Zyeremii 51:5 - Cebaara Bible 2010

⁵ Níì cán Isirayɛli ní Zyuda o nyɛ lɔguugo na be Kolocɔlɔw ma í, Nyɛ̀ʔɛni Sùlasiibéle Kafɔlɔ Yawe ma í, àlí n gi yaʔa pe tári n tɔ̀nɔ n kolo n foro Isirayɛli Wojanw kánma na.

Zyeremii 51:5 Iomraidhean Croise

1 Fànʔafɔbèle 6:13

Mii a ba tɛ́ɛn Isirayɛli ye níngi ni. Mii a tée mii syɛ́ɛnbèle yaʔa í, pe lè Isirayɛli ye.»

2 Fànʔafɔbèle 21:16

Manase n wɔ́ɔ̀ tɛɛlɛ fun sìsyaan saʔa wo fwɔɔ a Zyerusalɛmi nyìn wi na n séli láʔalee na n sáà nan lee na. Wi n koro kpéʔele n fàra kapeegèle gele na wi da Zyuda ye kɔ́ri n wáa pe i kpéʔele lè, ni gi kpéʔele gee gi pee Yawe nyɛ́nɛ na lè.

Ɛsidirasi 9:9

Níì cán wolo i nyɛ pulobèlē kàjáa n wolo yaʔa wolo púlori ni wolo Kolocɔlɔw ga wolo yaʔa í. Wi n wi funjǎngi tɛ́ʔɛ n wolo tɔ́n Pɛrisi fànʔafɔbèle yɛ́ʔɛ ma, bi ní sìíw lúrugo kaan wolo ma koro ga pye wolo í ní wolo Kolocɔlɔw kpaʔa yìrige, bi gi gurubɛɛ-toogi yìrige jàngó bi tɛɛlaraga kaan wolo ma Zyuda, ní Zyerusalɛmi ni.

Ŋúnuyi 94:14

Níì cán Yawe a tée wi syɛ́ɛnbèle yaʔa í, wi a tée wi kɔ́rigi wáa bi yaʔa í.

Ezayi 44:21

«Sɔ̀ngi mi taa gee bee na, Zyakɔbi! Níì cán Isirayɛli, mɔ i nyɛ mii falipyeo. Mii wi mɔ faan jàngó mɔ í pye mii ma falipyeo. Isirayɛli, mii a fɛ̀ʔɛ mɔ na í.

Ezayi 51:15

Mii wi nyɛ Yawe, mɔ Kolocɔlɔw, wee wi sólomi lɔ̀ʔɔ yìrigí lè, ní i gi kùnguruyi fúugu, mii mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ.

Ezayi 62:12

Pe a ra be yiri «syɛɛnfele-jànga,» ní «bele nyúnyo Yawe syɔɔ lè.» Mɔ na, pe a ra mɔ yiri: «Kěgi be caa lè,» ní «Kènaa-sìnyaʔagi.»

Zyeremii 14:19

A mɔ zǐn Zyuda wáa lé wi péw, wàlá a Siyɔn pye mɔ fúngi yanibɛɛnmɛgɛ? Nyàʔá na mɔ wolo kpúmɔn pɔʔɔlɔ si a ní taa wolo ma í? Wolo maa wolo sɔ̀ngumi taʔa yɛɛ̀nyingi taala na, kàjáa yacanga faala o yaà í, pɔʔɔlɔ lala na, kàjáa wéle, fyáakpɔɔrɔ dii!

Zyeremii 14:9

Nyàʔá na mɔ yɛlɛ bi pye, móō syɔɔnwaa wii, wee fúngo gi wɔ́ɔ lè, móō kapɛɛnkpumɔn-nànnirio wii, wee wi lè wi a gbǎn wàa syɔɔ í? Bi gi taa mɔ i nyɛ wolo níngi ni, ee Yawe, mɔ mɛ́ɛgi si i yiri wolo na, mɔ a kɔ́ wolo yaʔa í!

Zyeremii 16:18

Mii a sàra tɛ́ɛyɛ siin kaan be ma gbɛnʔɛnɛ, pe kolomi, ní be kapeeli kéele na, níì cán pe n mii tári nɔ́nʔɔ ní be yasunguuyi ní, pe n mii kɔ́rigi nyìn ní be yanɔnʔɔyi ní.»

