Zyeremii 51:6 - Cebaara Bible 2010

⁶ Ye fàn ye yiri Babilɔni ni, syɔɔn o syɔɔn í wi sìi syɔɔ. Yele a kɔ́ kùu wi kolomi kéele na í! Níì cán gɔ̀lɔ́-wòloro làla lii Yawe ma. Gee gi nyɛ lè wi wógi, wi a gi lúrugo wi ma!

Zyeremii 51:6 Iomraidhean Croise

Ŋúnuyi 94:1

Ee Yawe, mɔ wi lè Kolocɔlɔɔ, wee wi kapeegèle gɔ̀lɔ́ wóo lè, ee Kolocɔlɔɔ, mɔ wi lè kapeegèle gɔlɔ́-wòloo, miyɛɛ dɛ̀ɛn mɔ gbɛɛnmi ni.

Kàseegèle 13:20

Wee wi táanri ní sícilibèle ní lè, wi n baa pye sícilio, wee si wi kòró ní nilabalayi ní lè, wi n baa pee.

Ezayi 48:20

Ye yiri Babilɔni ni. Ye fàn ye yiri Kalide ye níngi ni! Yaa fundaanra yákpogéle wáa yaa kéeli bee jáari, ye li kéeli joo be lóʔo. Ye li cariga fwɔɔ li nan tári láʔala na. Ye gi joo ye jo: «Yawe n wi falipyew Zyakɔbi nyúngi syɔɔ.»

Ezayi 63:4

Níì cán gɔ̀lɔ́-wòloro canʔa kéele maa pye mii fúngi ni, á mii wóbèle nyùnzyɔɔrɔ yɛ́ɛlɛ kàri n nan.

Zyeremii 25:14

Níì cán séekpɔɔɔ fɔɔlɔ, ní fànʔafɔ-gbólobéle a wɔ́ɔ be kɔ́ri paa báara poro ma, mii a be kapyegèle, ní be kɔ́yi fáli sìndɛʔɛ lúrugo be ma.»

Zyeremii 25:16

Yi gbaa bàā fági, si pye àmɛɛ nicurobéle nyɛ lè, ŋɔséew kéele na mii tórigo yi níngi ni lè.»

Zyeremii 27:7

Syɛɛnfeleyi myɛ a ra báara woro, ní wi jáaw, ní wi pìinyanbiigi ma, fwɔɔ bi taa wi tári làla í wɔ́ɔ ba nan, fànnɛʔɛgɛ syɛɛnfelege, ní fànʔafɔ-gbólobéle si wi kɔ́ri waa báara poro ma.

Zyeremii 46:10

Cángi bee i nyɛ Kàfɔw Yawe wóʔo, wi lè Nyɛ̀ʔɛni Sùlasiibéle Kafɔlɔ, gɔ̀lɔ́-wòloro canʔa si gii, gee ni wi a gɔ̀lɔ́w wòlo wi nigoobèle na lè. Ŋɔséew i káa, wi i tíngi, wi i be sìsyaanw gbo ni yɛ́ɛgi wóo. Níì cán sáriga wii Kàfɔw ma, Yawe wi lè Nyɛ̀ʔɛni Sùlasiibéle Kafɔlɔ, solomɔkulo tári ma, Ufurati cábigi kàbaan na.

Zyeremii 48:6

Yaa fé, ye yele sìíw syɔɔ, yé pye àmɛɛ wúuro tiipiige nyɛ lè fìími tára ni.

Zyeremii 50:15

Yaa kapɛɛnnɛ yákpolo wáa wi kánmi na kàbanyi myɛ na! Wi i kɔ́yi sáanri. Wi kàpɔɔnbèle n too. Wi tǒbèle n kálagi. Níì cán kapeegèle gɔ̀lɔ́-wòloro canʔa gi nan Yawe ma. Ye gɔ̀lɔ́w wòlo wi na! Gee wi pye lè, ye koro félege pye wi na!

Zyeremii 50:28

Ye fànvɔbèle yákpogéle lóʔo, poro bele be fàn n syɔɔ n yiri Babilɔni tári ni lè n ba ni Yawe wolo Kolocɔlɔw gɔ̀lɔ́-wòloro kéele jáari Siyɔn ni, ti lè wi kpɔ̀ʔɔrɔli kpaʔa gɔ̀lɔ́-wòloro.

Zyeremii 50:31

«Wéle, mɔ ní mii cáan, nɛ̀ɛgbɔʔɔgɔfɔlɔ,» Kàfɔw wi jo nya, wi lè Nyɛ̀ʔɛni Sùlasiibéle Kafɔlɔ. «Níì cán mɔ cángi n nan, gee ni mii a mɔ wɔʔɔ lè.

Zyeremii 50:8

Ye fàn ye yiri Babilɔni ni, ye yiri Kalide ye tári ni, yé pye àmɛɛ sikepɔɔlɔ nyɛ lè yaweeyiligēle yɛ́ʔɛ na!

