Zyeremii 51:34 - Cebaara Bible 2010

³⁴ «Babilɔni fànʔafɔw Nebukadinezari n mii káa, wi n mii láʔala yasɛɛyɛ yasɛɛyɛ. Wi n mii kpéʔele yalewaʔa. Wi n mii jɔ́ɔ àmɛɛ yacobeʔe nyɛ lè, wi n wi fícarigi nyìn ní mii yacangi ní, níì mii nɛnɛ n tórigo.

Zyeremii 51:34 Iomraidhean Croise

Zyeremii 50:17

Isirayɛli i nyɛ bàpuunio, wee càarabèle nɛnɛ lè. Asirii fànʔafɔw wi wí káa wozeliw. Wee si wi pye lè wozanw n wi kaceleyi kabagi, woro wi nyɛ Babilɔni fànʔafɔw Nebukadinezari.»

Zyeremii 51:44

Mii a keele tɛ́ʔɛ Bɛli na Babilɔni ni, gee wi jɔ́ɔ lè mii a gi kíle yirige wi nyɔ́ɔgi ni, syɛɛnfeleyi a ní kabi da syée wi ma í, àlí Babilɔni tǒw a too!

Matye 23:13

«Wɔʔɔli a pye yele na, làlwaw sɛ́bɛwelebéle ní Farisibèle, yele bele ye nyɛ lè syɛɛnjóotɛɛyi siin joofɔɔlɔ! Níì cán yele n nyɛ̀ʔɛni fànʔa tɔ́n syɛ́ɛnbèle na. Yele o jǐn gi ni í, yele si ga wɔ́ɔ̀ fɔ̀lɔ n bele yaʔa pe i jǐn gi ni í. [

Zyɔbi 20:15

Lɔ́ri wi jɔ́ɔ lè, wi a di tùgu, Kolocɔlɔɔ a di yirige wi fícɛnni ni.

Nahumi 2:2

Kálagifɔlɔ i maa mɔ kánmi na. Da kènirigi kpáa wéle! Da kólogi kɔ̀rɔsíi! Fànʔa le mɔ sárigèle ni, lòmaana le ní mɔ fangi myɛ ní!

Amɔsi 8:4

Yele bele ye fɔ̀ngɔfɔw jóori lè ní i foomɔfɔbèle kwóo ni yirigi tári ni, ye gee naa lóʔo.

Ezekyɛli 36:3

Awá, kérigèle nyaa mi joo, mɔ a gi joo si jo: Kàfɔw Yawe wi syɛ́ɛnri naa joo, wi n jo: Níì cán pe maa tɔ̀nɔ ni caa bi yele kálagi kàbanyi myɛ na bi yele jɔ́ɔ, jàngó yele í ba pye syɛɛnfeleyi wozanya kɔ́lɔ na, níì cán yele n pye syɛ́ɛnbèle joonɛʔɛgɛ ní be kàfuloyi nyúngo.

Kayaagi Nyɛnigɛ 2:16

Mɔ nigoobèle myɛ i nyɔ́ɔyi múru mɔ kánmi na, pe i féfeegèle wíi, pe i gǎngèle kúru, pe i gi nyuu níì jo: «Wolo n wi jɔ́ɔ! Ɔnhɔ́n, cángi naa wolo da tɔ̀nɔ ni sigi, wolo n nan gi na, wolo i gi nyaagi.»

Kayaagi Nyɛnigɛ 1:1

Hàán! Ki n tɛ́ɛn gee ki nibin, kěgi bee ni syɛɛnnɛʔɛmɛ da pye lè! Ki n baa kàri n pye àmɛɛ lɔgucaa nyɛ lè, koro gee ki da kpɔ́ʔɔ syɛɛnfeleyi nínge ni lè. Ki maa pye fànʔafɔlɔ jáa, wi lè cɔlɔɔ, tátɛɛyi nínge ni. Ki si i nyɛ tɔ́ɔliw ni pɔrɔtɔɔri fáli na.

Zyeremii 51:49

Babilɔni n wɔ́ɔ̀ yɛlɛ bi too Isirayɛli wóbèle kéele na wi kpóo lè, àmɛɛ tápow wòolo nyɛ, bele wi kpóo n cáan lè.

Zyeremii 50:7

Bele myɛ pe da ni be nyaagi lè, pe maa ni be káa, pe kàsiitun-nyɛnbèle si i gi nyuu níì jo: ‹Wolo ga kolo í. Ncan pe n kapeele pye Yawe na, wi lè sínni tɛɛkòrogo, Yawe na wi lè pe toolɛɛbèle sɔ̀ngumɔ tɛɛtaʔaga.›

Ezayi 34:11

Kpɔ̀ʔɔlɔgɔ ní kéremisyoolo a di pye be tɛɛkòrogo, zangbuloweʔe ní kàanriga a tɛ́ɛn di ni. Pe a tɛɛwaali mɛɛntímanana cáan di na, ní kálagili gûnzin-yáriga.

Kàseegèle 1:12

wo be myɛ jɔ́ɔ woweebèlē ní àmɛɛ kúbèle tɛɛkòrogo gi kpéʔele lè, wo be jɔ́ɔ wobobéle ní àmɛɛ bele nyɛ be tíri weecurugi ni lè.

Ŋúnuyi 74:13

Mɔ wi sólomi lɔ̀ʔɔ tíla ní mɔ séekpɔɔw ní, níì yacobeeyi nyúnyo jabagi lǒyi ni.

Oze sɛ́bɛw 8:8

Pe n Isirayɛli ye jɔ́ɔ! Pe n pye tɔ́ɔliw ni syɛɛnfeleyi nínge ni àmɛɛ kanyɔɔnɔ fun yalege nyɛ lè.

Ezayi 42:22

Syɛ́ɛnbèle pèle si bɛɛ, bele be fuguri lè n be yáriri syɔɔ be na. Pe n pe myɛ pínɛ n pwɔɔ n yaʔa weecuruyi ni. Pe n tɔ́n kàsokpaayi ni, pe n be yáriri koli, wàa faala o be syoo í. Pe n be koli, wàa faala si o gi nyuu níì jo: «Pe lúrugo naa í.»