Zyeremii 52:3 - Cebaara Bible 2010

³ Kérigèle bee n kpéʔele Zyerusalɛmi, ní Zyuda ye na Yawe fundanʔari kéele na fwɔɔ n taa a wi kɔ́ baa be nɛnɛ n núngo wiyɛɛ yɛ́ʔɛ ma. Sedesyasi si maa baa Babilɔni fànʔafɔw cée.

Zyeremii 52:3 Iomraidhean Croise

Sélimɛ 4:14

Wéle, mɔ n mii nɛnɛ n léeli tɛɛ̀falagi naa na níjanʔa a gi nyaa mii n yɛlɛ bi kári sa làra léelige mɔ na. Mii a pye ninyaari-mí-màʔaga, ní nifaalaga tári na. Syɔ́ɔnwee faala wi ga sáà mii nyaa lè, wi a mii kpóo.»

Sélimɛ 4:16

A Kayɛn núngo Yawe taana n kári n sáà tɛ́ɛn Nɔdi tári ni, Edɛn canʔafolomɔ kabangi na.

2 Samyɛli 24:1

A Yawe fúngi ní baa tanʔa gbanʔama Isirayɛli ye kurugo, a wi Davidi kɔ́ri n wáa be na níì jo: «Da syée mi sa Isirayɛli ye ní Zyuda ye córo.»

1 Fànʔafɔbèle 10:9

Yawe wi lè mɔ Kolocɔlɔw, wi n yɛlɛ waa wi kpɔ̀ʔɔrɔ́, woro wee wi nyɔɔ mɔ na lè níì mɔ télege Isirayɛli fàngoli na. Amɛɛ Isirayɛli ye kéeli Yawe dɛ́nɛ lè làla o làla, koro na wi mɔ télege fànʔafɔlɔ jàngó mɔ í da kányɛɛgi ní sínni kèlē kpéʔele.»

2 Fànʔafɔbèle 17:18

A Yawe fúngi si wɔ́ɔ̀ tanʔa gbanʔama Isirayɛli ye kurugo a wi be nɛnɛ n núngo wiyɛɛ yɛ́ʔɛ ma n tórigo léelige, á Zyuda syɛɛnfelegi yagana kòro beè.

2 Fànʔafɔbèle 17:20

A Yawe si Isirayɛli yòdaʔagi cée, wi n be faʔa, níì be le yafuguru-mí-láabèle kɔ́yɔ ni, a gi kwɔ́ɔmi baa pye a wi be nɛnɛ n núngo wiyɛɛ yɛ́ʔɛ ma n tórigo léelige.

2 Fànʔafɔbèle 17:23

Fwɔɔ n taa a Yawe kɔ́ baa be nɛnɛ n núngo wiyɛɛ yɛ́ʔɛ ma n tórigo léelige, n yɛlɛ ní syɛ́ɛnri ni wi da joo wi falipyebèle myɛ ma a be joo lè pe lè kanyaajoobèle. Pe n Isirayɛli ye cò n yirige be tári ni n kári ní be ní Asirii ma, beè be yaà fwɔɔ n baa nan níjanʔa na.

2 Fànʔafɔbèle 24:20

Kérigèle bee n kpéʔele Zyerusalɛmi ní Zyuda ye na Yawe fundanʔari kéele na fwɔɔ n taa a wi kɔ́ baa be nɛnɛ n núngo wiyɛɛ yɛ́ʔɛ ma. Sedesyasi si maa baa Babilɔni fànʔafɔw cée.

2 Cányi kèlē 36:13

Alí wi maa caà fànʔafɔw Nebukadinezari cée, woro wee wi da wi kɔ́ri a wi kàli Kolocɔlɔɔ na lè. A wi wi líiweeli pɛɛn níì wi zɔ̌nw gbàn, wi ga fɔ̀lɔ n lúru n pan Yawe Isirayɛli Kolocɔlɔw ma í.

Ɛsidirasi 4:15

jàngó be caa be wéle yaà mɔ tóolɛɛbèle sɔ̀ngudaara kèlē sɛ́bɛ ni. Mɔ a gi nyaa sɔ̀ngudaari kèlē sɛ́bɛ ni bi cán kěgi naa i nyɛ céemɛ kaʔa, koro gee gi fànʔafɔbèle ní tátɛɛyi bɔ̀nɔ lè, a céemɛ wɔ́ɔ̀ pye kěgi naa ni booma ni. Koro na pe da kěgi naa jaa.

Kàseegèle 28:2

Céemi ga pye táree ni lè, ti kùndigibèle i gáà nɛʔɛ. Kàjáa nǎnwee wi cìlige lè ní i nyɛ keele cánvɔlɔ, fǎngi i mɔngi wi bárigaw ni.

Syɛɛnjóow 10:16

Tára mɔ, wɔʔɔgi i nyɛ mɔ na, mɔ wee fànʔafɔlɔ wi nyɛ lè nìgɔcaripiige, mɔ wee syɛɛnkpolobéle be sɔ̀ɔ́ ni líi lè!

Ezayi 19:4

Mii a Ezyipiti ye le kàfɔgbaɔn kɔ́lɔ ni, fànʔafɔ-danʔaɔ a tɛ́ɛn pe nyúngi na.» Kàfɔw Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Ezayi 3:1

Kányɛʔɛ na, wéle Kàfɔw Yawe wi lè Nyɛ̀ʔɛni Sùlasiibéle Kafɔlɔ, wi i dɛ̀ɛmɛgèle myɛ, ní tɛɛ̀telegegèle myɛ léeli Zyerusalɛmi, ní Zyuda ye na, gee bee n joo lìilee myɛ, ní lǒgee myɛ na pe da peyɛɛ daʔa lè,

Ezayi 36:5

Mɔ n gi joo miyɛɛ ma níì jo: Nyɔɔ káfalaga syɛ́ɛnrɛ dii yagana. Bi kapɛɛnnɛ kpúmɔn, láliiw ní fǎngi n yɛlɛ bi pye yaà. Tɔ́ɔliw ni doò, wìí na mɔ tága níì mii cée?

Zyeremii 15:1

Yawe n mii pye: «Alí Mowizi, ní Samyɛli ga baa yére mii yɛ́ʔɛ ma, mii fúngi a tée pye ní syɛ́ɛnbèle naa ní í. Pe nɛnɛ mi núngo mii yɛ́ʔɛ ma, mi tórigo léelige, ki n yɛlɛ paa syée!

Zyeremii 7:15

Mii a yele yirige niyɛɛ yɛ́ʔɛ ma bi wáa léelige àmɛɛ mii yele senyɛnbèle wáa lè, pe lè Efirayimi yòdaʔayi myɛw.›