Zyeremii 51:57 - Cebaara Bible 2010

⁵⁷ Mii a wi syɛɛnkpolobèle, ní wi sícilibèle, ní wi tári kacɔɔnribéle, ní wi kútiijoobèle, ní wi nànniribèle kaan be gbaa pe yɛ́ɛyi í wɔ́ɔ, pe pye bàngwɔɔ ŋúnɔmɔ na pe a ní kɔ́ yìri í,» Fànʔafɔwee mɛ́ʔɛ gi nyɛ lè Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Zyeremii 51:57 Iomraidhean Croise

Ezayi 37:36

A Yawe nyɛ̀ʔɛni tunduɔn yiri n baa kpúmɔn n kpóo Asirii ye tɛɛkòrogi ni nànbēle sirakamayɛ kpanjɛrɛ ní selebingéle siin ní saala kagunɔ. A bele ga yìri nyǐngi nyɔ́ɔ na, a be bele myɛ nyaa kúbéle.

Ezayi 44:25

Mii wi jànvaa kanyaajoobèle fɛ̀ɛbēle kálagi, ní wɔ́ɔ i kanyaabèle kàragí nilabalabéle. Mii i sícilibèle lúrugu kàdoʔo ma, ní i be cánni kàragí labalama.

Ezayi 6:5

Lǎli bee ni a mii jo: «Wɔʔɔlɔ i nyɛ mii na! Mii n pùuni, níì cán mii i nyɛ syɔɔnwaa, wee nyɔ́ɔwara di nɔ́nʔɔ lè, mii i nyɛ syɛ́ɛnbèle pèle nínge ni, bele nyɔ́ɔwara di nɔ́nʔɔ lè, á mii nyapiigèle si Fànʔafɔw Yawe nyaa, woro wee wi lè Nyɛ̀ʔɛni Sùlasiibéle Kafɔlɔ.»

Zyeremii 13:13

Lǎli bee ni mɔ a be pye: ‹Yawe wi syɛ́ɛnri naa joo níì jo: Wéle, mii a tári naa syɛ̀ɛnnɛ myɛ kaan pe gbaa tín, àlí fànʔafɔbèle be tɛ́ɛn Davidi fàngoli na lè, ní sáriga-wòlobèle, ní kanyaajoobèle, ní Zyerusalɛmi ye myɛw, mii a be tín sínmi na.

Zyeremii 25:27

Mɔ a be pye: «Nyɛ̀ʔɛni Sùlasiibéle Kafɔlɔ Yawe, wi lè Isirayɛli Kolocɔlɔw, wi n jo: ‹Ye gbaa ye yele yɛ́ɛyi wɔ́ɔ ye tùgu, ye too, ye si a ní kɔ́ yìri í, ŋɔséew kéele na mii a tórigo yele níngi ni lè!›

Zyeremii 46:18

‹Mii woweew mɛ́ʔɛ na,› Fànʔafɔw wi jo nya, woro wee be yiri lè Yawe, wi lè Nyɛ̀ʔɛni Sùlasiibéle Kafɔlɔ, ‹wàa a pan àmɛɛ Tabɔɔri nyanbelegi nyɛ lè nyanbeleyi nínge ni, àmɛɛ Karimɛli nyanbelegi nyɛ lè sólomi lɔ̀ʔɔ nyɔ́ɔ na.

Zyeremii 48:15

Mowabi n kálagi, pe n jée n wi kěyi nyìn. Wi cárimi wonyɛnɛ-wòlobēle i syée kaàkpoo-tɛ́ɛgi ma.» Fànʔafɔw mɛ́ʔɛ pe yiri lè Yawe, wi nyɛ lè Nyɛ̀ʔɛni Sùlasiibéle Kafɔlɔ, woro wi jo nya.

Zyeremii 50:30

«Koro na wi nìgɔcaribèle a ra tuun wi kàlari-kóloyi ni, wi kapɛɛnkpumɔn-nǎnbèle myɛ a kùu cángi bee,» Yawe wi jo nya.

Zyeremii 51:39

Ki laànitaagi sɔ̀ngurɔ ga yìri be ma, mii a be lìigbɔɔli sámaga be ma, mii a be kaan be gbaa bi be yɛ́ɛyi wɔ́ɔ, jàngó paa cáʔara, pe pye bàngwɔɔ ŋúnɔmɔ na, pe a ní kɔ́ yìri í,» Yawe wi jo nya.

Ezekyɛli 20:33

Mii woweew mɛ́ʔɛ na,› Kàfɔw Yawe wi jo nya, ‹mii a tɛ́ɛn fǎngi na yele nyúngi na, ní sée kɔ́lɔ, ní kɔ̂zánʔaga ní, ní mii fundanʔagbɔɔri ní mii a yàli lè.

Nahumi 1:10

Alí pe ga pye àmɛɛ wúuro tiipiire nyɛ, dee di fala tiyɛɛ ni lè, níì be yɛ́ɛyi wɔ́ɔ ní be sínmi ní, pe a ba sógi mɛnɛ mɛnɛ àmɛɛ nyàáwaʔa nyɛ lè.

Nahumi 3:18

Mɔ banaʔabèle i ŋúnɔ, Asirii fànʔafɔw, mɔ sanbalipɔbèle ní o nyɛ́ʔɛ í, mɔ syɛ́ɛnbèle n cariga n màʔa nyanbeleyi na, syɔɔn faala o be kpóʔoro í.

Malasyii 1:14

«Námarafɔwee má yaweepɔlɔ nyɛ lè wi yaweeri gboolo ni, á wi nyɔɔfaliga kpéʔele Kàfɔw ma, níì gi wòlo ní tɛɛ̀kalagila yaweele ní, wi n yɛlɛ wi dánga. Níì cán mii i nyɛ fànʔafɔgbɔɔɔ.» Yawe wi lè Nyɛ̀ʔɛni Sùlasiibéle Kafɔlɔ woro wi jo nya, «mii mɛ́ɛgi i nyɛ fyáara yáriga syɛɛnfeleyi nínge ni.

Tɛ̀ɛnnɛ 18:9

Tári fànʔafɔɔlɔ pe da ni kanɔnʔɔri kpéʔele ní gi ní lè, ní i pe nyɛnɛ yáriri myɛ taagi gi ni lè, pe ga baa gi sógili wírige nyaa lǎlee ni lè, pe a ra nyaan sáā sùpiigèle wáa gi kéeli na lǎli bee ni.