Zyeremii 19:4

Níì cán pe n mii yaʔa, pe n tɛ́ɛgi naa kàriga tɛɛgaa gee ni syɔɔn pùuní lè. Pe i nùndaanni yáriga kaangi kolocɔlɔbèle pèle nikwɔɔlɔ ma gi ni, bele be lè pe tiimaw, ní be toolɛɛbèle, ní Zyuda fànʔafɔbèle da be cán í. Pe n tɛɛlɛ fun syɛ́ɛnbèle sìsyaan tɛ́ʔɛ n tɛ́ɛgi naa nyìn.

Zyeremii 23:15

Gee bee na, Yawe wi lè Nyɛ̀ʔɛni Sùlasiibéle Kafɔlɔ, wi n syɛ́ɛnri naa joo kanyaajoobèle kéele na, wi n jo: «Wéle, mii a kòbi kaan be ma pe lìíli, si wɔ́ɔ tɔnmɔ lɔ́ʔɔ kaan be ma pe gbaa. Níì cán Zyerusalɛmi kanyaajoobèle má kálagimi séli ní náà cariga n fala tári myɛ ni.»

Zyeremii 31:37

Yawe wi syɛ́ɛnri naa joo níì jo: «Nyɛ̀ʔɛgèle ge lè ǹjogi ni, kapye ke a gbǎn tímana, tári di lè táàma, kapye ti kàpɔɔnbèle a gbǎn sɛʔɛ bi cán, lǎli bee ni mii a Isirayɛli yòdaʔagi wòolo myɛ wáa, gee myɛ kéele na be kpéʔele mii na lè,» Yawe wi jo nya.

Zyeremii 46:28

Mɔ wi lè mii falipyew Zyakɔbi, mɔ a kɔ́ ra fɛ̀ɛgí í,» Yawe wi jo nya, «níì cán mii i nyɛ ní mɔ ní, mii a syɛɛnfeleyi myɛ kálagi, yee nínge ni mii mɔ nɛnɛ n tórigo lè. Kàjáa mɔ na, mii a mɔ kálagi kwɔ́ɔ í, mii a mɔ kóro bi yɛlɛ ní sínni ní, mii a gbǎn mɔ yaʔa sìnwɔʔɔ ni í.»

Zyeremii 50:20

Cányi bee, ní lǎli bee ni,» Yawe wi jo nya, «pe a ra Isirayɛli kolomi tɛ́ɛlɛ caa, li si a ní nyaa í, ní Zyuda kapeeli, li si a ní nyaa í. Níì cán wozanbèle mii ga yaʔa lè, mii a be kùsulugi syɔɔ.

Zyeremii 51:19

Wee wi nyɛ lè Zyakɔbi lɛɛli, wi o nyɛ yi felege í. Níì cán woro wi yáriri myɛ sámaga, Isirayɛli si i nyɛ wi kɔ́rigi syɛɛnfelege. Wi mɛ́ɛgi gi nyɛ Yawe wi lè Nyɛ̀ʔɛni Sùlasiibéle Kafɔlɔ.

Ezekyɛli 8:17

A wi mii pye: «A mɔ gi nyaa lé syɔɔn-pya? Yanɔnʔɔyi Zyuda kpáagi wòolo kpéʔele lè nɛɛ naa ni mii fúngi taanri, yoro ga nɛʔɛ n yɛlɛ nya ì? A gi si níì yɛlɛ lé be tári nyìn péemi na, si kòro bàā mii fúngi yìrigí? Wéle, pe i kágangi nùuní fínaagèle na.

