi yeri. A fànʔafɔw baa wi yíbe làrama ni wi fànʔafɔ-gbaagi ni, níì jo: «A Yawe syɛ́ɛnraa i yaà lé?» A Zyeremii wi yari: «Ɛɛn!» Ní níì jo: «Mɔ a le Babilɔni fànʔafɔw kɔ́yɔ ni.»

Zyeremii 37:18

A Zyeremii níì fànʔafɔw Sedesyasi pye: «Nyàʔá kapeefelile mii kpéʔele mɔ na, wàlá mɔ falipyebèle na, wàlá syɛ́ɛnbèle naa na, á koro yele kaan a yele mii le kàsow ni?

Zyeremii 38:23

Mɔ cébèle myɛ, ní mɔ piíbèle a cò bi kári Kalide ye ma, mɔ si na, mɔ a yiri be kɔ́yi ni í. Babilɔni fànʔafɔw a mɔ cò ní wi kɔ́gi ní, si kěgi naa sórigo ní naà ní.»

Zyeremii 39:5

Kàjáa Kalide ye kapɛɛnkpumɔnbèle maa taʔa be na ni nɛnɛ, ní sáà Sedesyasi nɛnɛ n taa Zyeriko tɛɛfiigi na. A be wi cò n lúgu n kári ní wi ní Iribila ma Babilɔni fànʔafɔw Nebukadinezari ma, Hamati tári ma. A woro sáà wi kútiiw joo yaà beè.