Zyeremii 51:53 - Cebaara Bible 2010

⁵³ Alí Babilɔni ga lúgu fwɔɔ n sáà nan nyɛ̀ʔɛni na, àlí wi ga wi kpaataʔa-tɔ́nɔyi pye fwɔɔ wàa a gbǎn jée yi ni í, mii a kálagifɔɔlɔ tórigo wi kurugo,» Yawe wi jo nya.

Zyeremii 51:53 Iomraidhean Croise

Sélimɛ 11:4

Koro kàdoʔo ma a be níì jo: «Ye kàwáa wo kàʔa tɛ́ʔɛ, wó kpaataʔa-tɔ́nɔgɔ faan fwɔɔ ki ǹjogi í sa nan nyɛ̀ʔɛni na. Kánmi bee na wolo a mɛ́ɛkpɔʔɔ taa, koro ga pye wolo a kɔ́ cariga bi kári tári myɛ yɛ́ʔɛ kurugo í.»

Zyɔbi 20:6

Alí wi ga maa tɔnɔ fwɔɔ n sáà nan nyɛ̀ʔɛni na, a wi nyúngi sa ni cínɛ fàfaanyi na,

Ezayi 13:17

Wéle, mii i Mɛdi ye yìrigí bi wáa be na, poro bele be lè pe o wálifiiw córo í, tɛ́ɛw si wɔ́ɔ o nyɛ be yanidaanmaga í.

Ezayi 41:25

Mii n wàa yìrige yaà solomɔkulo kàbangi na a wi pan. Mii n wi yeri yaà canʔafolomɔ ma wi mɛ́ɛgi na. Wi i yɛɛ̀kinibèle tánʔana ní tɔ́lɔyi ní àmɛɛ fariga nyɛ lè, ní àmɛɛ cóofaaɔn cóoro tánʔana lè.

Ezayi 47:5

«Tɛ́ɛn mi kòro pyèrio, mí tìgi mi jée yébilimi ni, Kalide ye pìcaa! Níì cán pe a ní da mɔ yiri fǎnyi fànʔafɔjaa í.

Ezayi 47:7

Mɔ maa ni gi nyuu níì jo: Mii a kòro fànʔafɔjaa làla o làla! Mɔ ga kérigèle bee cò mɔ fúngi ni í, mɔ ga sɔ̀ngi ge kwɔ́ɔmi kéele na í.

Zyeremii 49:16

Fyáakpɔɔri mɔ da ni wáa lè, ní mɔ fúngi kpɔ́ɔmɔ n mɔ pùuni, mɔ wee wi kòró fálaweeyi ni lè, dǎndamayi ǹjoyo si i nyɛ mɔ wóyo. Mɔ ga mɔ zyaari tɛ́ʔɛ yaà ǹjoʔo ma àmɛɛ nyɔɔ̀ wóro nyɛ lè, mii a mɔ tìrige bi cáan naa,» Yawe wi jo nya.

Zyeremii 50:21

Lúgu mi kári Meratayimi tári kánma na, lúgu mi kári Pekɔdi syɛ́ɛnbèle kánma na! Pe kálagi péw, mɔ a kɔ́ wàa yaʔa í,» Yawe wi jo nya. «Gee mii joo n gbàn mɔ ma lè, ki myɛ kpéʔele!

Zyeremii 50:25

Yawe n wi kapɛɛnkpumɔn-yáriri tɛɛkɔngɔ múgu níì wi fundanʔagbɔɔri kapɛɛnkpumɔn-yárira yirige yaà. Níì cán fali n pye yaà Kàfɔw Yawe ma Kalide ye tári ni, wi lè Nyɛ̀ʔɛni Sùlasiibéle Kafɔlɔ.

