Zyeremii 51:8 - Cebaara Bible 2010

⁸ Babilɔni n too làrinijanna ni, wi n tɔ́nʔɔnɔ! Yaa kɔ́nʔɔri wi kéeli na, ye céyaa-sìnmɛ láa wi yáami kéele na, dɔ̀ʔɔ́ wi a pɔʔɔ.

Zyeremii 51:8 Iomraidhean Croise

Ezayi 21:9

Wéle, syɔɔnyɔ yi maa yee siin-ziin, syɔɔnfànbēle nibin nibin si i nyɛ yi na peyɛɛ daana!» A kpaàwelew níì gi joo níì jo: «Ki n too, ki n too, Babilɔni n too, gi kolocɔlɔbèle niwiriye myɛ n cɛnɛ n cáan tári na.»

Ezayi 47:11

Wɔʔɔgɔ a ba too mɔ na, mɔ a sélimɛ cán gi na í. Kálagila a ba too mɔ na, mɔ a gbǎn miyɛɛ nyúngi syɔɔ í. Kapeʔe a ba foo too mɔ na, sáni mɔ í sàmi gi na lè.

Ezayi 47:9

Yáriyi naa siin a nan mɔ na làla nibin ni, cannijanga ni, yoro yi nyɛ pìíbèle fɔ̀nnɔ, ní bi pye lɔgucaa. Kérigèle bee a too mɔ na, mɔ dɛɛmi kapyenɛʔɛrɛ ní gi myɛ ní, ní mɔ séew kanyaajooro ní gi myɛ ní.

Zyeremii 46:11

Lúgu mi kári Galaadi ma mi sa céyaa-sìnmɛ láa, nàngeele sinján pìcaa, calipili Ezyipiti! Mɔ i tíinmi nɛʔɛgi miyɛɛ ma gbanzan, tiindaanma a taa mɔ na í.

Zyeremii 48:20

Fɛ̀ɛrɛ n Mowabi taa, àmɛɛ wi kpúmɔn n cáan lè. Yaa cɛ́ɛn yaa yákpogèle wáa! Yaa gi jáari Arinɔn nyɔ́ɔgi na ye jo: Mowabi n kálagi!

Zyeremii 48:31

Koro na mii nyaan ni peele Mowabi kéeli na, mii i yákpoli wáa Mowabi wobow myɛ kéele na. Pe i cɛ́ɛn Kiiri-Herɛsi syɛ́ɛnbèle kéele na.

Zyeremii 50:2

«Ye gi jáari syɛɛnfeleyi nínge ni, ye gi yaʔa pe gi lóʔo, ye dirapo yìrige! Ye gi yaʔa pe gi lóʔo, ye a kɔ́ gi làriga í! Ye jo: ‹Pe n fànʔa taa Babilɔni na! Fɛ̀ɛrɛ n Bɛli taa. Fyáakpɔɔrɔ n Merodaki cò. Fɛ̀ɛrɛ n wi ǹdedanyi taa, fyáakpɔɔrɔ n wi yasunyi cò.›

Zyeremii 51:41

Hàán! Pe n fànʔa taa Syesyaki na! Tári myɛ sòololo n láʔa yaà! Hàán! Babilɔni n baa pye tɛɛ̀kalagiga syɛɛnfeleyi nínge ni!

Zyeremii 8:22

Céyaa-sìnmɛ ní o nyɛ Galaadi ni ì? Lɔ̀ʔɔtɔrɔɔ ní o yaà ì? Nyàʔá na kàa o taari mii calipili pɔʔɔlɔ na í li lè mii syɛ́ɛnbèle?

Ezekyɛli 30:2

«Syɔɔn-pya, kérigèle nyaa mi joo mí jo: ‹Kàfɔw Yawe wi syɛ́ɛnri naa joo níì jo: Yaa nyaan yaa peele yé jo: Ee, cânbeʔe!

Danyɛli 5:24

Koro na si wi kabenyɔɔri bee tórigo a ti baa sɛ́bɛri naa sɛ́bɛ.

Nahumi 3:19

Kanmaa o yaà bi mɔ kpaligi pɔʔɔ í, mɔ námigi i nyɛ kùu wóʔo. Bele myɛ pe ga mɔ kéeli lóʔo lè, pe a ra kadaagèle kóri mɔ kéeli na. Wìí wi yaà, wee wi lè mɔ péemi da ni nangi wi na sìnyére ni í?

Tɛ̀ɛnnɛ 14:8

A nyɛ̀ʔɛni tundun-ziin wóo taʔa wozeliw na ní i gi nyuu níì jo: «Ki n too, Babilɔni n too, ki lè kèkpɔɔgi, koro gee gi syɛɛnfeleyi myɛ kaan lè a yi gi kanɔnʔɔbeeri fundanʔara duvɛɛn gbaa.»

Tɛ̀ɛnnɛ 18:2

A wi i gi nyuu ní yákpogbɔɔlɔ ní níì jo: «Ki n too, kèkpɔɔgi Babilɔni n too! Ki n kàri màdebèle tɛɛkòrogo, ki i nyɛ màdebeebèle féleye myɛ tɛɛlaraga, ní wɔ́ɔ i nyɛ féjɛɛn-nɔ́nʔɔgèle féleye myɛ tɛɛlaraga, gele ge syɛ́ɛnbèle bɛɛn lè.