Zyeremii 52:4 - Cebaara Bible 2010

⁴ Sedesyasi fǎngi yɛ̀ʔɛlɛ kpanjɛrɛ wólo na, yɛ́ɛli yeye kɛɛ wóʔo ki canya kɛɛ wógi na, a Babilɔni fànʔafɔw Nebukadinezari ní wi kapɛɛnkpumɔnbèle myɛ pan Zyerusalɛmi kánmi na ní baa tɛ́ɛn gi taana níì tɛɛ̀lúgugéle sámaga gi kánmi na.

Zyeremii 52:4 Iomraidhean Croise

Ezayi 29:3

Mii a tɛ́ɛn mɔ kánmi na bi mɔ màʔa, bi kapɛɛnkpumɔnbéle télege mɔ kánmi na bi mɔ sùlú le, bi yalúguyo yérige mɔ kánmi na.

Zyeremii 21:2

«Yawe yíbe wolo ma. Níì cán Nebukadinezari, wi lè Babilɔni fànʔafɔw, wi i kapɛɛnnɛ kpúmɔn ní wolo ní. Dɔ̀ʔɔ́ Yawe a ní wi kakpɔɔgaa kpéʔele wolo nyɔɔmi kéele na, koro ga pye wi léeli wolo na.»

Zyeremii 32:24

Wéle, yalúguyi n yérige n kwɔ́ɔ kěgi taana bi gi syɔɔ taa. Kěgi n le Kalide ye kɔ́yi ni, poro bele be túngu ní gi ní lè, pe n gi jáa ŋɔséew, ní kateekpɔɔgi, ní káfalagi yáama báriga ni. Syɛ́ɛnri mɔ joo lè toro di nan dee, a mɔ i gi nyaagi.

Zyeremii 34:1

Yawe syɛ́ɛnri di nan Zyeremii na lè, lǎli ni Babilɔni fànʔafɔw Nebukadinezari pan ní wi kapɛɛnkpumɔnbèle myɛ ní lè, ní si i nyɛ tátɛɛyi fànya myɛ nyúngo na, á syɛɛnfeleyi myɛ si i kapɛɛnni kpúmɔn ní Zyerusalɛmi, ní gi tɛ́nɛmi kèye myɛ ní lè, toro di dee naa:

Zyeremii 39:1

Zyuda fànʔafɔw Sedesyasi fǎngi yɛ̀ʔɛlɛ kpanjɛrɛ wólo na, yɛ́ɛli yeye kɛɛ wóʔo na, a Babilɔni fànʔafɔw Nebukadinezari pan ní wi kapɛɛnkpumɔnbèle myɛ ní Zyerusalɛmi kánmi na, ní baa tɛ́ɛn gi taana kapɛɛnni kánma na.

Zyeremii 4:17

Pe i Zyerusalɛmi máari àmɛɛ seʔe kpaàwelebéle nyɛ lè, níì cán ki n mii cée, Yawe wi jo nya.

Zyeremii 52:7

a be weʔe fùru kěgi tò na. A fànʔafɔw yiri ni fé yébiligi ni woro ní syɛ́ɛnbèle myɛ be pye lè kapɛɛnkpumɔnbèle n kpàánweeli kólogo láa ni syée gúnyi siin lariga ni fànʔafɔw nángwɔɔ taana. Koro n gi taa Kalide ye maa kěgi le nínge. A be Araba kólogi láa ni syée.

Ezekyɛli 21:22

Mii wɔ́ɔgēle, mii a kadaʔala kóri keyɛɛ na. Mii a gi sìndɛɛgi wòlo bi mii fundanʔagbɔɔri kwɔ́ɔ. Mii Yawe wi nyuu.› »

Ezekyɛli 21:27

Wi kàliige kɔ́gi ni gɔ̌nw nyɛ, wee wi Zyerusalɛmi tèé lè, beè gi yɛlɛ be tòjaa-mazinbéle tɛ́ʔɛ lè bi kpóogbɔɔlɔ kéele joo bi gbàn, bàā kapɛɛnnɛ yákpogéle wáa, pe a tòjaa-mazinbéle tɛ́ʔɛ télege kpàánweegèle na. Pe a tɛɛ̀lúguyo yìrige bi yérige, pe a bǒboliyo sámaga.

Ezekyɛli 26:8

Mɔ keyi yi nyɛ lè sìnbirigi ni, wi a yee bee kálagi ní ŋɔsée ní. Wi a bǒboliyo sámaga mɔ kánmi na, bi tɛɛ̀lúguyo yìrige mɔ kánmi na, si tunmɔzige-yariya yérige mɔ kánmi na.

Ezekyɛli 33:21

Wolo cǒgarili kàdoʔo ma, ki yɛ̀ʔɛlɛ kɛɛ ní siin wóli yeye kɛɛ wógi canya kagunɔ wóʔo na, Zyerusalɛmi wogorowaa baa nan mii na, níì mii pye: «Pe n fànʔa taa kěgi na.»

Ezekyɛli 40:1

Wolo cò-mí-kárili yɛ̀ʔɛlɛ toko ní kagunɔ wóli na, yɛ́ɛli sélimɛ na, yégi canya kɛɛ wóʔo na, kěgi toogwɔɔlɔ kàdoʔo ma yɛ̀ʔɛlɛ kɛɛ ní sicɛrɛ wóli na, cángi bee na Yawe kɔ́gi maa pye mii na, a wi kári ní mii ní yaà.

Levii ye sáriga-wòlori 26:25

Mii a ŋɔséew tórigo yele kurugo wi sa joogaanni kálagila gɔlɔ wòlo. Yele ga yeyɛɛ gbóʔoro n sáà kòro yele kèkpoloyi ni lǎli ni lè, mii a káfalagi yáama wáa yele na. Yele a le yele nigoow kɔ́yɔ ni.

Zakarii 8:19

«Yawe wi lè Nyɛ̀ʔɛni Sùlasiibéle Kafɔlɔ, wi n jo: ‹Yeye sicɛrɛ wógi súnlere, ní kagunɔ wógi súnlere, ní kɔrɔsiin wógi súnlere, ní kɛɛ wógi súnlere a kàri mugurumɔ, ní fundaanra canya Zyuda kpáagi wòolo ma, ní fundaanra kpóʔorojàngēle canya. Kàjáa ki n yɛlɛ kányɛɛgi ní yɛɛ̀nyingi kéele í yele dɛ́nɛ.› »

Luki 19:43

Làlaa i maa mɔ nigoobèle a ba yafanʔa faan bi mɔ màʔá kpàra bi mɔ tɛɛyiriyi myɛ syɔɔ mɔ na, si mɔ kpɛnʔɛri kàbanyi myɛ na.

Luki 21:20

«Yele ga kɔ́ɔ̀ kapɛɛnkɔyi nyaa a yi i Zyerusalɛmi máari lǎlee ni lè, ye gi cán ki làrigalagili n nan.