Zyeremii 50:45

Koro na ye gi lóʔo, gee Yawe tímana n kwɔ́ɔ Babilɔni kánmi na lè, ní kérigèle wi kɔ̀rirɔ n tímana Kalide ye tári kánma na lè! Pe a tɔ̀nɔ́ be kɔ́ri kári àmɛɛ yaweeyiligēle piibéle nyɛ lè, pe a tɔ̀nɔ́ be kpáayi pye tɛɛ̀kalagiya.

Zyeremii 51:11

Ye wɛ̀ɛ́gèle nyɔ́ɔyɔ fìrige, ye segboyi nyìn! Yawe n Mɛdi ye fànʔafɔbèle fúnyo yìrige. Ncan wi n gi tímana bi Babilɔni kálagi. Níì cán Yawe gɔ̀lɔ́-wòlori canʔa gii, ti lè wi kpɔ̀ʔɔrɔli kpaʔa gɔ̀lɔ́-wòloro.

Zyeremii 51:25

Wéle, mɔ ní mii cáan, kálagili nyanbelege, Yawe wi jo nya, mɔ wee wi da ni tári myɛ kálagi lè! Mii a mii kɔ́gi sánʔa mɔ kánmi na, mii a mɔ yìrige yaà fálayi ǹjoʔo ni bi kòlogo cáan naa, si mɔ pye nyanbelege, gee gi cò ni sóori lè.

Zyeremii 51:48

Nyɛ̀ʔɛni ní tári, ní di fúnyi yárira a ra fundaanra yákpogéle wáa Babilɔni kéeli na. Níì cán kálagifɔbèle a yìri solomɔkulo ma bi ba tìn jée wi ni,» Yawe wi jo nya.

Zyeremii 51:56

Kálagifɔw tɔ̀nɔ́ i maa wi kánmi na, gee bee n jo Babilɔni kánmi na, wi nànniribèle n cò n kári, pe sedeyi n kabagi. Níì cán Yawe i nyɛ Kolocɔlɔɔ, wee wi sàraw kaangi lè, wi i syɔɔn o syɔɔn kaangi ni yɛlɛgi ní gee ní wi yɛlɛ bi taa lè.

Zyeremii 51:58

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Babilɔni tògboloyi a cáan núngo yaà péw, naà a wi kɔ̀ritɔnɔyi sórigo. Kánmi bee na syɛɛnfeleyi a báara kawaʔa na, tátɛɛyi syɛ̀ɛnnɛ a báara kaan náagi ma.»

Danyɛli 4:30

Lǎli bee wonijanna ni a syɛ́ɛnri foro Nebukadinezari na. A pe wi nɛnɛ n yirige syɛ́ɛnbèle nínge ni, a wi i nyàági káa àmɛɛ nǐyi nyɛ lè, a nyɛ̀ʔɛni kásaga i ŋuu wi céri na. A wi ǹjoori baa tɔnɔ n pye àmɛɛ nyɔ́ɔbèle síire nyɛ lè, a wi kajinri pye àmɛɛ féjɛɛnri wóro nyɛ lè.

Amɔsi 9:2

Alí pe ga tìgi n jée kúbèle tɛɛkòrogo ni, mii kɔ́gi a be cò yaà bi yirige naa. Alí pe ga lúgu nyɛ̀ʔɛni na, mii a be cò yaà bi tìrige naa.

Amɔsi 9:4

Alí pe ga kíni pe nigoobèle yɛ́ʔɛ ma ni syée púlori na, mii a gi joo gbàn ŋɔséew ma wi be kpóo yaà. Mii a mii nyapili le be ni bàā wéle be kapeʔe kéele na, ki a pye be kacànna kéele na í.»

Habakuki 2:9

Wɔʔɔlɔ a pye syɔ́ɔnwee na wi námara tɔ̀nɔw fàarí ni kpóʔoro wi kpáagi kéele na lè, koro ga pye bi wi zyàári tɛ́ʔɛ ǹjoʔo ma jàngó wɔʔɔgi a kɔ́ nan woro na í.