Ezekyɛli 9:9

A wi mii yari: «Isirayɛli kpáagi, ní Zyuda kpáagi wòolo kolomɔ n tɔ̀nɔ n kpɔ́ʔɔ n sɔ̀lɔ. Tári n nyìn syɛɛnkpoori na, kěgi n nyìn kakolobyeri na, níì cán pe i gi nyuu níì jo: ‹Yawe n tári yaʔa, Yawe o yafyɛn nyaagi í.›

Oze sɛ́bɛw 2:1

Isirayɛli wóbèle nyɔ́ɔ si a ba pye àmɛɛ sólomi lɔ̀ʔɔ nyɔ́ɔ táminyɔɔ nyɛ lè, wee wi lè wi a gbǎn tímana í, wi a wɔ́ɔ gbǎn córo í. Tɛ́ɛgee ni ki da ni nyuu be ma lè níì jo: «Yele o nyɛ mii syɛ̀ɛnnɛ í!» Ki a ní ba joo be ma tɛ́ɛgi bee ni si jo: «Yele i nyɛ Kolocɔlɔɔ woweew jàala!»

Oze sɛ́bɛw 2:3

Ye gi joo yele senyɛnnǎnbèle ma ye jo: Amii! Yé gi joo yele senyɛnjebèle ma ye jo: «Uruhama!»

Oze sɛ́bɛw 4:1

Ye Yawe syɛ́ɛnri lóʔo, yele Isirayɛli pìíbèle! Níì cán kútii i nyɛ Yawe ma tári syɛ̀ɛnnɛ kánma na. Níì cán wi n jo: «Kányɛʔɛ o beè í, funvii o beè í, Kolocɔlɔɔ cánna o nyɛ tári ni í.

Oze sɛ́bɛw 4:2

Yafyɛn o beè kapye jànvaa kàliyi, ní námaraw, ní syɛɛnkpoori, ní kàyuugi, ní kanɔnʔɔri ban í. Kapeeyi be kpéʔele, syɛ́ɛnbèle na be kòro ni kúu.

Misye 7:18

Wìí wi nyɛ Kolocɔlɔɔ àmɛɛ mɔ nyɛ lè, wee wi kolomi kùsulugo syoo lè, ní i wi kɔ́rigi wogorobéle kakoloyo yaari? Wi o wi fundanʔari kɔngi ni yaari ki kòro nya làla o làla í, níì cán funjǎngi kéele n wi dɛ́nɛ.

Misye 7:20

Mɔ a gi tɛ̀ɛn Zyakɔbi na àmɛɛ mɔ nyɛ lè tágala syɔ́ɔn, bi gi tɛ̀ɛn Abirahami na àmɛɛ mɔ nyɛ lè funjàngafɔlɔ, àmɛɛ mɔ da gi joo ní kàliga ní wolo tóolɛɛbèle ma lè booma ni yaà.

Zakarii 12:6

Cángi bee na mii a Zyuda kùndigibèle kpéʔele àmɛɛ naakpɔʔɔ kpùmɔnʔɔnɔ nyɛ lè kàjere nínge ni, ní àmɛɛ nìmubwɔɔlɔ náa nyɛ lè bilepwɔɔgéle láara ni. Syɛɛnfeleyi myɛ yi be màʔa lè, pe a yi kálagi péw kàliige, ní kàmɔnɔ ma. Zyerusalɛmi ye si a ní kòro yaà wodɛ́ɛnbéle ní be tɛ́ɛgi ni ki lè Zyerusalɛmi.»

Zakarii 12:8

Cángi bee na Yawe a Zyerusalɛmi ye tɔ́n. Wàa ga ni fági be ni, woro a pye cángi bee na mɔ a jo Davidi wii. Davidi kpáagi si pye mɔ a jo Kolocɔlɔɔ wii, bi pye mɔ a jo Yawe nyɛ̀ʔɛni tunduɔn wii pe yɛʔɛ̀ ma.

Zakarii 2:12

Níì cán Yawe wi lè Nyɛ̀ʔɛni Sùlasiibéle Kafɔlɔ, woro wee wi mii tun tundungbɔɔrɔ na lè, woro wi syɛ́ɛnri naa joo syɛɛnfeleyi kéele na, yoro yee yi yele fuguri lè, wi n jo: ‹Níì cán wee wi ga tánga yele na lè, mii nyapiisyɔɔnw na wi tánga.

1 Samyɛli 12:22

Yawe a wi syɛ́ɛnbèle yaʔa í wi mɛ́ɛkpɔɔgi kéele na. Níì cán ki n Yawe dɛ́nɛ a wi yele kpéʔele woro syɛ̀ɛnnɛ.