Zyeremii 51:9 - Cebaara Bible 2010

⁹ Wolo maa ni caa bi Babilɔni pɔʔɔ, kàjáa wi ga pɔʔɔ í. Wo wi yaʔa yaà, wáā syée, wo myɛ nibin nibin wo tára ma. Níì cán wi kútiiw i nangi fwɔɔ nyɛ̀ʔɛgèle na, wi n yìri fwɔɔ n nan fàfaanyi na.

Zyeremii 51:9 Iomraidhean Croise

2 Cányi kèlē 28:9

Yawe kanyaajoowaa si maa pye yaà pe maa ni wi mɛ́ɛgi yiri Odedi. A woro yiri n sáà kapɛɛnkpumɔnbèle fàra pe da yìri yaà n lúru ni maa Samarii ma lè, níì be pye: «Ye wéle, Yawe yele tóolɛɛbèle Kolocɔlɔɔ fúngi n tanʔa Zyuda ye kurugo, koro na wi be le yele kɔ́yi ni, a yele si be kpóo ní fundanʔara ní n baa sɔ̀lɔ fwɔɔ a gee bee nan nyɛ̀ʔɛni na.

Ɛsidirasi 9:6

níì jo: «Mii Kolocɔlɔw, mii n curugo, fɛ̀ɛrɛ n mii taa, bi mii yɛ́ɛgi yìrige bi mɔ wéle, ee mii Kolocɔlɔw. Níì cán wolo kolomi kèlē n nɛʔɛ fwɔɔ n wolo tɔ́n, a wolo kakolobyeri taani tiyɛɛ na fwɔɔ n sáà nan nyɛ̀ʔɛni na.

Ezayi 13:14

Lǎli bee ni pe a pye móō wogaà wii, wee yarigaa nɛnɛ lè, si wɔ́ɔ pye móō bànaʔaɔ fun bàala bɛɛ, pe myɛ nibin nibin a lúru kári be syɛ̀ɛnnɛ ma, pe myɛ nibin nibin a fàn kári be tarà ma.

Ezayi 47:15

Wéle, ànbée pe a ba pye, bele kéele ní mɔ da ni miyɛɛ vɔ̀rɔgí lè, bele yíbele na mɔ miyɛɛ yaʔa lè nlaa yaà mɔ cárimi làla ni. Pe myɛ nibin nibin i curugu ni syée pe kàbangáriya na, syɔɔn faala a mɔ syɔɔ í!

Zyeremii 46:16

Wi n saʔa yaʔa a be kpírige. Pe i láʔala ni tuun peyɛɛ na ní i gi nyuu níì jo: ‹Wo yìri wo lúru waa syée wolo syɛ́ɛnbèle ma, wolo táseeri ma, wo léeli gàlagíw ŋɔsée na.›

Zyeremii 46:21

Wi sàra-na-falipyebèle wɔ́ɔ i nyɛ wi níngi ni àmɛɛ sìnmɛ náapiiye nyɛ lè. Poro wɔ́ɔgēle, pe n kolo n lúru, pe myɛ i fé, pe o yèré í. Níì cán pe kálagili canʔa i maa be ma, ki lè pe cângbumɔngi.

Zyeremii 50:16

Wee wi lùguri lúru lè, ye wi ceri ye yirige yaà Babilɔni ni, ní wee wi báara ní kɔnigɔ ní lè yaliiri làrilaala ni! Syɔɔn o syɔɔn n yɛlɛ bi lúru da fé kpóoli ŋɔsée yɛ́ʔɛ na bàā syée wi syɛ́ɛnbèle ma, syɔɔn o syɔɔn n yɛlɛ bàā fé da syée wi tára ma.

Zyeremii 8:20

Yaliilaari n sɔ̀lɔ, wɔ̀ɔ́gi n kwɔ́ɔ, wolo si ga syɔɔ í!

Oze sɛ́bɛw 7:13

Wɔʔɔlɔ i nyɛ be na, níì cán pe n fàn n léeli mii na! Kálagila i be na, níì cán pe n peyɛɛ bye niceebéle mii kánmi na! Mii maa ni caa bi be nyúnyi syɔɔ, a be si jànvaa joo mii kánmi na.

Tɛ̀ɛnnɛ 18:4

A mii níì yákpolaa nikwɔɔ lóʔo nyɛ̀ʔɛni ni, a li jo: «Mii wóbèle, ye yiri gi ni, koro ga pye yele a kɔ́ pínɛ ní gi ní ki kapeegèle na í, wɔʔɔli si kɔ́ ba too yele na ní gi ní í.

Tɛ̀ɛnnɛ 18:5

Níì cán ki kapeegèle n taani keyɛɛ na fwɔɔ n sáà nan nyɛ̀ʔɛni na, a Kolocɔlɔɔ sɔ̀ngi n taa ki kakolobyeri na.