Zyeremii 51:11

Ye wɛ̀ɛ́gèle nyɔ́ɔyɔ fìrige, ye segboyi nyìn! Yawe n Mɛdi ye fànʔafɔbèle fúnyo yìrige. Ncan wi n gi tímana bi Babilɔni kálagi. Níì cán Yawe gɔ̀lɔ́-wòlori canʔa gii, ti lè wi kpɔ̀ʔɔrɔli kpaʔa gɔ̀lɔ́-wòloro.

Zyeremii 51:36

Gee bee na Yawe syɛ́ɛnri naa joo níì jo: «Wéle, mii a mɔ kéeli láa, mii a mɔ gɔlɔ́w wòlo! Mii a Babilɔni sólomi lɔ̀ʔɔ waʔa, mii a wi púloweeli waʔa.

Zyeremii 51:45

Ye yiri wi níngi ni, mii syɛ́ɛnbèle, syɔɔn o syɔɔn í wi sìíw syɔɔ, ye léeli Yawe fundanʔari káfugbanga na.

Zyeremii 51:50

Yele bele ye syɔɔ ŋɔséew ma lè, yaa syée, ye a kɔ́ yére í. Bi yele yaʔa yaà léelige, ye sɔ̀ngi ye taa Yawe na, ye Zyerusalɛmi kéeli yaʔa li pye yele fúnyi ni.

Zyeremii 51:56

Kálagifɔw tɔ̀nɔ́ i maa wi kánmi na, gee bee n jo Babilɔni kánmi na, wi nànniribèle n cò n kári, pe sedeyi n kabagi. Níì cán Yawe i nyɛ Kolocɔlɔɔ, wee wi sàraw kaangi lè, wi i syɔɔn o syɔɔn kaangi ni yɛlɛgi ní gee ní wi yɛlɛ bi taa lè.

Zyeremii 51:9

Wolo maa ni caa bi Babilɔni pɔʔɔ, kàjáa wi ga pɔʔɔ í. Wo wi yaʔa yaà, wáā syée, wo myɛ nibin nibin wo tára ma. Níì cán wi kútiiw i nangi fwɔɔ nyɛ̀ʔɛgèle na, wi n yìri fwɔɔ n nan fàfaanyi na.

Kayaagi Nyɛnigɛ 3:64

Ki sìndɛɛgi lúrugo be ma, ee Yawe, bi yɛlɛ ní be kɔ́yi kapyele ní.

Córolo 16:26

A wi gi joo syɛ́ɛnmi ma níì jo: «Nǎnbèle naa be pee lè nya, ye léeli be fànikpaayi na. Yele a kɔ́ tánga be kɔlɔ̀ yárigaa faala na í, koro ga pye kapeegèle myɛ be kpéʔele lè yele a kɔ́ kálagi láʔa yaà ge kéeli na í.»

Làlwaw Kaanziin 32:25

Kàfugi na, ŋɔséew a ra be bɔ̀nɔ́ pìíbèle ni, fyáari si pye yaà be na fungo ma. Nigɔcaribèle ní pìcaabèle a pínɛ da kálagi, n fàra pìíwee na wi ŋɔri lè, ní ǹjoofiire nànlɛɛɔ.

Làlwaw Kaanziin 32:41

Mii ŋɔséew wi daragi lè, mii ga wi nyɔ́ɔgi wòlo lǎlee ni lè, mii kɔ́gi ga kútiisinw cò, mii a mii gɔ̀lɔ́w wòlo mii kàsiitun-nyɛ́nbèle na, si wɔ́ɔ ki sìndɛɛgi lúrugo mii parafɔbèle ma.

Làlwaw Kaanziin 32:43

Syɛɛnfeleyi, yaa wi syɛ́ɛnbèle sòoló. Níì cán Yawe i wi falipyebèle sìsyaan wolo gɔlɔ́ wóo. Wi i gɔ̀lɔ́w wóo wi kàsiitun-nyɛ́nbèle na. Ní i wi tári, ní wi syɛ́ɛnbèle kapeegéle kusulugo fáli kpéʔele.

1 Timɔte 5:22

Mɔ a wári kɔ́ mɔ kɔ́yi taʔa syɔɔnwaa faala na í, ki ga wɔ́ɔ̀ yɛlɛ mɔ í pínɛ ní pèle ní kapeebyeri na í. Ki n yɛlɛ mɔ tíimaa í kòro wojaɔn ní.

Tɛ̀ɛnnɛ 16:19

A kèkpɔɔgi fala n jaa tɛɛyɛ taanri, á syɛɛnfeleyi wozanya kèkpoloyo too. A Kolocɔlɔɔ sɔ̀ngi n taa kèkpɔɔgi kéele na, gi lè Babilɔni, níì wi fundanʔagbɔɔri dùvɛɛn kaan gi ma yagbaali ni ki gbaa.