Zyeremii 51:41 - Cebaara Bible 2010

⁴¹ Hàán! Pe n fànʔa taa Syesyaki na! Tári myɛ sòololo n láʔa yaà! Hàán! Babilɔni n baa pye tɛɛ̀kalagiga syɛɛnfeleyi nínge ni!

Zyeremii 51:41 Iomraidhean Croise

2 Cányi kèlē 7:21

Kpáagi naa gi sámaga n pye lè gee ǹjoʔo ma, syɔɔn o syɔɔn wi ga ba ni sɔ̀lɔ́ gi taana lè, wi a ra káama si jo: ‹Nyàʔá na Yawe gee naa kpéʔele tári naa, ní kpáagi naa na?›

Ezayi 13:19

Babilɔni wi lè fǎnyi fèrere, wi lè Kalide ye kpɔ́ɔmi nìnbwɔɔrɔ, wi a pye àmɛɛ Sodɔmi ní Gomɔri nyɛ, yee Kolocɔlɔɔ kálagi lè.

Ezayi 14:4

lǎli bee ni mɔ a ŋúnugi naa ŋùu Babilɔni fànʔafɔw na, si jo: Hàán! Wee wi da ni fǎngi gbàngí syɛ́ɛnbèle na lè, wi n kwɔ́ɔ, fǎngi ní o gbàngí syɛ́ɛnbèle na í.

Zyeremii 25:26

ní solomɔkulo fànʔafɔbèle myɛ na, bele be nùuni lè ní bele be léeli lè, bi taʔala peyɛɛ na, ní tári fànya myɛ na, yi nyɛ lè tásaligi na. Syesyaki fànʔafɔw si wi a ba gbaa pe kàdoʔo ma.

Zyeremii 49:25

Ee! Mii sòololi kàʔa ga wáa n yaʔa ì, ki lè mii fundaanri kèkpɔʔɔ?

Zyeremii 50:23

Hàán! Ti n tɔ́nʔɔnɔ n cɛnɛ cɛnɛ, tári myɛ màrito! Hàán! Babilɔni n baa pye tɛɛ̀kalagiga tári syɛɛnfeleye nínge ni!

Zyeremii 50:46

Tári n cúngo Babilɔni jáali kàfulogo báriga ni, a yákpowáara lóʔo syɛɛnfeleyi nínge ni.

Zyeremii 51:37

Babilɔni a pye kàdɛnɛgboʔo, ní gbàáyi tɛɛkòrogo, ní funwɔɔrɔ yáriga, ní kataanra yáriga. Syɛ̀ɛnnɛ a ní pye yaà í.

Ezekyɛli 27:35

Lǒgi nínge tátɛɛgéle woolo myɛ fúnyo n curugo mɔ kéeli na, fyáara n be fànʔafɔbèle cò, pe yɛ́ɛyi n wáa n kàri.

Danyɛli 2:38

Tɛʔɛ o tɛʔɛ ni syɔɔn piibèle nyɛ wodɛ́ɛnbéle ní lè, wi n bele bee ní sìnbirigi yaweere, ní féjɛɛnri le mɔ kɔ́yi ni, níì mɔ télege toro myɛ nyúngo na. Mɔ wi nyɛ tɛ́ɛw nyúngo.

Danyɛli 4:22

Pe a mɔ nɛnɛ yirige syɛ́ɛnbèle nínge ni, mɔ tɛɛkòrogi a pye ní sìnbirigi yaweere ní, nyàági ki a pye mɔ yaliiri àmɛɛ nǐyi nyɛ lè. Nyɛ̀ʔɛni kásaga a ra ŋuu mɔ na, làrigēle kɔrɔsiin a sɔ̀lɔ mɔ na fwɔɔ bi taa mɔ í gi cán, wee wi nyɛ lè Pe Myɛ Nyúngo na, woro wi nyɛ syɔɔn ye fǎngi myɛ nyúngo na, wi i gi kaangi wee má ki wi dɛ́nɛ bi gi kaan lè.

Danyɛli 4:30

Lǎli bee wonijanna ni a syɛ́ɛnri foro Nebukadinezari na. A pe wi nɛnɛ n yirige syɛ́ɛnbèle nínge ni, a wi i nyàági káa àmɛɛ nǐyi nyɛ lè, a nyɛ̀ʔɛni kásaga i ŋuu wi céri na. A wi ǹjoori baa tɔnɔ n pye àmɛɛ nyɔ́ɔbèle síire nyɛ lè, a wi kajinri pye àmɛɛ féjɛɛnri wóro nyɛ lè.

Làlwaw Kaanziin 28:37

Syɛɛnfeleyee myɛ má Yawe a mɔ tórigo lè, mɔ a sa pye bìngaara yáriga, ní kàseele yáriga, ní yafaʔala yi ma.